پۇرچاقچىلىك زەمچىدىن ئىككى تالنى ئېزىپ ، ئىككى تال سامساقنىڭ سۈيى بىلەن ئارىلاشتۇرۇپ ، كۈنىگە ئىككى قېتىمدىن ئىچۈرسە ، بالىلارنىڭ ئىچى سۈرۈشنى توختىتىدۇ .
بالىلار تاماقنى تولۇق ھەزىم قىلالماي ئىچى سۈرگەن بولسا ، كىندىكىگە ئاغرىق توختىتىش پلاستىردىن بىر پارچە چاپلاپ ، ئالتە سائەتتە بىر قېتىمدىن ئالماشتۇرۇپ بەرسە ، بىر قانچە قېتىمدىلا ئىچ سۈرۈشنى توختايدۇ .
بالىلارنىڭ ئىچى يېنىڭ دەرىجىدە سۈرسە ، ئالمىنى پىشۇرۇپ پوستىنى سويۇپ ، ئۇرۇقىنى ئېلىۋېتىپ ، ئېزىپ ، ئىككى ياش ئەتراپىدىكى بالىلارغا يېرىم تالدىن ، ئىككى ياشتىن ئاشقان بالىلارغا بىر تالدىن كۈنىگە بەش قېتىم يېگۈزسە بولىدۇ . داۋالاش مەزگىلىدە باشقا يېمەكلىك بەرمىسىمۇ بولىدۇ . قۇسۇش ، ئىچى سۈرۈش ئالامەتلىرى تۈگىگەندىن كېيىن ، سۇيۇق-سەلەڭ تاماقلارنى بېرىپ ، ئاستا - ئاستا نورمال تاماققا كۆندۈرسە بولىدۇ .
ھالۋابىدىتنى ئوتقا قاقلاپ قۇرۇتۇپ ، ئېزىپ ، جىڭمى گۈرۈچى بىلەن ئۇماچ قاينىتىپ بىر نەچچە قېتىم ئىچۈرسە ، بالىلارنىڭ ئىچى سۈرۈشى توختايدۇ .
10دانە تۇخۇمنىڭ سېرىقىنى قۇمقازانغا سېلىپ كۆيدۈرۈپ يېغىنى چىقىرىپ ، كۈندە ئۈچ ۋاخ يېگۈزسە ، بالىلارنىڭ ئىچى سۈرۈشى ناھايىتى تېز ساقىيىدۇ .
250704869 
