تۈركمەنىستان 2010 - يىللىق شاڭخەي دۇنيا سودا يەرمەنكىسىگە قاتناشتى

       تۈركمەنىستان زۇڭتۇڭى بەردىمۇھەممەدوۋ 2010 - يىللىق شاڭخەي دۇنيا سودا يەرمەنكىسىنىڭ ئېچىلىش مۇراسىمىغا قاتناشتى.
      بۇ تۈركمەنىستاننىڭ دۇنيا سودا يەرمەنكىسىگە تۇنجى قېتىم قاتنىشىشى بولۇپ، تۈركمەنىستان يەرمەنكە سارىيىنىڭ يەر مەيدانى 000 1 كۋادرات مېتىردىن ئاشىدۇ، A رايونىغا جايلاشقان، جۇڭگو يەرمەنكە سارىيىمۇ مۇشۇ رايوندا. تۈركمەنىستان يەرمەنكە سارىيىنىڭ ئالدى تەرىپى تۈركمەنىستان دۆلەت بايرىقى ۋە دۆلەت گېربى بىلەن بېزەلگەن، يەنە مىللىيچە گىلەممۇ بار.
      تۈركمەنىستان يەرمەنكە سارىيىنىڭ بىر ئالاھىدىلىكى شۇكى، كۆپ ۋاسىتىلىك سېزىمچان ئېكران ئارقىلىق كىشىلەرگە تۈركمەنىستاننىڭ ئۇزۇن يىللىق تارىخقا ئىگە مەدەنىيىتى، تەبىئىي مەنزىرىسى ۋە بايلىق مەنبەسىنى چۈشىنىش ئىمكانىيىتىنى يارىتىپ بەرگەن. شاڭخەي دۇنيا سودا يەرمەنكىسى مەزگىلىدە يەنە تۈركمەنىستاننىڭ دۆلەت بايرىمى، دۈگىلەك ئۈستەل يىغىنى ۋە تۈركمەنىستان مەدەنىي مىراسلار تونۇشتۇرۇش يىغىنى قاتارلىق پائالىيەتلەر ئۆتكۈزۈلىدۇ.