شىنجاڭ تۇنجى قېتىم سويۇم ئاتلىرىنى كىرگۈزدى
شىنجاڭ تۇنجى قېتىم موڭغۇلىيىدىن 000 3 تۇياق سويۇم ئات ئىمپورت قىلىپ كىرگۈزدى. سويۇم ئاتلارنىڭ ئىمپورت قىلىنىشى ئۆتكەن يىلى 12 - ئاينىڭ 15 - كۈنى تاقاشقىن چېگرا ئېغىزى ئېچىلغان كۈندىن باشلاپ ئىجرا قىلىندى. بۇ ئاتلار چېگرا ئېغىزىنىڭ ۋاقىتلىق مەيدانىدا ئايرىپ تۇرغۇزۇلغاندىن كېيىن، چىڭگىل ناھىيىسىدىكى ئەنگە ئېلىنغان قۇشخانىغا ئېلىپ بېرىلىپ سويۇلىدۇ.
شىنجاڭ چېگرىدىن كىرىش - چىقىشتا تەكشۈرۈش - كارانتىن قىلىش ئىدارىسى ھايۋانات كارانتىن باشقارمىسىنىڭ خادىمى ساۋ جيەن مۇنداق دېدى: «ئىلگىرى شىنجاڭ ئوتتۇرا ئاسىيادىكى دۆلەتلەرگە كالا، قوي گۆشى ئېكسپورت قىلاتتى، چەت ئەللەردىن ئىنتايىن ئاز ئىمپورت قىلاتتى، بۇنداق زور كۆلەمدە تىرىك مال ئىمپورت قىلىش تېخى تۇنجى قېتىملىقى بولۇپ ھېسابلىنىدۇ». ئۇ يەنە مۇنۇلارنى بىلدۈردى: موڭغۇلىيىنىڭ سويۇم ئاتلىرىنى ئىمپورت قىلىپ كىرگۈزۈش يەرلىكنىڭ چېگرا سودىسى تەرەققىياتىنى بەلگىلىك دەرىجىدە ئىلگىرى سۈرۈپلا قالماستىن، يەنە شىنجاڭ بازىرىنىڭ ئات گۆشىگە نىسبەتەن ئېھتىياجىنى قاندۇرىدۇ.
ئىگىلىنىشىچە، تۇنجى تۈركۈمدىكى موڭغۇلىيە سويۇم ئاتلىرىنى جۇڭدى (نەسىل يېتىشتۈرۈش) گۇرۇھى چەكلىك شىركىتى 2009 - يىلى 10 - ئاينىڭ ئاخىرلىرىدا شىنجاڭنىڭ تايكەچكەن چېگرا ئېغىزى ئارقىلىق ئىمپورت قىلىپ كىرگۈزگەن.
باس - باس تور بېكىتىنىڭ ئۇچۇر سەھىپىسدىكى ئوتتۇرا ئاسىيا ئۇچۇرلىرىغا مۇناسىۋەتلىك ھەرقانداق مەزمۇنى باشقا تور بېكەتلەرنىڭ روخسەتسىز كۆچۈرۈپ ئىشلىتىشگە بولمايدۇ. ئەگەر بايقىلىپ قالسا قانۇنى جاۋاپكارلىقى سۈرۈشتە قىلىنىدۇ.
ئەگەر بۇ ژرونالنىڭ تېخىمۇ كۆپ مەزمۇنى كۆرمەكچى بولسىڭىز 13899994307 نومۇرغا تېلېفون قىلىپ مۇشتىرى بۇلۇڭ!