يېقىنقى بىر ھەپتىدىن بۇيان ئالدى –كەينى بولۇپ جۇڭگو ، ئامېرىكا ، فرانسىيە ، سەئۇى ئەرەبىستان ۋە ھىندىستان قاتارلىق دۆلەتلەر بۇ يىل ياز كىرگەندىن كېيىنكى يۇقىرى تېمپېراتورالىق ھاۋارايىنىڭ زەربىسىگە ئۇچرىدى. بەزى ئادەم زىچ ئولتۇراقلاشقان شەھەرلەردە ، شەھەرنىڭ ئىسسىق ئارال ئېففېكتى خۇددى ئوتنىڭ ئۈستىگە ماي قۇيغاندەك ، شۇ يەر كىشىلىرىنى زار–زار قاقشاتتى .

   4-ئىيۇل ئامېرىكا قوشما ئىشىتاتىنىڭ دۆلەت بايرىمى كۈنى ، نيۇ-يورك شەھەر ئاھالىلىرى دۆلەت بايرىمىنى تەبرىكلەش ئۈچۈن تەييارلىق قىلغانىدى ، نيۇ-يوركىنىڭ تېمپېراتۇراسى 36گىرادۇس قا چىقتى ، بەزى جايلاردا ھەتتا 38 گىرادۇس دىن ئېشىپ كەتتى.
   ئامېرىكا ئاخبارات ۋاستىلىرىنىڭ خەۋەر قىلىشچە ، 4-ئىيۇل ، ئىسسىق دولقۇن پۈتۇن نيۇ-يورك شەھىرىنى قاپلىغان . نيۇ-يورك ھاۋارايى ئىدارىسىنىڭ خىزمەتچىسى ئارىگو ئارۇننىڭ ئېيتىشىچە ، كېنىدى ئايرۇدرومى ۋە ئەتراپتىكى ئايرۇدروملارنىڭ تېمپېراتۇراسى 38.3 گىرادۇس قا يەتكەن .
   نيۇ-يورك ھاۋارايى ئىدارىسىنىڭ ئاگاھلاندۇرىشىچە ، يۇقىرى تېمپېراتۇرالىق ھاۋا يەنە داۋاملىشىدىكەن ، تېمپېراتۇرا ھەتتا كىشىلەرنىڭ سالامەتلىكىگە تەھدىت ئېلىپ كېلىدىغان دەرىجىدە ئۆرلىشى مۇمكىنكەن .

  ياۋروپادىكى كۆپ قىسىم دۆلەتلەردە يۇقىرى تېمپراتۇرا كۆرۈلگەن . ئىتالىيەنىڭ بىر قىسىم رايونىدا تېمپراتۇرا  40 قا يەتكەن .
   ھاۋارايى تارماقلىرىنىڭ پەرىزىچە يۇقىرى تېمپراتۇرالىق ھاۋارايى يەنە بىر ھەپتىگىچە داۋاملىشىىشى مۇمكىنكەن .