ئامېرىكا زۇڭتۇڭى ئوباما 7 – ئاپرېل تۈركىيىدىكى زىيارىتىنى ئاخىرلاشتۇرغاندىن كېيىن ، تۇيۇقسىز يۆلۈنۈشنى ئۆزگەرتىپ ئىراقنىڭ پايتەختى باغداتتا قىسقا ۋاقىت تۇرۇپ قالدى . ئاق ساراينىڭ بىللە ھەمراھ بولغۇچى بىر ئەمەلدارىنىڭ ئېيتىشىچە ، ئوباما سەپەر قولايلىقىدىن پايدىلىنىپ ئىراقتا زىيارەتتە بولۇپ ، ئىراقنىڭ چوڭ سايلام ۋەزىيىتىنى كۈزىتىدىكەن .
ئالدى بىلەن ، ئوباما ئامېرىكا قوراللىق قىسىملىرىنىڭ باش قوماندانى بولۇش سۈپىتى بىلەن ئامېرىكىنىڭ ئىراقتا تۇرۇشلۇق 140 مىڭ ئەسكىرىگە كۆڭۈل بۆلىدۇ . گەرچە ئوباما بۇش ھۆكۈمىتىنىڭ ئىراق ئۇرۇشى قوزغىغانلىقىغا قارشى تۇرغان بولسىمۇ ، لېكىن ئىراقتا تۇرۇشلۇق ئامېرىكا ئارمىيىسىنىڭ ھىمايىسىدىن ئايرىلالمايدۇ . ئوباما ئامېرىكا ئارمىيىسى بازىسىدا تۆت سائەتتىن ئارتۇق تۇرغان بولسىمۇ ، لېكىن باغداتنىڭ ‹‹ يېشىل رايونى ›› دىكى ئىراق ھۆكۈمىتى تۇرۇشلۇق جايغا بارمىغان .
ئاندىن ، ئوباما ۋەزىيەتنىڭ ناچارلىشىشى تۈپەيلىدىن ئەسكەر چېكىندۈرۈش پىلانىغا تەسىر يېتىشىدىن ئەنسىرىگەن . ئوبامانىڭ يېقىندا ش ئا ئە ت ئۇچرىشىش يىغىنىدا ئىراق مەسىلىسىگە قارىتا بىلدۈرگەن ئىپادىسى ئەمەلىيەتتە ئۇنىڭ ئىراقنى تۇيۇقسىز زىيارەت قىلىشى مەقسىتىنى مەلۇم دەرىجىدە ئىزاھلىغان . ئوباما مۇنداق دېدى : ‹‹ ئامېرىكىنىڭ ئىراق ئۇرۇشىنى قوزغىشى بىر خاتالىق . ئامېرىكا ‹‹ مەسئۇل بولۇش ئۇسۇلى ›› بىلەن ئىراقتىن ئەسكەر چېكىندۈرۈشى كېرەك . بۇ يەردە
دېيىلگەن ‹‹ مەسئۇل بولۇش ››— ئىراقنى تېررورچىلارنىڭ پاناھلىنىدىغان جايى قىلغۇزماسلىق ›› . بۇ يىل 2 – ئايدا ئوباما ، كېلەر يىلى 8 – ئاينىڭ 31 – كۈنىدىن بۇرۇن ئىراقتا تۇرۇشلۇق ئامېرىكا ئارمىيسىنىڭ كۆپ قىسمىنى چېكىندۈرۈدىغانلىقىنى ئېلان قىلغان ، لېكىن بۇ ئىراقنىڭ خەپسىزلىك ۋەزىيىتىنىڭ ياخشىلىنىش شەرتى ئاستىدا چىقىرىلغان قاراركەن . يېقىندا ، باغداتتا كۆپ قېتىم زەنجىرسىمان پارتلىتىش ۋەقەلىرى يۈز بېرىپ ، تېررورلۇق ھەرىكەتلىرى يەنە ئەۋج ئالغان ، ئوباما بۇلاردىن ئەنسىرىمەي تۇرالمايدۇ . ئۇ ئامېرىكىنىڭ ئىراقتا تۇرۇشلۇق قىسمىغا سۆزلىگەن نۇتقىدا : ‹‹ كەلگۈسى 18 ئاي ئەڭ ھالقىلىق مەزگىل . ئىراقنىڭ مۇقىملىقىغا كاپالەتلىك قىلىشتىن تارتىپ تېررورچىلارنىڭ ئىراقنى پاناھلىنىش جايى قىلىشتىن ساقلىنىشقىچە بولغان مەسىلىلەردە سىلەرنىڭ رولۇڭلار ئىنتايىن مۇھىم ›› ، دېگەن .
يەنە ، ئىراق بۇ يىل چوڭ سايلامغا دۇچ كېلىدۇ ، لېكىن ئوباما ئىراقنىڭ سىياسىي ياراشتۇرۇش بىلەن قايتا قۇرۇش مۇساپىسىدىن تەشۋىشلەنمەي تۇرالمايدۇ . ئۇ مۇنداق دېدى : نۇرغۇن ھەل قىلىنمىغان مەسىلىلەرنى ئالدىنقى ئورۇنغا قويۇلۇشى كېرەك . بۇنىڭ ئىچىدە ، سۇنئىي مەزھىپىنىڭ ئىراق ھۆكۈمەت تارماقلىرىدىكى ھوقۇقى ۋە ئورنى مەسىلىسى ، نېفىت چىقىدىغان مۇھىم ستراتېگىيىلىك جاي جېركۇكنى قايتۇرۋېلىش قاتارلىق مەسىلىلەر بار . بۇنىڭدىن باشقا ، ئوباما ، ئىراق رەھبەرلىرىنى بالدۇرراق مەسئۇلىيەتنى ئۈستىگە ئېلىپ ، قەتئىي ئىرادىگە كېلىپ ، ئاساسىي قانۇن ۋە قانۇن جەھەتتىكى ئىختىلاپلارنى ھەل قىلىپ ، ھەر قايسى مەزھەپلەرنىڭ يارىشىشىنى تېزراق ئەسلىگە كەلتۈرۈپ ، زېھنىنى مەركەزلەشتۈرۈپ ، پۇقرالارنى ھۆكۈمەت مۇلازىمىتى بىلەن تەمىنلەپ ، ئۇلارنىڭ ئۆزلىرىگە بولغان ئىشەنچىنى ئاشۇرۇشقا ئۈندىدى . ئىراق زۇڭلىسى مالېكىي ئوباماغا ئىراقنىڭ بۇنىڭدىن كېيىن قولغا كەلتۈرگەن ھەر خىل ئىلگىرلەشلىرىنىڭ داۋاملىشىدىغانلىقى توغرىلىق كاپالەت بەردى .
272794174 
بۇ تۇغنى ئۇلاپ باس - باس تورىنى ئۇلىنىش قىلىۋېلىڭ !
