5- نۆۋەتلىك جۇڭگو شىنجاڭ خەلقئارا ساياھەت بايرىمى 6-ئاينىڭ 26-كۈنى سانجى خۇيزۇ ئاپتونوم ئوبلاستىدا ئۆتكۈزۈلىدىكەن. 

   ئېگىلىنىشىچە، بۇ نۆۋەتلىك خەلقئارا ساياھەت بايرىمى سانجى شەھىرىدە ئۆتكۈزۈلىدىغان داغدۇغىلىق ئېچىلىش مۇراسىمى، چوڭ تىپتىكى ناخشا - ئۇسسۇل پائالىيىتى، يۈز كۈچلۈك ساياھەت كوپراتىپلىرىنىڭ كېڭىشىش ۋە توختام ئىمزالاش پائالىيىتى، ساياھەت مۇنبىرى قاتارلىق مول مەزمۇنلۇق پائالىيەتلەرنى ئۆز ئىچىگە ئالىدىكەن. بۇنىڭدىن باشقا يەنە خەلقئارا ساياھەت بايرىمىنىڭ باش تېمىسىنى چۆرىدىكەن ھالدا، تۇنجى نۆۋەتلىك ماناس قاشتىشېدىن بەھىرلىنىش مەدەنىيەت بايرىمى، سانجى گۈل ساياھەت بايرىمى، 3- نۆۋەتلىك جۇڭگو سانجى "تائام مەدەنىيىتى" بايرىمى، توغراق مەدەنىيىتى بايرىمى، 8-نۆۋەتلىك بۇغدا كۆلى قار-مۇز بايرىمى قاتارلىق بىر يۈرۈش تەبرىكلەش پائالىيەتلىرىمۇ ئۆتكۈزۈلىدىكەن. بۇ نۆۋەتلىك جۇڭگو شىنجاڭ خەلقئارا ساياھەت بايرىمىغا 200 گە يېقىن خەلقئارا ساياھەتچىلىك كارخانىسى ۋە دۆلەت ئىچىدىكى 100 يۈز كۈچلۈك ساياھەت كارخانىسىنىڭ مۇناسىۋەتلىك خادىملىرى تەكلىپ قىلىنىدىكەن ھەمدە ھەر قايسى ساياھەت لىنىيىلىرى ۋە سەيلىگاھلاردىكى تۈرلۈك مول مەزمۇنلۇق تەبرىكلەش پائالىيەتلىرىگە قاتنىشىدىكەن.