13–يانۋار كەچتە ئېلىپ بېرىلغان 2011–يىللىق قاتار ئاسىيا لوڭقىسى پۇتبول مۇسابىقىسى 2–ئايلانمىسىدا ,  B گۇرۇپپىدىكى سەئۇدى ئەرەبىستان كوماندىسى بىلەن ئىئوردانىيە كوماندىىسى ئوتتۇرىسىدىكى مۇسابىقىدە ، سەئۇدى ئەرەبىستان كوماندىسى 0 دە 1 نەتىجە بىلەن ئىئوردانىيە كوماندىىسغا ئۇتتۇرۇپ قويدى.

    سەئۇدى ئەرەبىستان كوماندىىسى ئالدىنقى ئايلانما مۇسابىقىدە 1 دە 2نەتىجە بىلەن سۈرىيە كوماندىسىغا ئۇتتۇرۇپ قويغانلىقتىن باش ترېنېر پېيسېرو ۋەزىپىدىن قالدۇرۇلۇپ ، ياردەمچى ترېنېر ناسېل باش ترېنېرلىق ۋەزىپىسىنى ئۈستىگە ئالغانىدى . ئاسىيا قىتئەسىدە خېلى كۈچلۈك دەپ قارالغان بۇ كوماندا 2–ئايلانما مۇسابىقىدىمۇ بەخىتكە قارشى ئۇتتۇرۇپ قۇيۇپ گۇرۇپپىدىن چىقىش سالاھىيىتىگە ئېرىشەلمىدى .

    بۇ مەيدان مۇسابىقىدە سەئۇدى ئەرەبىستان كوماندىسى ئاكتىپلىق بىلەن ھۇجۇمنى كۈچەيتكەن بولسىمۇ ، توپ كىرگۈزۈش پۇرسىتى بولمىدى ، ئئوردانىيە كوماندىسنىڭ بولسا تەلىيى ياخشى كىلىپ 41– مىنۇتىغا كەلگەندە 4–نۇمۇر ئابدۇراخمان پاس بەرگەن توپ  ۋاراتارغا بىۋاستە كىرىپ كېتىپ ، ئئوردانىيە كوماندىسى 1 دە 0 ئۈستۈنلىككە ئېرىشتۈردى . كېيىنكى يېرىم مەيداندا سەئۇدى ئەرەبىستان كوماندىىسى بىر نەچچە خەتەرلىك ھۇجۇملارنى قىلغان بولسىمۇ ، ئئوردانىيە كوماندىىسى ۋراتارسى ئامىرنىڭ ياخشى ئىپادىسى بىلەن توپ كىرمىدى . نەتىجىدە سەئۇدى ئەرەبىستان كوماندىسى 0 دە 1 نەتىجە بىلەن ئۇتتۇرۇپ قويدى .