20-ماي، مارالبېشى ناھىيسى سېرىقبۇيا بازىرىدىكى بىر ياشانغانلار ساناتورىيىسىدە 70 ياشلىق كۈيئوغۇل ئەمەت ئەخمەت بىلەن 113ياشلىق كېلىن ئازاتخان ساۋۇتنىڭ ئاددىيغىنە توي مۇراسىمى ئۆتكۈزۈلدى.
ئازات موماينىڭ دېيىشىچە ئۇ بۇرۇن بىر قېتىم ئۆيلەنگەن بولۇپ بىر ئوغۇللۇق بولغان. كېيىن ئوغلى قازا قىلغاندىن كېيىن كېلىنى نەۋرىسىنى ئېلىپ ياققا-يۇرتلارغا كەتكەن، ئۇنىڭ بىلەنمۇ مۇناسىۋىتىنى ئۈزگەن. كېيىن ساناتورىيەدە ئەمەت بوۋاي بىلەن تونۇشقان.بارا-بارا سىردىشىش، چۈشىنىش جەريانىدا بىر-بىرىگە كۆڭلى چۈشۈپ قالغان. ئالدىدا ئەمەت بوۋاي ئۆزىدىن بەكلا كىچىك بولغاچقا بۇ ئىشلارنى ئويلىشىشقا پېتىنمىغان بىراق كېيىن بوۋاينىڭ سەمىمىيلىكى ۋە ۋاپادارلىقىدىن تەسىرلىنىپ بۇ ئىشقا قوشۇلغان.