فرانسىيە ئاخبارات ۋاسىتىلىرىنىڭ دوكلاتىغا ئاساسلانغاندا، فرانسىيە ھەربىي تەرەپ ئەمەلدارلىرىنىڭ دېيىشىچە، بىر ئامېرىكا بىرلەشمە ئاۋىئاتسىيە شىركىتىنىڭ يولۇچىلار ئايروپىلانى 5-ئاينىڭ 4-كۈنى ئۇچۇش لېنىيىسىدىن ئازراق چەتنەپ كەتكەنلىكى سەۋەبىدىن فرانسىيىنىڭ غەربىي قىسىمدىكى يەر يۈزىگە يېقىن كېلەي دېگەندە ئالاقىسى ئۈزۈلۈپ قالغان. فرانسىيە ئارقىدىنلا بىر «بوران» ئۇرۇش ئايروپىلانىنى ئىشقا سېلىپ بوشلۇقتا مەزكۇر ئايروپىلاننى ئىزدەشكە جىددىي كىرىشىپ كەتكەن.

فرانسىيە ھاۋا ئارمىيە ئۇچۇر مۇلازىمەت ئورۇنلىرىنىڭ دېيىشىچە، بۇ ئايروپىلان رۇمىنىيىدىن يولغا چىقىپ ئەسلىدىكى پىلان بويىچە ۋاشىنگتونغا بارماقچى بولغان.
بۇ ئۇرۇش ئايروپىلانى قىسقا مەزگىللىك ئۇلترا تېز سۈرئەت بىلەن يولۇچىلار ئايروپىلانىغا يېتىشىۋالغان، شۇنىڭ بىلەن ئايروپىلاندىكى سىمسىز ئالاقە ئەسلىگە كەلگەندىن كېيىن، يولۇچىلار ئايروپىلانى ئەسلىدىكى ئۇچۇش لىنىيىسى بويىچە ئۇچۇشنى داۋاملاشتۇرغان.