شۇ يەر ۋاقتى 2014-يىلى 5-ئاينىڭ 1-كۈنى، ھىندىستاننىڭ جەنۇبىي قىسمىدىكى تامىل نادۇ فېدراتسىيەسىنىڭ مەركىزى-چېننەي شەھىرىدە ساقچىلار پويىز ئىستانسىسى ۋوگزالىنى قاتتىق قامال قىلماقتا. چېننەي شەھىرىدە شۇ كۈنى پارتلاش ۋەقەسى يۈز بېرىپ، بىر ئادەمنىڭ ئۆلۈشى، توققۇز ئادەمنىڭ يارىلىنىشىنى كەلتۈرۈپ چىقاردى. يەرلىك ئاخبارات ۋاستىلىرىنىڭ خەۋەر قىلىشىچە، شۇ كۈنى ئەتىگەن سائەت 7 دىن 30 مىنۇتلار ئۆتكەندە، چېننەي پويىز ئىستانسىسى ۋوگزالىغا توختىتىلغان يولۇچىلار پويىزىنىڭ بىر ۋاگونىدا پارتلاش ۋەقەسى يۈز بېرىپ، بىر ئايال يولۇچى نەق مەيداندا ئۆلگەن، ئۇنىڭدىن باشقا توققۇز نەپەر يولۇچى يارىلانغان بولۇپ، بۇنىڭ ئىچىدە ئىككى نەپەر يارىدارنىڭ ئەھۋالى ئىنتايىن خەتەرلىك ئىكەن.