تېڭشۈن تورى خەۋىرى، نۇر تورى تەرجىمىسى:
گەرچە سامسۇڭ شىركىتىنىڭ ئەڭ يېڭى بايراقدار يانفونىGalaxy S5 گە سۇلىياۋدىن ئىشلەنگەن قاپ سەپلەنگەن بولسىمۇ، بىراق، بۇ سامسۇڭ شىركىتىنىڭ ئۇنى ھەقىقىي بىباھا مەھسۇلات قىلىپ چىقىشىغا توسقۇنلۇق قىلالمىغان. سامسۇڭ شىركىتى يىقىندا دۇنياغا داڭلىق خرۇستال ھەشەم بۇيۇملىرىنى ياساش شىركىتى SWAROVSKI بىلەن ھەمكارلىشىپ، تاشقى شەكلى ئىنتايىن كۆركەم ۋە نەپس بولغان «خرۇستال» نۇسخىدىكى Galaxy S5 يانفونىنى ئوتتۇرىغا چىقارغان، بۇ يانفوننىڭ ئارقا يۈزىگە كۆزنى قاماشتۇرىدىغان قارا رەڭلىك خرۇستال يالىتىلغان بولۇپ، ھەشەم دەرىجىسى تەڭداشسىز ئىكەن.
سامسۇڭ شىركىتىنىڭ دىيىشىچە، پۈتۈنلەي يېڭىدىن ياسالغان خرۇستال نۇسخىدىكى Galaxy S5 يانفونى بۇ يىل 5-ئايدا رەسمىي ئېلان قىلىنىدىغان بولۇپ، بۇ يانفوننىڭ تەشۋىقات ئېلانىدا، سامسۇڭ شىركىتى«ئالاھىدە پۇراق ئۇرغۇپ تۇرغان» دىگەن سۆز ئارقىلىق بۇ ھەشەمەتلىك يانفوننى سۈپەتلىگەن، بىراق، نۆۋەتتە ئۇنىڭ سېتىلىش باھاسى تېخى ئاشكارىلانمىغان.
بۇ سامسۇڭ شىركىتىنىڭ تۇنجى قېتىم SWAROVSKI بىلەن ھەمكارلىشىپ ھەشەم نۇسخىسىدىكى يانفونلارنى ئوتتۇرىغا چىقىرىشى ئەمەس، بۇندىن ئىلگىرى بۇلار بىرلىكتە سېتىلىش باھاسى 300 دوللار بولغان Galaxy Note 3 يانفونىنىڭ خىرۇستال قاپچۇقىنى ياساپ چىققان بولۇپ، نۇرغۇنلىغان ئىستېمالچىلارنىڭ ئالقىشىغا ئېرىشكەن. قىزىقىدىغان دوستلار تۆۋەندە خىرۇستال نۇسخىدىكى Galaxy S5 يانفونىنىڭ تەشۋىقات ئېلانىنى كۆرۈپ باقسا بولىدۇ.