جۇڭگو ئاخبارات تورىنىڭ 5- سېنتەبىردىكى تېلېگراممىسى، نۇر تورى تەرجىمىسى: چەتئەل تاراتقۇسىنىڭ خەۋىرىگە ئاساسلانغاندا، ئىران ئىسلام ئىنقىلابى قارىمىقىدىكى «مۇقەددەس شەھەر قوشۇنى» نىڭ باش قوماندانىنىڭ 4- سېنتەبىر ئېيتىشىچە، ئىران ئامېرىكىنىڭ سۇرىيەگە ھەربىي ھەرىكەت قوللىنىشىغا قارىتا، سۇرىيەنى ئاخىرغىچە قوللايدىكەن.
خەۋەردە ئېيتىلىشچە، «مۇقەددەس شەھەر قوشۇنى» نىڭ باش قوماندانى قاسىم سۇلايمانى مۇنداق دېگەن: ئامېرىكىنىڭ مەقسىتى كىشىلىك ھوقۇق قوغداش ئەمەس. بىز سۇرىيەنى ئاخىرغىچە قوللايمىز.
قاسىم سۇلايمانى ئىراننىڭ سۇرىيەنى قوللىشىنىڭ خاراكتېرىنى ئىزاھلىمىدى. غەرب دۆلەتلىرى ئىران ئەسەد ھاكىمىيىتىنى قوللاش ئۈچۈن سۇرىيەگە ئەسكەر ئەۋەتتى، دېدى. ئەمما ئىران تەرەپ بۇنى ئىزچىل ئىنكار قىلىپ كەلدى.
قاسىم سۇلايمانى يەنە ئامېرىكىنى ئەيىبلەپ، ئامېرىكىنىڭ سۇرىيە ھۆكۈمىتىنى خىمىيەلىك قورال ئىشلەتتى دەپ ئەيىبلىشى پەقەت ئەسەد ھاكىمىيىتىنى ئاغدۇرۇپ تاشلاشتىكى باھانىسى خالاس، دېدى.
ئۇنىڭدىن باشقا، تاراتقۇدا ئىران پرېزىدېنتى روھانى ئېلان قىلغان بىر باياناتتىن نەقىل كەلتۈرۈلۈپ مۇنداق دېيىلدى: ئىران بارچە ئاماللارنى قوللىنىپ، سۇرىيە ھاكىمىيىتىنىڭ ھۇجۇمغا ئۇچرىشىنى توسىدۇ.
روھانى مۇنداق دېدى: سۇرىيەگە قوللىنىلىدىغان ھەر قانداق ھەرىكەت مەزكۇر رايوننىڭ مەنپەئەتىگە زىت بولۇپلا قالماستىن، يەنە ئامېرىكىنىڭ مەزكۇر رايوندىكى ھەمراھلىرىنىڭ مەنپەئەتىگىمۇ زىت كېلىدۇ