ئەلكۈيى تورى مىزان 3-كۈنى خەۋىرى:مىزان 1-كۈنى شىنجاڭ گۇاڭخۇي ۋاسكىتبول كوماندىسى ئەزاسى شىرئەلىجان مۇختەر ساۋەن ناھىيىلىك 1-ئوتتۇرىغا يېتىپ كەلدى ھەمدە مەكتەپتىكى ئوقۇغۇچىلار بىلەن بىرگە پىكىر ئالماشتۇرۇش يىغىنىغا قاتناشتى.شىرئەلى ئەلكۈيى تورى مۇخبىرىغا، ئالدىمىزدىكى ھەپتە جىددىي مۇسابىقە ئۇيۇشتۇرۇلغانلىقى سەۋەپلىك بۇ قېتىملىق لېكىسيە پائالىيىتىگە تەييارلىقسىز قاتنىشىشقا مەجبۇر بولغانلىقى،ئۆزىنىڭ ئەللىك يۈرۈش ئۇيغۇر يېزىقىدا ئىمزاسى بېسىلغان ۋاسكىتبول كىيىمىنى ئېلىپ كېلىپ ھەرمىللەت ئوقۇغۇچىلىرىغا تارقىتىپ بېرىش ئويى بولسىمۇ ئەمما ۋاقىتنىڭ يار بەرمەسلىكى سەۋەپلىك بۇ ئارزۇسىنىڭ ئەمەلگە ئاشمىغانلىقى ھەمدە بۇنىڭدىن كېيىن تېخىمۇ كۆپ مەكتەپلەرگە بېرىپ بالىلار بىلەن بىرلىكتە پىكىر ئالماشتۇرۇشنى خالايدىغانلىقىنى ئېيتتى.پائالىيەت جەريانىدا ئۇ مەكتەپتىكى ئوقۇغۇچىلار بىلەن بىرلىكتە ۋاسكىتبول مەشىقى ئېلىپ باردى ۋە ئۆزىنىڭ قانداق قىلىپ ھازىرقىدەك مۇنەۋۋەر ۋاسكىتبول ماھىرىغا ئايلانغانلىقى توغرىسىدا لېكىسيە سۆزلىدى.