شياڭگاڭ تاراتقۇلىرىنىڭ خەۋەر قىلىشىچە، كورىيىنىڭ داڭلىق كىنو چولپىنى لى بىڭشيەن بىلەن لى مىنجېننىڭ مۇھەببەت مۇناسىۋىتى ئاشكارىلىنىپ ئۇزۇن ئۆتمەي ئىككىيلەننىڭ ئاتا-ئانىسنىڭ ئۆز-ئارا كۆرۈشۈپ بىللە كەچلىك تاماق يېگەنلىكى توغرىسىدىكى خەۋەرلەر تارقالغان. يېقىندا بولسا ئۇلارنىڭ 2013-يىلى 1-ئايدا توي قىلىدىغانلىقى ئاشكارىلانغان. لېكىن بۇنىڭغا مۇناسىۋەتلىك خادىملار توي ئىشىنىڭ بارلىقىنى ئىنكار قىلغان.
كورىيىنىڭ داڭلىق كىنو چولپىنى لى بىڭشيەن بىلەن ئۇنىڭدىن 12 ياش كىچىك ئايال چولپان لى مىنجېننىڭ مۇھەببەت مۇناسىۋىتى ئالدىنقى ئايدا ئاشكارىلانغان ئىدى. يېقىندا بولسا ئاخبارات ۋاسىتىلىرى ئىككى تەرەپنىڭ ئاتا-ئانىسىنىڭ سىئولدىكى كاتتا ياپونىيە تاماقخانىسىدا بىللە كەچلىك تاماق يېگەن سۈرەتلىرىنى ئاشكارىلىغان. ئۇلار ئاشخانىدا تاماق يەپ، پاراڭلىشىپ ئۈچ سائەت ھايال بولغاندىن كېيىن قايتقان.ئارقىدىنلا بۇ ئىككى داڭلىق چولپاننىڭ توي قىلىدىغانلىقى توغرىسىدىكى خەۋەر تارقالغان. ئەمما ئىككى تەرەپنىڭ مەسئۇل ئىش بېجىرىش ئورنىدىكىلەر بۇ خەۋەرنى ئىنكار قىلىپ، ئۇ كۈنى پەقەت لى مىنجېننىڭ ئاپىسىنىڭ تۇغۇلغان كۈنىنى تەبرىكلەش ئۈچۈن بىللە تاماق يېگەنلىكىنى ئېيتقان.