«ناتىۋانلار» فىلىمىدە ئەلىفنىڭ رولىنى ئېلىپ، «ئاچچىق ھايات» فىلىمىدە بولسا مۇھەممەتنىڭ سىڭلىسىنىڭ رولىنى ئېلىپ، بىز بىلەن يۈز كۆرۈشكەن ئەكىن تۈرۈكمەن 1984-يىلى 8-ئاينىڭ 22-كۈنى ئىزمىردا تۇغۇلغان. ئۇ ھالىچ ئۇنىۋېرسىتېتىنىڭ ئاكتيورلۇق كەسپىنى پۈتتۈرگەن.
ئۇ تۈركىيىدىكى «ئەڭ ياخشى مودېل» مۇسابىقىسىگە قاتنىشىپ رېژىسسور ئوسمان سىناۋ بىلەن تۇنۇشتى. ئوسمان سىناۋ ئەكىن تۈرۈكمەنگە كىنولاردا رول ئېلىش تەكلىپىنى بەردى. ئەكىن تۈرۈكمەن ئوسمان سىناۋنىڭ بۇ تەكلىپىنى قوبۇل قىلىپ، «ئەكمەك تەكنەسى» ناملىق فىلىمدە رول ئېلىپ، ئۆزىنىڭ ئارتىسلىق ھاياتىنى باشلىۋەتتى.
2008-يىلى بولسا بىز كۆرۈۋاتقان «ناتىۋانلار» فىلىمىدە ئەلىفنىڭ رولىنى ئالدى. 2009-يىلى «ناتىۋانلار» فىلىمىدىن ئايرىلغاندىن كېيىن ئامېرىكىنىڭ كالىفورنىيە شتاتىدىكى كالىفورنىيە ئۇنىۋېرسىتېتىغا ئىنگلىز تىلى ئۆگەنگىلى باردى. ئۇ يەردىن قايتىپ كەلگەندىن كېيىن «ساقچىخانا»، «ئانادولۇ بۈركۈتلىرى» ناملىق فىلىملەردە رول ئالدى