يەر شارى تورى ئۇنىۋېرسال خەۋىرى نۇر تورى تەرجىمىسى، 9-ئاينىڭ 29-كۈنى خەۋىرى، ئەنگىلىيە «كۈندىلىك پوچتا گېزىتى»نىڭ خەۋەر قىلىشىچە، برىتنىي سپېرېسنىڭ ئىلگىرىكى ۋاسىتىچىسى Sam Lufti برىتنىينىڭ 2007-يىلى ئۆيىدە كرىستالزەھەر ساقلىغانلىقىنى ئاشكارىلىغان.

برىتنىينىڭ ئىلگىرىكى ۋاسىتىچىسى سام يېقىندا مودا ناخشا خانىشى برىتنىينىڭ ئىلگىرى ئۆيىدە كۆپ مىقداردا كرىستال زەھەر ساقلىغانلىقىنى ئاشكارىلاپ :«2007-يىلى برىتنىينىڭ ئوغلى ئويناۋېتىپ ئېھتىياتسىزلىقتىن كۆپ مىقداردا كرىستال زەھەرنى ئېلىپ چىققان. مەن ئۇلارنى كۆرۈپ ھەيران قالغان ھەمدە ئالدىراشلىق بىلەن يەرلەرنى پاكىز تازىلىۋەتكەن »دېگەن. سام يەنە برىتنىينىڭ ئىلگىرى دادىسىنىڭ ھاراقكەش ھەمدە ئىنتايىن زومىگەر مىللەتپەرۋەر ئىكەنلىكىنى ئېيتىپ بەرگەنلىكىنى ئاشكارىلىغان.

برىتنىي «X ئېلېمېنتى »ناملىق پروگراممىنىڭ باھالىغۇچىسى بولۇپ، ھازىر دەل ئۇنىڭ كەسىپتە زور مۇۋەپپەقىيەت قازىنىۋاتقان مەزگىلى ئىدى. لېكىن ئىلگىرىكى ۋاستىچىسىنىڭ بۇنداق پارتلاش خاراكتېرلىك زور خەۋەرنى ئاشكارىلىشى ئۇنىڭ نورمال تۇرمۇشى ۋە كەسپىگە ئېغىر تەسىر كۆرسەتكەن.