گەنسۇ جامائەت خەۋپسىزلىك ئىدارىسى 3-نويابىر تاراتقۇلارغا يېقىندا ئېلىپ بېرىلغان «چېگرا رايونلاردىكى قورال-ياراق ئەتكەسچىلىرىگە زەربە بېرىش ۋە ئالدىنى ئېلىش» مەخسۇس ھەرىكىتىدە، ئۈچ تەقلىدىي قورال-ياراق ئەتكەسچىلىك گۇرۇھىنى يوقىتىپ، 21 گۇمانلىق ئۇنسۇرنى قولغا چۈشۈرگەنلىكىنى ھەمدە كۆپ مىقداردىكى تەقلىدىي قوراللارنى قولغا چۈشۈرگەنلىكىنى ئېلان قىلدى. بۇ تەقلىدىي قوراللار پولات ئوق ئىشلىتىلىدىغان بولۇپ زەخمىلەندۈرۈشى كۈچلۈك، ئېتىش ئارىلىقى ئۇزۇن، بۇنىڭدىن سىرت رەڭگى، ئېغىرلىقى، ھەجىمى قاتارلىق جەھەتلەردە راست قوراللارغا ناھايىتى ئوخشىتىپ ياسالغان. بۇ قوراللارنىڭ ئىچىدە رۇسىيەنىڭ AK47، گېرمانىيەنىڭ G36C، ئامېرىكا ئالاھىدە ھەربىي قىسمىنىڭ M9 قول تاپانچىسى، ئامېرىكىنىڭ M03 مەرگەن مىلتىقى قاتارلار بار ئىكەن.