جۇڭگو ئۇيغۇرچە رادىيو تورى 1-ئۆكتەبىر بېيجىڭ خەۋىرى (مۇخبىر: گۈلباھار غوپۇر، ۋۇچيۇڭ، زۇمرەت ياسىن، گۈزەلنۇر روزى، كۈنتېكىن ئىمام):

29-سېنتەبىر ئەتىگەن، بۇ يىل شىئەندە ئۆتكۈزۈلگەن شىئەن خەلقئارا باغۋەنچىلىك كۆرگەزمىسى مۇناسىۋىتى بىلەن كۆرگەزمە ئەھۋالىنى، شۇنىڭدەك شىئەننى ئومۇميۈزلۈك تونۇشتۇرۇش ئۈچۈن بۆلۈمىمىزدىن توققۇزىمىز ئىككى گۇرۇپپىغا بۆلۈنۈپ شىئەنگە يېتىپ كەلدۇق. شۇ كۈنى تاڭسىڭنىڭ نومنى تەتقىق قىلغان ئورنى دايان مۇنارى ھەمدە شىئەندىكى خۇيزۇلار كوچىسىنى زىيارەت قىلدۇق.