بېيجىڭ ۋاقتى 29-سېنتەبىر سائەت 21 دىن 25 مىنۇت ئۆتكەندە، ئېلىمىز ئۆزى تەتقىق قىلىپ ياسىغان «ساماۋى ئوردا-1» ناملىق نىشانلىق ئۇچقۇ ئالەمگە قويۇپ بېرىلىپ مۆلچەرلەنگەن ئوربىتىغا كىردى. خۇ جىنتاۋ، ۋۇ باڭگو، جيا چىڭلىن، لى چاڭچۈن، شى جىنپىڭ، لى كېچياڭ، جۇ يۇڭكاڭ قاتارلىق رەھبەرلەر بېيجىڭ ئالەم قاتنىشىنى كونترول قىلىش مەركىزىدە قويۇپ بېرىلىش ئەھۋالىنى كۆرۈپ، «ساماۋى ئوردا-1» ناملىق نىشانلىق ئۇچقۇنىڭ ئوڭۇشلۇق قويۇپ بېرىلگەنلىكىنى قىزغىن تەبرىكلىدى ۋە بۇنىڭ ئۈچۈن قان تەر تۆككەن پەن-تېخنىكا خىزمەتچىلىرى، كادىرلار ۋە ئازادلىق ئارمىيە كوماندىر-جەڭچىلىرىدىن سەمىمىي ھال سورىدى. (شىنخۇا ئاگېنتلىقى مۇخبىرى لى شۆرىن فوتوسى)