9- ئاينىڭ 14- كۈنى 9- قېتىملىق چولپانلار خەيىر-ساخاۋەت يېغىلىشى بېيجىڭدا بو يۆ مېھمانسارىيىدا ئۆتكۈزۈلدى. بۇ قېتىملىق پائالىيەتكە فەن بىڭبىڭ، لىن جىلىڭ، چېڭ لوڭ، جېن زىدەن، دېڭ چاۋ، خۇاڭ يى، جىڭ تىيەن، يۈنلى قاتارلىق 400دىن ئارتۇق خەلقئارالىق چولپانلار، داڭلىق شەخىسلەر ۋە سودا ساھەسىدىكى داڭلىق ئەربابلار ئىئانە قىلىش پائالىيتىگە قاتناشتى. ئىگىلىنىشىچە بۇ قېتىملىق پائالىيەتتە 32 مىليون 630 مىڭ يۈەن ئىئانە توپلانغان. 
بۇ قېتىملىق خەيىر-ساخاۋەت كىم ئارتۇق سودىسىدا چېڭلوڭ ئۆزىنىڭ مۈشۈكئېيىق شەكىلدىكى زۇننىرىنى كىم ئارتۇق قىلىپ ئىئانە قىلدى. ئۇ نىڭ ئېيتىشىچە ئۇ بۇ زۇننارنى 60 يىل بوينىدىن ئاجراتماي كەلگەنىكەنكەن. ئۇ يەنە ئۆزىنىڭ بىر سائىتىنى كىم ئارتۇق قىلىپ سېتىپ، ئىئانە قىلدى. ئۇ نىڭ بۇ سائىتىنىڭ دۈمبىسىگە ئۆزىنىڭ ئىسمى ۋە بىر پارچە ئەجدىھانىڭ سۈرىتى ئويۇلغان بولۇپ، چېڭلوڭ ئۆزى رىياسەتچىلىك قىلىپ كىم ئارتۇق قىلىپ ساتتى. بۇ سائەت 3 مېليون 980 مىىڭ يۈەنگە سېتىلى پۈتۈن پائالىيتتە ئەڭ يۇقىرى باھالىق بۇيۇم بولۇپ قالدى. 
تېخى توي قىلمىغان لىن جىلىن قولىدا ئاپئاق توي كۆڭلىكىنى كۆتۈرۈپ سەھنىگە چىققاندا ھەممەيلەن ھەيران قالدى. ئۇ كۈلۈپ تۇرۇپ بۇنى ئۆزۈمگە تەييارلىمىغانلىقىنى، بەلكى يېقىندا ئىشلىگەن « بەخت گىرادوسى» ناملىق كىيىمدە كىيگەن كىيىمى ئىكەنلىكىنى ئېيىتتى.