گۈلشەن ئابلىز

9-نۆۋەتلىك مەملىكەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى باشلانغان ئىككى كۈندىن بۇيان مەن چېلىشىش، كەينىچىلەپ تارتىشىش مۇسابىقە مەيدانلىرىدا بولغاچقا، ئىلەڭگۈچ ماھىرلىرىنىڭ ئەڭ يېڭى ئۇچۇرىنى سىلەرگە يەتكۈزۈشكە ئامالسىز قالغانىدىم. 11-سېنتەبىر ۋە 12-سېنتەبىردە ئېلىپ بېرىلغان قوش كىشلىك قوڭغۇراق ئۇرۇش 55 كىلوگىراملىقلار دەرىجىسى ۋە تاق كىشلىك قوڭغۇراق ئۇرۇش 55 كىلوگىراملىقلاردىن يۇقىرى دەرىجىسى بويىچە شىنجاڭ ئۇيغۇر ئاپتونوم رايونى ۋەكىللەر ئۆمىكىدىكى گۈلشەن ئابلىز 2-لىككە ئېرىشتى. 13-سېنتەبىر ئىلەڭگۈچ مۇسابىقىسى ئۆتكۈزۈلۈۋاتقان نەق مەيداندا ئۇنى ئۇچرىتىپ قالدىم. لېكىن ئۇ قولدىن كەتكۈزۈپ قويغان چېمپىيونلۇقى ئۈچۈن تېخىچە ئەپسۇسلىنىۋاتاتتى.