جۇڭگو ئۇيغۇرچە رادىيو تورى 12-ئاۋغۇست بېيجىڭ خەۋىرى:

ئافغانىستان پىرزىدېنتى كارزاھى تۈنۈگۈن پىرزىدېنت مەھكىمىسىدە پارلامېنتنىڭ بىر قىسىم ئەزالىرى بىلەن كۆرۈشكەندە، ئۇدا ۋەزىپە ئۆتەش دۆلەت مەنپەئىتىگە ئۇيغۇن ئەمەس، مېنىڭ ئۈچىنچى قېتىم پىرزىدېنت بولۇش نىيىتىم يوق دېدى.

بۇندىن بۇرۇن تاراتقۇلار ئافغانىستاننىڭ پارلامېنت ئەزالىرىنىڭ سۆزىنى نەقىل كەلتۈرۈپ، كارزاھى ھوقۇقىدىن پايدىلىنىپ، ئىككىنچى قېتىملىق پىرزىدېنت ۋەزىپىسى ئاياغلاشقاندىن كېيىن ئۇدا پىرزىدېنت بولۇش نىيىتىدە بولىۋاتىدۇ دېگەن.

كارزاھى 2004-يىلى 10-ئايدا ئافغانىستاننىڭ تۇنجى نۆۋەتلىك پىرزىدېنت سايلىمىدا پىرزىدېنتلۇققا سايلانغان، 2009-يىلى 11-ئايدا ئۇدا پىرزىدېنت بولغان. ئافغانىستاننىڭ ئاساسىي قانۇنىدا پىرزىدېنتنىڭ ۋەزىپە ئۆتەش ۋاقتى بەش يىل، بىر قېتىم ئۇدا ۋەزىپە ئۆتىسە بولىدۇ دەپ بەلگىلەنگەن.