جۇڭگو ئۇيغۇرچە رادىيو تورى 12-ئاۋغۇست بېيجىڭ خەۋىرى:

ئەنگلىيەنىڭ باش ۋەزىرى كامېرون تۈنۈگۈن چۈشتىن كېيىن پارلامېنتتا مۇنۇلارنى جاكارلىدى: ھۆكۈمەت داۋاملىق تەدبىر قوللىنىپ جەمئىيەت تەرتىپىنى ئەسلىگە كەلتۈرىدۇ، بىز ساقچىلارنى كۆپەيتىپ، چارلاشنى كۈچەيتىمىز ھەمدە توردىن پايدىلىنىپ ئىغۋا تارقىتىدىغان، تەشكىللىك جىنايەت ئۆتكۈزۈش قىلمىشلىرىغا قارىتا نازارەتنى كۈچەيتىشنى ئويلىشىمىز.

كامېرون مۇنداق دېدى: ئەنگلىيە ھۆكۈمىتى مالىمانچىلىقتا يارلانغان شەخس ۋە تىجارەتچىلەرگە تۆلەم بېرىش قاتارلىق ياردەملەرنى قىلىدۇ.

ھازىرغا قەدەر، 6-ئاۋغۇست كەچتىكى نامايىشتىن كېلىپ چىققان مالىمانچىلىقتا 186 ساقچى يارلانغان. نەچچە مىڭ توپىلاڭچى قولغا ئېلىنغان، ئارىسىدىكى 460 دىن ئارتۇق توپىلاڭچى ئەيىبلەنگەن. ئەنگلىيە ئىچكى ئىشلار مىنىستىرلىكىنىڭ ئالاھىدە كومىتېتى 9-ئايدا بۇ قېتىمقى مالىمانچىلىق ۋەقەسىنى تەكشۈرىدىغانلىقىنى جاكارلىدى.