ئەللەر سېنى يامان دىسىمۇ

مۇھەممەتجان راشىدىن

ئەللەر سېنى يامان دىسىمۇ ،
يامان دىگۈم كەلمەيدۇ مىنىڭ .
بىرتال ئالما تاپساممۇ شۇڭا ،
سەنسىز يىگۈم كەلمەيدۇ مېنىڭ .

ئەللەر سەندىن سەزگەن ئىۋەنلەر ،
كۆرۈنمەيدۇ مېنىڭ كۆزۈمگە .
بۇنىڭ ئۆزى مۇھەببەت دىسەم ،
بارچە ھەيران قالدى سۆزۈمگە .

چىرايلىقلار چىرايلىق ئەمەس ،
ھەركىم كۆڭلى سۆيگەن چىرايلىق .
مېنىڭ ئۈچۈن گۈلۈستان شۇڭا ،
سەن كۆرۈنگەن جاڭگال -قورايلىق .

تاشلىغاننى بىرى چالما دەپ ،
ئالغىنى راست بىرى ئالما دەپ .
قىلالمايسەن يۈرەككە ھۆكۈم،
كۆرۈنگەنگە كۆزۈڭ سالما دەپ .