يامغۇر ياغقان ھېلىقى ئاخشام

( شېئىر )

( ئاپتور : مۇتەللىپجان مۇھەممەت ئىلتەبىر )

يامغۇر ياغقان ھېلىقى ئاخشام،
سىنى قانداق قىلغاندۇ دېدىم.
ھەر بىر قەدەم، ھەر بىر سائەتتە،
ئانا، سىنىڭ غىمىڭنى يىدىم.....

ئاجىز ئىدى ئۆينىڭ ئۆگزىسى،
نەچچە قېتىم ئۆتكەنتى يامغۇر.
پاخال، سامان ئۇچۇپ چۈشەتتى،
سىرتتا شامال چىققاندا غۇر-غۇر...

دەيتتىم ئانا ساڭا ھەمىشە،
قەۋەتلىك ئۆي سېلىپ بېرىمەن،
تاشلىۋەتكىن ھاساڭنى ئەمدى،
ئېسىل پىكاپ ئېلىپ بېرىمەن

ئەپسۇس، ئانا دېگەنلىرىمنى،
ئەسلا بەجا كەلتۈرەلمىدىم .
ئاق سۈتۈڭنىڭ قەرزىنى ئاقلاپ،
سىنى بىر رەت كۈلدۈرەلمىدىم.

شۇنداقتىمۇ كېچە - كۈندۈزلەپ،
بەختىم ئۈچۈن قىلىسەن دۇئا.
تەڭرىدىنمۇ ئۇلۇغسەن ئانا،
سەن دىلىمدا مۇقەددەس خۇدا

يامغۇر ياغقان ھېلىقى ئاخشام،
تاڭ ئاتقۇچە كەلمىدى ئۇيقۇم.
ئىشەن ئانا، ئوغلۇڭ سەن ئۈچۈن ،
جەننەت يۈدۈپ كېلىدۇ چوقۇم