شەھەرلىكلەر سەھرالارغا بېرىپ كىلىڭلار

مۇھەممەتجان راشىدىن

شەھەرلىكلەر سەھرالارغا بېرىپ كىلىڭلار ،
ئىتىزلارنى كۆرمىگەنلەر كۆرۆپ كىلىڭلار .
سىلەرنىڭمۇ ئەجدادىڭلار دىھقاندۇر بەلكىم ،
سەھرالاردىن تەھتىڭلارنى بىلىپ كىلىڭلار .

شەھەر-ھايات چىنارىنىڭ ئەڭ ئىگىز شىخى ،
شاختىن چۈشۈپ پەستىن ئۇچۇر ئىلىپ كىلىڭلار .
بىللە بارسۇننان ئىلغىغان بالىلىرىڭلار ،
ئىڭىزلاردىن كۈزدە باشاق تېىرپكىلىڭلار .

چىشىڭلارغا دورا بەلكىم دىھقاننىڭ نىنىنى ،
ئۆيلىرىدە قورونماستىن قونوپ كىلىڭلار .
سەھرا كۆرمەي شەھەرلىكلەر شۈكۈرلۈك بولماس ،
ھەر يىللىقى ھەپتە -ئون كۈن تۇرۇپ كىلىڭلار .

 يىڭى باشتىن ئەسكە چۈشكەي ئۇنتۇلغان دىيار ،
سەھرالارنى دىلغا دەستۇر قىلىپ كىلىڭلار .
ئاختامىلار يادىڭلاردىن چىققاندۇر بەلكىم ،
بىنەملەردە تۆت-بەش زامان تۇرۇپ كىلىڭلار .

ئەپسۇس ئۇندا ئىگىز بىنا -رىستۇرانلار يوق ،
پاكار-پاكر كەپىلەرگە كۆنۆپ كىلىڭلار .
سىلەر يىگەن ئاق نان ئەسلى تونوردا پىشقان ،
سىلەرمۇ شۇ تۇمۇزلاردا كۈيۈپ كىلىڭلار .

ئاندا-ساندا روناق تاپقان بايلىرىمۇ بار ،
ئۇلارغىمۇ ئەزىز مىھمان بولوپ كىلىڭلار .
كۆرۆپ كىلىڭ : نامىرات دىگەن قانداق بولىدۇ ؟
بۇ بىلىم شۇ بىلىمگە بىيىپ كىلىڭلار .

قولوڭلارغا تەلمۈرىدۇ قۇلۇم -قوشناڭلار ،
خالتاڭلارغا بىرەر زاغرا سىلىپ كىلىڭلار .
ھەشەمەتلىك شەھەرلەردە شەيتاندىن يۇققان،
قەلبىڭلارنىڭ كىرلىرىنى يۇيۇپ كىلىڭلار .

ئىگىز شاختا پەيدا بولغان كىبىرنى -كىرنى ،
پايانى يوق دالالارغا قويوپ كىلىڭلار .
شەھەرلەردە ئۇنتۇلمىسۇن ئەسلى زاتىڭلار ،
دىھقان دىگەن كىم  بولىدۇ تونۇپ كىلىڭلار .