كەچۈرۈڭ ،ئۇلارمۇ ئانا بولىدۇ

مۇھەممەتجان راشىدىن

قىز دىگەن ئۆتمەيدۇ مەڭگۈ قىيغىتىپ،
كەچۈرۈڭ ،ئۇلارمۇ ئانا بولىدۇ .
يۈرمەيدۇ كۆرۈنگەن شاخنى ئىرغىتىپ ،
كەچۈرۈڭ ،ئۇلارمۇ ئانا بولىدۇ .

بارچىدىن ئۇلارغا مۇھەببەت ئېزىز،
يوللىرى شۇڭلاشقا گاھى پەس ،ئېگىز.
ئۇلارنى ئازدۇرغان ئەسلىدە بىز ،سىز ،
كەچۈرۈڭ ،ئۇلارمۇ ئانا بولىدۇ .

بىرلىرى ئالدىنىپ كېپىنەكلەرگە ،
تەگسىمۇ تەككەندۇ بىمەھەل ئەرگە .
كۆز تولا سەۋەبى ، گۆھەرگە ،زەرگە ،
كەچۈرۈڭ ،ئۇلارمۇ ئانا بولىدۇ .

ئايدىمۇ داغ بارغۇ ،ئۇلارمۇ ئايغۇ ،
ئۇلارمۇ تۆنۆگۈن تۇغۇلغان تايغۇ ؟
قىيغىتسا يەپ يۈرمەڭ ئۇلاردىن قايغۇ ،
كەچۈرۈڭ ،ئۇلارمۇ ئانا بولىدۇ .