سېغىندىڭمۇ سەن مېنى يايرىم

( شېئىر )

( ئاپتورى : قاشتېشى ئۇيغۇر مۇنبىرىدىن تاش )

سېغىندىڭمۇ سەن مېنى يايرىم،
سېغىنغاندەك مەن سېنى دىلدىن.
سېغىنىشتا بوپ قالدىم بىتاپ،
داۋاسىنى سوراي مەن كىمدىن.

تالاي كىچە كىرپىك قاقمىدىم،
ئۇخلاتمىدى نازلىق بېقىشىڭ.
سېغىنمىدىڭمۇ سەنمۇ ھەم مېنى،
ئاڭلانمايدۇ ئىشىك قېقىشىڭ.

يامان ئىكەن سېغىنىش دىگەن،
يالغۇزلۇققا رايىم يوق مېنىڭ.
قىينالغانچە قىينايدۇ ئازاپ،
ئاغرىمامدۇ ئىچىڭمۇ سېنىڭ.

كىلىپ كەتكىن پەقەت بىر ئاخشام،
زورلىمايمەن ئىككى ئاخشامغا.
سېغىنىشتا توۋلايمەن ناخشا،
جۆر بولمامسەن كىلىپ ناخشامغا.