سۆيەلمەيمەن

( شېئىر )

( ئاپتورى : قاشتېشى ئۇيغۇر مۇنبىرىدىن قۇتيارنۇر )

سۆيەلمەيمەن يۈرەكتىن سېنى،
سۆيگۈم بولدى بەرگىڭدە خازان.
توزۇپ كەتتىم بېغىڭدا بۈگۈن،
قايدىن تاپاي ئۆزۈمنى جانان.

ئېيتالمايمەن سەن ئۈچۈن ناخشا،
بىھاجەتتۇر ياڭرىتىش سادا.
كەلمە ئەمدى مىنى پەتىلەپ،
بولساممۇ گەر ئۆزۈمدىن جۇدا...

جۇدالىقتا بولسام ساھىلدەك،
تىلىمەيمەن سەندىن بەختىمنى.
ئېسىپ قۇيۇپ يۈرەكنى دارغا،
چوڭقۇر كۆمۈپ قۇياي ئەھدىمنى...