ئەتىر ئىشلىتىشتە دىققەت قىلىدىغان ئىشلار

ئەتىرنى قانداق ئىشلىتىشمۇ بىر خىل بىلىم ، ئەتىر مۇۋاپىق ئىشلىتىلسە ، كىشىنى جەلىپ قىلالايدىغان پۇراقنى تارقىتىدۇ . ئەتىر مۇۋاپىق ئىشلىتىلمىسە ، ئەكسىچە رول ئوينايدۇ . شۇڭا ئەتىر ئىشلىتىشتە تۆۋەندىكىلەرگە دېققەت قىلىش كېرەك .
 
*ئەتىرنى بەك كۆپ چاچماڭ . ئۇنداق بولمايدىكەن كۈچلۈك پۇراق ئەتراپتىكى كىشىلەرنى بىزار قىلىپ قويىدۇ . 

* ئوخشاش بولمىغان ئەتىرلەرنى بىرلىكتە ئىشلەتمەڭ  . چۈنكى بۇنداق قىلغاندا  ئەتىرنىڭ خاس ئالاھىدە  پۇرىقىنى نامايەن قىلغىلى بولمايلا قالماي ، ئەكسىچە  غەيرى پۇراق پەيدا قىلىدۇ .
 
* تەرلىگەن ۋاقىتتا تېرىڭىزگە بىۋاستە ئەتىر چاچماڭ.

*ئەتىرنى بەدەننىڭ كۈن نۇرى بىۋاستە چۈشۈدىغان يەرلىرىگە چاچسا، داغ پەيدا قىلىپ قويىدۇ ، شۇڭا  بۇ تەرەپكە ئالاھىدە دېققەت قىلىش كېرەك .

* ئاق رەڭلىك كىيىملەرگە ئەتىر چاچماڭ ، چۈنكى ئاق رەڭلىك كىيىملەردە تېز داغ پەيدا بولۇپ قېلىپ ، ئاسان چىقمايدۇ .

* ئەتىر ئۈنچە- مەرۋايىت ، ئالتۇن - كۈمۈش قاتارلىق زىننەت بۇيۇملىرىغا تېگىپ كەتمەسلىگى كېرەك . چۈنكى ئەتىر زىننەت بۇيۇملىرىنىڭ رەڭگىنى ئۆڭدۈرۋېتىدۇ . ئەڭ ياخشىسى ، ئەتىرنى چېچىپ بولغاندىن كېيىن  ، ئاندىن زىننەت بۇيۇملىرىنى تاقاڭ .

* بالا ئېمىتىۋاتقان ئاياللار ئەتىر ئىشلىتىشتىن ساقلىنىش كېرەك . چۈنكى ئەتىرنىڭ تەركىۋىدە ئىپار بار  بولۇپ بوۋاقكىڭ ئۆسۈپ يېتىلىشىگە تەسىر يېتىدۇ .