يارىڭ بىلەن
 

مۇھەممەتجان راشىدىن
 

يارىڭ بىلەن ئىيتقىنىڭ ياخشى ،
بىلمەيدىغان ناخشاڭ بولسىمۇ .
بىللە يىسەڭ ئاق نان تىىتيدۇ ،
زاغرا ،تالقان ناشتاڭ بولسىمۇ .

راھىتى بار  مۇشەققىتى يوق ،
يارىڭ بىلەن قىلغان سەپەرنىڭ .
يارىڭ بىلەن باغلىنار قولى ،
بەلكىم ساڭا كەلگەن خەتەرنىڭ .

تاغنى تاغلار تۇرغاندەك يۆلەپ ،
يۆلەك بولساڭ بىرىڭ بىرىڭگە .
كۆرسەتمەتدۇ ئۆز يارىڭ ئەسلا ،
يىرتىقىڭنى دۈشمەنلىرىڭگە .

ياىرڭ بىلەن چىققىننڭ ياخشى ،
چىقالىمىغا ن چوققىلارغىمۇ .
ئايلىنىدۇ ياخشى يار بىلەن ،
بەخىتسىزلەر بەختىيارغىمۇ .