ھاياتلىقتا

ئوغلان شېئىرى

ھاياتلىقتا كۆپتۇر سىناقلار ،
شۇنداقلا بولىدۇ يېڭىلىش‏-يېڭىش.
تاللىغىن يولنى بېقىپ ئۇزاققا ،
بولمىسۇن ھەرگىز ناتوغرا مېڭىش.

ھاياتلىقتا كۆپتۇر پۇرسەتلەر ،
كەتكۈزۈپ قويىمىز بەلكىم تۇتالماي.
بىراقلا تىكىپ ھەممىنى دوغا ،
يۈرىمىز بەلكىم مەڭگۈ ئۇتالماي.

ھاياتلىقتا ھەممىمىز ئارتىس ،
خىلمۇ خىل رول ئېلىپ قويىمىز ئويۇن.
بەزىلەر كۈلۈپ خوشال يايرىسا ،
بەزىلەر يۈرىدۇ قىسىشىپ بويۇن.

ھاياتلىقتا مەۋجۈت مۇھەببەت ،
چىن دىلدىن پەقەت بىرسىگە كۈيۈش.
بەزىلەر سۆيەر بىر دىلغا مىڭنى ،
بىلەلمەي قالدۇق بۇ قانداق سۈيۈش.

ھاياتلىقتا كۆپتۇر ئاتالغۇ ،
ئاتالدۇق ئىنسان ، ئادەمدەك ياشا.
قىلالمىساڭ گەر ئادەمدەك قىلىق،
ھايۋان بولساڭ، ئېغىل كەڭتاشا.

-يىل - دېكابىر، ئۈرۈمچى

مەنبە : قاشتېشى ئۇيغۇر مۇنبىرى ئوغلان يازمىسى