رۇبائىيلار

رەخمىتۇللا جارى

ئبىر، تەمەننادىن ساقلان، ئەي كۆڭۈل،
ماختىنىش، تامادىن ساقلان ئەي كۆڭۈل.
بۇلاردىن چاڭ-توزان يۇقتۇرما ھەرگىز،
كەمتەرلىك ئوتىدا تاۋلان ئەي كۆڭۈل.

ھەر ئىشقا خەلق ئادىل باھاچى ئۆزى،
ھەممىدىن ئۆتكۈردۇر ئاممىنىڭ كۆزى.
ئىشىڭدا توغرا بوپ، ئالغا بېسىۋەر،
شامالدا توزۇيدۇ غەيۋەتچى سۆزى.

دانالار ئېيتقانكى:" ئۆمۈر-ئاتقان ئوق"،
بۇ ھېكمەت سىرىنى چۈشەن، تاخشى ئۇق
ۋاقتىڭنى مەزمۇنلۇك، ياخشى ئوتكۈزسەڭ،
ئۆمرۈڭ ئاخرىدا قىلچە ئارمان يوق.

دۇنياغا كېلىشتىن نىمىدۇر مەقسەت؟
يوقنى بار قىلىشتۇر، ئىجاد ۋە مېھنەت.
كەلگۈسى ئەۋلاتقا بىر ئىزىڭ قالسۇن،
تەييارنى تۈگىتىپ ئۆتسەڭ بەكمۇ سەت.