رەنجىمىگىن

ئوغلان شېئىرى

رەنجىمىگىن تۇرالمىدى دەپ،
بەرگەن ۋەدە - قەسەملىرىدە.
چۈنكى باردۇر ئېغىر بېسىملار،
ئۇنىڭ باسقان قەدەملىرىدە.

رەنجىمىگىن سۆيەلمىدى دەپ،
تۆكۈپ قان - ياش ھەر تۈن كېچىدە.
ئۇمۇ ئۆتەر چىداپ دەرتلەرگە،
سەندىن ئارتۇق سۆيۈپ ئىچىدە.

رەنجىمىگىن يەتكۈزمىدى دەپ،
دىلدىن سۆيگەن يايرىڭ ۋەسلىگە.
سۆيسەڭ ئەگەر ئۇنى يۈرەكتىن،
ساقلا، ھامان يانار ئەسلىگە.

رەنجىمىگىن بېرەلمىدى دەپ،
يېقىنلىرىڭ ساڭا تەسەللىي.
كۈتمە ئارتۇق ئۆزگىدىن كۆڭۈل،
بىلسەڭ ئەگەر بۇ ئەڭ ئەقەللىي.

رەنجىمىگىن تەتۈر ئىكەن دەپ،
دۇنيا بىۋاپا ، سۆيگۈ گۇناسىز.
رايىڭلارغا باقمىسا تەقدىر،
دىمە ھەرگىز يايرىم ۋاپاسىز.

(-يىل -ئاۋغۇست. ئۈرۈمچى)