قۇربان ئورنىدىن تۇردى ۋە چاقماق تىزلىكىدە ئۇنى قۇچاقلىۋالدى،لەۋلىرىدىن توختىماي<سىز مىنىڭكى،سىز پەقەت ماڭىلا مەنسۇپ>دىگەن شىۋىرلاشلار چىقاتتى. مانا ئوقۇش ھاياتى ئاياغلاشتى.قۇربان ئاران لاياقەتلىك بولغانىدى.ئۇنى ۋىلايەتتىكى خەلىق دوختۇرخانىسىغا تەقسىم قىلدى.بۇنى ئاڭلىغان يۇرتتىكى ئۇرۇق-تۇغقانلار بەكلا ھاياجانلاندى،نىمىلا دىگەن بىلەن ئالى مەكتەپنى پۈتتۈرۈپ ھۆكىمەت ئورۇنلىرىغا كىرەلىدى دە.شۇنىڭ بىلەن ئەل-جامەتكە قوي سويۇپ نەزىر بەردى ۋە ئىسمائىل ئۈچۈن دۇئالار قىلىشتى. ئەمدىكى قۇربان ئۈچۈن قىيىنغا توختايدىغىنى مۇقەددەسنىڭ ئاتا ئانىسىنىڭ رازىلىقىنى ئىلىش ئىدى،مۇقەددەسقۇ ئۇلارنى ماقۇل قىلىمەن دىدى،لىكىن يەنىلا........ قۇربان ئۇنى خەلىق باغچىسىغا كىلشكە تىلفوندا ئۇقتۇرۇپ قويۇپ،قولىدىكى ئىشنى تاشلاپ شۇياققا ماڭدى.مۇقەددەسمۇ دەل ۋاقتىدا يىتىپ كەلدى.ئۇ قۇربانغا خوشخەۋەر ئىلىپ كەلگەن ئىدى.مۇقەددەس ئۇنى قۇچاقلاپ تۇرۇپ: -خۇشخەۋەر،ئاتا-ئانام قوشۇلدى،شۇم خەۋەر،مەن سىزدەك سەھرالىققا تىگىدىغان بولدۇم.-دىدى ئۇ قۇربان ئۈچۈن بۇنىڭدىن ئارتۇق خۇشاللىق بولماس ئەمدى؟ئۇ مۇقەددەسنى تىخىمۇ چىڭ قۇچاغلىدى،ئۇ ئىڭىشىپ تۇرۇپ مۇقەددەسنىڭ قۇلىقىغا شىۋىرلاشقا باشلىدى: -سىزنى چوقۇم بەختلىك قىلىمەن،سىزنى خانىشلاردەك كۈتىمەن-دەيتى ئۇ. مۇقەددەس ئۇنىڭ باغرىدىن ئۆزىنى ئاجرىتىپ : -مىنىڭ بىر شەرتىم بار،ئانىڭىز بىلەن بىر ئۆيدە تۇرمايمىز. قۇربان ئەندىكىپ : -نىمىشقا؟ -ھەي ئەخمەق،مىنىڭ ئابرۇيىمنى ئويلاشمامسىز؟ مەن بىر ئەمەلدارنىڭ قىزى تۇرسام،خەقلەر بىر سەھرالىققا تىگىپتۇ دەپ مىنى زاڭلىق قىلسا بولامتى؟دىدى مۇقەددەس ئاغزىنى ئۈمچەيتىپ. -ئەمىسە ئۇنى نەدە تۇرغۇزىمىز؟مىنىڭ تۇغقانلىرىم مىنى زاڭلىق قىلمامدۇ؟ -ھۇ ئەخمەق-دىدى مۇقەددەس زاڭلىق ئارلاش تەلەپپۇزدا-شەھەردىن بىر ئۆينى ئىجارە ئىلىپ قۇتۇلمامدۇق؟ -ئۇغۇ شۇ لىكىن...... -يەنە شۇنداق قىلسىڭىز بولدى قىلايلى ئەمىسە-دەپلا تەتۈر قارىۋالدى مۇقەددەس. -ماقۇل،جىنىم ئۇنداق قىلماڭ،نىمە دىسىڭىز مەن رازى.-دىدى ئاخىرى قۇربان. مۇقەددەسنىڭ چىرايىغا كۈلكە ياماشتى. توي بولدى،ھەرھالدا بەھرىنساخانغا ئىغىرچىلىق چۈشمىدى.ئىسمائىلنىڭ تۇغقانلىرىمۇ خىلى ياردەم بىلەن توي خىلى چىرايلىق ئۇزىدى.ئەمما ئانىنى تۇرغۇزۇش مەسىلىسى... ئابدۇراخمان تويدىن يانغاندىن كىيىن قۇرباننى ئالدىغا ئىلىپ كىلىپ ئۇنىڭغا نەسىھەت قىلىشقا باشلىدى: -سەن مىنىڭ ئۆز ئوغلۇمغا ئوخشاش،شۇڭا گەپنى ئىنىق دەۋىرەي،نىمىشقا ئاناڭنى ئۆيۈڭدە تۇرغۇزمايسەن؟ نۇمۇس قىلامسەن ئۇنىڭدىن؟ سىنى قاتارغا قوشقىچە ئاز جاپا تارتتىمۇ؟سەن ئۈچۈن ئۇزۇن يىل يالغۇز ئۆتتى،ئوتۇڭدا كۆيدى،سۈيۈڭدە ئاقتى.ئەمدىلىكتە سەن ئاشۇنداق جاۋاپ قايتۇرامسەن؟ -تاغا،مىنىڭمۇ ياخشى جاۋاپ قايتۇرغۇم بار،لىكىن.... -خوتۇنىڭدىن قورقىسەن شۇنداقمۇ؟ ئۇنى ئانىسى تۇغماپتىكەنما؟ئۇنىڭ ئانىسى يوقمىكەن؟ ئەگەر سەن ئۇنىڭ ئانىسىنى تۇرغۇزمايمەن دەپ باقە،ئۇ قانداق قىلىدىكىن،ئۇنداق شەخسىيەتچى خوتۇننى قويىۋەت بولدى. قۇربانغا ئەمدى ئامال قالمىغان ئىدى،ئۇياققا تارتسا ھارۋا سۇنىدۇ،بۇياققا كالا ئۆلىدۇ.ئۇ ئاخىرى مۇقەددەسنى قايىل قىلىش توغرىسىدا ئابدۇراخمانغا ۋەدە بەردى.(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
