ئون ياشلار چامىسىدىكى بىر ئۇغۇل بالا ،
يالاڭ ئاياغ ھالدا دۇكاننىڭ دېرىزىسىدىن قاراپ تۇراتتى . ئۇنىڭ پۇتلىرى سوغۇقتىن دىر-دىر تىترەيتى .
بىر ئايال دۇكان ئىچىدە تۇرۇپ بالىغا بىر ئاز دىققەت نەزىرىنى سالغاندىن كىيىن ، سىرتقا چىقىپ ئۇنىڭغا «يىگىت ، نىمىگە قاراۋاتىسەن ؟» دەپ سوراپتۇ . بالا ئايالغا «مەن خۇدادىن ماڭا بىر جۇپ ئاياغ بىرىشنى تىلەۋاتىمەن» دەپتۇ .
ئايال بالىنى يېتىلەپ ئاياغ دۇكىنىغا كىرىپتۇ ۋە مال ساتقۇچىغا دەپ بالىغا پايپاق ئەكەلتۇرۇپتۇ ، ئارقىدىنلا ئايال مال ساتقۇچىدىن بالىغا بىر داس سۇ بىلەن لۇڭگە بىرىشنى تەلەپ قىلىپتۇ ، مال ساتقۇچى ناھايىتى تىزلىكتە ئەكىلىپ بىرىپتۇ . ئايال بالىنى دۇكاننىڭ ئارقىسىغا باشلاپ بېرىپ ، پەلىيىنى سېلىپ ، ئىڭىشىپ ئولتۇرۇپ بالىنىڭ پۇتىنى يۇيۇپتۇ ۋە لۇڭگە بىلەن پاكىز سۇرتۇپتۇ ،ئاندىن بالىغا يېڭى ئالغان پايپاقنى كىيگۈزۈپتۇ ۋە بالىغا بىر جۇپ ئاياغ ئېلىپ بىرىپتۇ ، ئارتۇق پايپاقنى بىر خالتىغا سېلىپ بالىغا سۇنۇپتۇ .
ئۇ بالىنىڭ بېشىنى سىلاپ « يىگىت ھازىر خېلى راھەت ھىس قىلغانسەن؟» دەپ سوراپتۇ . ئۇ بۇرۇلۇپ مېڭىشىغا ھەيران بولغان بالا ئايالنىڭ قولىنى تۇتۇۋېلىپ يىغلاپ تۇرۇپ «سىز پەرىشتىمۇ ؟» دەپ سوراپتۇ.


ئاق كۇڭۇللۇك جاپاكەش كىشىلەرگەئۇمىد بېغىشلايدۇ . ئاق كۇڭۇل كىشى باشقىلارنىڭ ھورمىتىگە ۋە قەدىرلىشىگەسازاۋەر بولىدۇ . ئاق كۇڭۇللۇك زىمىندىكى ئەڭ چىرايلىق خىسلەتتۇر . ھەر قانداق ئاقكۆڭۇل ئادەم يەردە قالمايدۇ .

مەنبە : تىببىي ۋە تەربىيىۋى ھىكايەتلەر دىگەن كىتاپتىن ئېلىندى