A    

    يۈرۇگۈمنى موجۇۋاتقىنى رەقىبىمنىڭ رەھىمىسىزلىكتىن رەڭ ئالغان ئالقىنى ئەمەس ، كۆز ياشلىرىمنىڭ سەۋەبكارى ئاشىقىمنىىڭ ماڭا قىلغان ۋاپاسىزلىقى ئەمەس ، ئىستىقبالىمنىڭ مەڭگۈلۈككە كۆز يۈمۈشى ھورۇنلىقىمنىڭ روھىيتىمنى باشقۇرۇۋاتقانلىغىدا ئەمەس  .  . . چۈنكى مەن رەقىبىمگە يۈرۈكۈمنى تۇتقۇزمايمەن ، ئاشىقىمنىڭ پىشانىسىدا ۋاپادارلقنىڭ مەڭگۈلىۈك تامغىسى بېسىقلىق . ھورۇنلۇق مېنىڭ تەن ۋە روھىمدا مەڭگۈ پۇت دەسسەپ تۇرالمايدۇ . . . لىكىن يۈرۈكۈم ھامان مۇجۇلماقتا ، كۆز ياشلىرىم ھامان قەلبىمدىكى توپا باسقان پىنھان بۇلۇڭلارغا تۆكۈلمەكتە  . . . ئىستىقبالىم مېنى ئەيىپلىمەكتە .  .  .
    
                                                                           B

  مەن قۇياشقا ھەسەت قىلدىم . . . ئەمما مۇدھىش كىچىنىڭ ھەيۋىسى ئالدىدا يەنىلا قۇياشنى سېغىندىم .

                                                                             C

    بىر ئاغىنەم بىرىدىن قاتتىق تاياق يەپ ، ئاغزى بۇرنىنى كۆكەرتىۋىلىپ دوختۇرخانىغا كىرىپ قالدى ،  مەن ئۇنى يوقلاپ بىرىپ ، تەسەللىي بەردىم  .  ئەمما ئۇ كەيپى چاغ ھالدا مۇنداق دېدى :
ھازىر مۇشت ئاتقاندىن تاياق يېگەن نوچى . .  . دوختۇرخانىنىڭ بارلىق چىقىمىنى مەن تولىمەيمەن ، قانداقكەنمەن ؟
ئاغىنەمنىڭ كۆزىنىڭ ئىچىگە قارىدىم . قاپقارا كۆزلەردە  بىچارىلىكنىڭ يۈرەكنى ئەزگىدەك يىقىمسىز شولىسى چىقىپ تۇراتتى . . .ئىختىيارسىز  بەدىنىمگە تىتىرەك ئولاشتى . . . يەنە ئاز ۋاقىتتىن كىيىن ھەممىمىز « تاياق يېگەن نوچى » دەپ ئاغزى بۇرنىمىزنى قان قىلىپ يۈرەرمىزمۇ ؟ بۇ گەپنى سادىر پالۋان ئاڭلاپ قالسا قانداق ئىپادە بىلدۈرەر . . .

                                                                             D  

    مەن ئانامنى نەقەدەر ياخشى كۆرىمەن ھە . . . ئانام بولغاچقا مېنىڭ بۈگۈنىم بولغان ئەمەسمۇ !
لىكىن بىر كۈنلىرى شۇنداق ئىشقا يولۇقتىمكى ، قولۇمدىكى ئانام بەرگەن دەستە گۈلنى تەشتەك ئىچىگە سالدىم -دە ، قوشنامنىڭ قىزى سۇنغان قىزىل گۈلنى باغرىمغا باستىم . . . شۇ تاپتا ئانام بەرگەن گۈل قىممىتىنى يوقاتقان ئىدى .

                                                                               E

(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.)