مەن سىنى سۆيگەنتىم ئۈنسىز-ئۆمىدسىز،

قەلبىمنى سەنئۈچۈن قىلغانتىم ھوجرا.

ۋەلېكىن سۆيگۈڭنى بەرمىدىڭ زىنھار.

ئىشقىمنى كۆرمىدىڭ ئۆزۈڭگە راۋا.



مەن سىنى سۆيگەنتىم ئۈنسىز-ئۆمىدسىز،

ۋۇجۇدۇم كۆيەتتى ئىشقىڭدا ھامان،

تىلەيمەن ئاللاھتىن سەنچۈن پاناھلىق،

يۈرەكتە ياندۇرۇپ ئاجايىپ ئارمان.



ۋە لېكىن چىدىدىم بەردىم تەسەللىي،

پەپىلەپ قەلبىمنىڭ نىدالىرىغا.

كۆنمىدى يۈرىكىم قان-ياشلار تۆكۈپ،

مۇشتاق بوپ سەن يارنىڭ گۈل دىدارىغا.



رازى بوپ گەر بەرسەڭ ماڭا بىر جاۋاپ،

ھەم چاچساڭ دىلىڭدىن ئىلاھىي زىيا،

رازىمەن ھەممىنى تەسەددۇق قىلاي،

سىھىرلىك سىياقتا باقساڭ بىر قىيا.



رازى بوپ گەر بەرسەڭ ماڭا بىر جاۋاپ،

ئىشقىڭچۈن بولاتتىم مەڭگۈلۈك قاياش.

ۋىسالسىز بۇ سۆيگۈ قىينىدى مېنى،

كۆيۈشنىڭ دەردىگە بېرەلمەش بەرداش.



مەن سىنى سۆيىمەن ئۈنسىز-ئۆمىدسىز،

ئىشەنگىن ،گۇۋاھتۇر قەلبىمنىڭ سۆزى.

ئۆتسىمۇ يىللارنىڭ قانچە-قانچىسى،

سۆيىمەن مەن سېنى غۇلجىنىڭ قىزى.