1993.يىلى "كوسوۋو ئازادلىق ئارمىيىسى"تەشكىلاتى قۇرۇلدى. ھاشىم تاجى ئاشكارا پائالىيەتلەردىن قول ئۈزۈپ،مەخپىي پائالىيەتكە ئۆتتى.تەشكىلاتنىڭ ئۇرۇنلاشتۇرىشى بىلەن شۋېتسارىيىگە كۆچۈپ باردى.ئۇ يەردە سىياسىي بىلىم بويىچە ماگىستىرلىق ئوقۇدى.تەكرار كوسوۋاغا قايتىپ كېلىپ 1996-97.يىلىرى سىرىپ يۇقىرى قاتلام كادىرلىرىغا،سىرىپلار ئۈچۈن ئىشلىگەن خائىن ئالبانلارغا قارشى كوپ قېتىم سۇيىقەست ھۇجۇمى ئېلىپ باردى.سىرىپ ئەسكىرى ۋە ساقچى ئورگانلىرىغا كوپ قېتىم قوراللىق ھۇجۇم قوزغىدى. يۇگوسلاۋىيە ھۆكۈمىتى ھاشىم تاجىنى خەلقئارالىق"تىرورىست"ئېلان قىلدى ۋە مىلوسوۋىچ ھۆكۈمىتى 1998.يىلى ئالبان ئىسيانچىلارغا قارشى كەڭ كۇلەملىك باستۇرۇش ھەرىكىتىنى باشلىدى. 1998.يىلى كوسوۋو خەلقى زور كۇلەمدە مىللىي قىرغىنچىلىقلارغا ئۇچرىدى.بۇ كۈنلەردە يۇگوسلاۋىيە ئۈچۈن ئىشلەۋاتقان كوسوۋالىق ئالبانلار ھاشىم تاجى نى مىللەتنى قىرغىن قىلىشقا سەۋەبچى بولغان "خائىن"دەپ ئېلان قىلىپ،ئۇنى كۆرگەن يەردە ئىتىپ ئولتۇرۇش بۇيرۇغى چىقاردى. شىددەتلىك ئىچكى ئۇرۇش كوسوۋانىڭ ھەممە يېرىگە تۇتۇشۇپ كەتتى.بۇ يىللاردا ھاشىم تاجى پارتىزانلار ئەتىرىدىنىڭ سىياسىي يېتەكچىلىك ۋەزىپىسىگە كۆتۈرۈلدى. 1999.يىلى.2 ئايدا فرانسىيىنىڭ رامبوئۇئىللەت شەھىرىدە كوسوۋو مەسىلىسىنى ھەل قىلىش ئۈچۈن خەلقئارالىق كونپرانس ئېچىلدى. كونپرانسقا كوسوۋو ئالبانلىرىغا ۋاكالىتەن كوسوۋو مەسىلىسىنى دېموكراتىك يول بىلەن ھەل قىلىش ھەرىكىتىنىڭ رەھبىرى İئبراھىم رۇگوۋا قاتناشتى. ھاشىم تاجى ۋە"كوسوۋو ئازادلىق ئارمىيىسى" تىرورىست دەپ ئىلان قىلىنغاچقا دەسلەپتە كونفىرانسىسقا قاتنىشىشنى رەت قىلغان بولسىمۇ كىيىن فىرانسىيىگە بىرىشقا"ۋىزا بېرىلدى . كونپرانس سىرپلارنىڭ كېلىشىمنى ئىمزالاشنى رەت قىلىشى بىلەن 1999.يىلى.3.ئاينىڭ 19.كۈنى نەتىجىسىز ئاخىرلاشتى. 5 كۈندىن كېيىن يەنى 3.ئاينىڭ 24.كۈنى ناتو(شىمالى ئاتلانتىك ئەھدى تشكىلاتى)ھاۋا ئارمىيىسى بىلگىراتنى شىددەتلىك بومباردىمان قىلىشقا باشلىدى.يۇگوسلاۋىيە باش قوماندانلىق شتابىنى ناتو ئەسكىرى مەخپىيەتلىكلىرى بىلەن تەمىن ئەتكەن ژۇڭگو باش ئەلچىخانىسىمۇ بۇ كۈنلەردە بومباردىمان قىلىندى. ناتو نىڭ يۇگوسلاۋىيىگە قويغان "كوسوۋادىن ئەسكىرى ۋە پولىس قىسىملىرىنى شەرتسىز ئېلىپ چىقىپ كېتىش"تەلىپىگە 1999.يىلى 6.ئاينىڭ 10.كۈنى يۇگوسلاۋىيە ھۆكۈمىتى ئىمزا ئاتتى. 78 كۈن داۋام قىلغان ھاۋا ھۇجۇمى ئاخىرلاشتى ئۇرۇش توختىدى. 50 مىڭ ناتو ئەسكىرى كوسوۋاغا يەرلەشتى.ناتو "كوسوۋو ئازادلىق ئارمىيىسى"نىڭ دەرھال قورال تاپشۇرۇپ تارقىلىپ كېتىشىنى تەلەپ قىلدى. ھاشىم تاجى 2000.يىلى " كوسوۋو خەلق دىموكىراتىسى پارتىسى"نى قۇردى. 2001.يىلىدىكى ئومۇمى خەلق سايلىمىدا كوپ سانلىق ئاۋازنى İبراھىم رۇگوۋا ئالدى. ھاشىم تاجىنىڭ پارتىسى 26 ۋەكىل بىلەن پارلامىتتا ئاز سانلىقتا قالدى. 2004.يىلدىكى سايلامدا 30 ۋەكىل بىلەن قالدى.ھۆكۈمەتتە يەر ئالالمىدى. 2008.يىللىق ئومۇمى سايلامدا ھاشىم تاجى “ئەگەر باش مىنىستىر بولسام كوسوۋانىڭ مۇستەقىللىقىنى جاكارلايمەن "دەپ خەلىققە سوز بەردى.تاجىنىڭ پارتىسى مۇتلەق كوپ سانلىق ئاۋاز بىلەن غەلىبە قازاندى.(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
