ئامېرىكا كوننېل ئۇنىۋېرسىتېتى تەتقىقاتچىلىرى باكتېرىيە، ۋىرۇس ۋە باشقا زىيانلىق ماددىلارنى ئۆلچىيەلەيدىغان بىر خىل قەغەزنى تەتقىق قىلىپ چىقماقچى بولۇۋاتىدۇ.
سىز پەقەت بۇ قەغەزنى يېمەكلىكنىڭ يۈزىگە ئاستا سۈرتسىڭىزلا، باكتېرىيە ۋە ۋىرۇسلار دەرھال ئەسلى ھالىتىنى كۆرسىتىدۇ. بۇ خىل "ۋىرۇس ئۆلچەش" قەغىزى ئالاھىدە نانومېتىرلىق توقۇلما ماتېرىياللاردىن ياسىلىدىغان بولۇپ، يېمەكلىكلەرنى پىششىقلاپ ئىشلەش ۋە سەھىيە ساقلىقىنى ساقلاش قاتارلىق ساھەلەردە ئىشلەتكىلى بولىدىكەن. ئالىملارنىڭ قارىشىچە، "ۋىرۇس ئۆلچەيدىغان" قەغەزنىڭ باھاسى ئىنتايىن ئەرزان بولۇپ، خادىم تەربىيىلەش ھاجەتسىز، تېز سۈرئەتتە زەھەرلىك ماددىلارنى بايقاشتەك ناھايىتى كۆپ پايدىلىق تەرەپلىرى بار ئىكەن. ئەگەر قەغەز بىلەن مېۋە - چېۋە ياكى باشقا يېمەكلىكلەرنى ئاستا سۈرتۈپ قويسا، ناھايىتى تېزلا ئۈستىدە چوڭ ئۈچەي تاياقچە باكتېرىيىسى ياكى باشقا زىيانلىق ماددىلارنىڭ بار - يوقلىقىنى كۆرسىتەلەيدىكەن. بۇنىڭ كىشىلەرنىڭ تەن ساغلاملىقىنى قوغداشقا پايدىسى باركەن.