1990.يىلى جەنۇبى ئاپىرىقا جۇمھۇرىيىتىنىڭ رەئىسى ف. ۋ. دە كلەرك ئافىرىقا مىللىي قۇرۇلتەيىغا 30 يىلدىن بىرى قويۇلغا سىياسەتتىن مەنئى قىلىش قارارىنى ئەمەلدىن قالدۇردى ۋە ئومۇمى كەچۈرۈم ئېلان قىلدى. نەلسون ماندەلا 1990.يىلى.2.ئاينىڭ 11.كۈنى 28 يىللىق تۇرما ھاياتىدىن قۇتۇلۇپ،ئەركىنلىككە ئېرىشتى.ئۇ، ئاقتەنلىكلەر بىلەن ئوخشاش ۋەتەنداشلىق ھوقۇقىنى قولغا كەلتۈرۈش ئۈچۈن مىليۇنلىغان نىگىر ئاھالىسىنى سەپەرلىككە كەلتۈردى.جەنۇبى ئاپىرىقىدا ئىرقى كەمسىتىشكە قارشى خەلق كۈرىشى يۇقىرى دولقۇنغا چىقتى. 1992.يىلى نىگىرلارنىڭمۇ سايلاش،سايلىنىش ھوقۇقىنى ئوز ئىچىگە ئالغان يېڭى قانۇن خەلقنىڭ ئاۋاز بېرىشىگە سۇنۇلدى ۋە قوبۇل قىلىندى. نەلسون ماندەلا 1993.يىلى 10.ئاينىڭ 15.كۈنى نوبېل تىنچلىق مۇكاپاتىغا ئېرىشتى. 1994.يىلى 5.ئاينىڭ 10.كۈنى جەنۇبى ئاپىرىقا جۇمھۇرىيىتىنىڭ تۇنجى نىگىر دۆلەت رەئىسى بولۇپ سايلاندى. 2008.يىلى 6.ئاينىڭ ئاخىرقى بىر ھەپتىسى پۈتۈن ھەپتە بويىچە لوندوندىكى ھيدە پاركتا مىللىي كەمسىتىلىشكە قارشى كۈرەشنىڭ بايراقدارى نەلسون ماندەلانىڭ 90 ياشقا كىرگەنلىكىنى تەبرىكلەش پائالىيىتى ئۇيۇشتۇرىلدى.مۇراسىمغا ئامېرىكىنىڭ بۇرۇنقى پىرىزدىنتى بىلل چلىنتون،ئەنگلىيە باش مىنىستىرى گوردون بروۋن،مەشھۇر كىنو ئەرتىستى ۋىلل سمىتھ ،مەشھۇر مۇزىكانت ئاننىئە لەننوخ قاتارلىق يۈزلىگەن داڭلىق شەخسلەر ۋە يۈزمىڭلىغان ئىشتىراكچىلار قاتناشتى. 2008.يىلى 6. ئاينىڭ 28.كۈنى - ماندەلانىڭ تۇغۇلغان كۈنى، ئامېرىكا ساناتورى جوھن كەرري نەلسون ماندەلانىڭ "تىرورىست"لار تىزىملىكىدىن چىقارغانلىقىنى ئېلان قىلدى.ساناتور شەلدون ۋھىتەھوئۇسە مۇ مۇخبىرلار بىلەن قىلغان سۆھبىتىدە "نەلسون ماندەلانىڭ تىرور جىنايەتچىلىرىنى كۇزۇتۇش تىزىملىكىدە يېرى بولماسلىقى كېرەك ئىدى. ساناتونىڭ بۈگۈنكى قارارى،جەنۇبى ئافىرىقا رەھبىرىگە قىلىنغان ئادالەتسىزلىكنى،ئامېرىكىنى قىيىن ئەھۋالدا قۇيۇۋاتقان مەسىلىنى ھەل قىلىشىمىزغا پۇرسەت ياراتتى"دېدى. رونالد رەئاگان دەۋرىدىن باشلاپ،بىرلەشكەن دۆلەتلەر تەشكىلاتىنىڭ مەركىزى جايلاشقان نىيو يوركتىن باشقا ئامېرىكىنىڭ ھەرقانداق بىر يېرىگە بېرىش نەلسون ماندەلا ئۈچۈن مەنئى قىلىنغان ئىدى. تارىختىكى“جىنايەتچى”،”تىرورىست”ماندەلا.بۈگۈن،دۇيادا ئىزىلىۋاتقان،كەمسىتىلىۋاتقان مىللىلەتلەرنىڭ ئازادلىق كۇرشىنىڭ ئورتاق بايراقدارى،مەشئىلى سۇپىتدە كەمبەغەللەر تەختىدە يېرىنى ئېلىپلا قالماستىن،دۇنيادا ئەڭ يۇقىرى ھۆرمەتكە سازاۋەر بولغان نوبېل تىنچلىق مۇكاپانىڭ ئىگىسى بولۇش سۈپىتى بىلەنمۇ ئىنسانىيەتنىڭ دىققىتىنى جەلپ قىلغان بىر گىگانىت شەخسكە ئايلانماقتا. 3.ھاشىم تاجى ھاشىم تاجى 1968.يىلى.4.ئاينىڭ.24.كۈنى كوسوۋانىڭ دىرانىجا رايونىنىڭ بروجنا ناھىيىسىدە تۇغۇلدى.درانىجا ئالبانلارنىڭ سىرپ ھاكىمىيىتىگە قارشى ئەڭ كۈچلۈك قەلئە ھېسابلانغان رايون.ئۇ پىرىشتىنا ئۇنىۋەرسىتىتىنىڭ تارىخ پاكولتىتىدا ئوقۇۋاتقان 1989-1991 .يىللىرىدا يۇگوسلاۋىيىدىن كوسوۋانىڭ مۇستەقىللىقىنى تەلەپ قىلغۇچى ئوقۇغۇچىلار ھەرىكىتىدە ئاكتىپ رول ئوينىدى. ھاشىم تاجى مۇستەقىللىققا ئېرىشىش ئۈچۈن قوراللىق كۈچ ھەل قىلغۇچ ئامىل ئىكەنلىكىنى تونۇپ يەتتى ۋە مەخپىي “كوسوۋو ئازادلىق ئارمىيىسى"تەشكىلاتىنى قۇرۇش ئىشىغا كىرىشتى.(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
