يەر تەييارلاش
يەرنى ئاغدۇرۇشقا بىرلەشتۈرۈپ 50kg كالتسىي سۇپېر فوسفات بىلەن ئوغۇتلاپ ، داڭضاللىرىنى ئېزىپ ياخشى تۈزلەپ ، 1m كەڭلىكتە تاختا ئېلىپ ئېرىقلىرى يېنىك سۇغىرىلىدۇ .
تېرىش
ئۇرۇقنى 15 سېلسىي ضرادۇسلۇق ئىلمان سۇغا 12 سائەت چىلاپ ، ئۇۋىلاپ يۇيۇپ ، ئاندىن 18 - 20 سېلسىي ضرادۇسلۇق شارائىتتا بىخلاندۇرۇپ ، تۇمشۇقى ئاقارغاندا تېرىسا بولىدۇ . تېرىشتا چېچىپ تېرىش ياكى جىراپ تېرىش ئۇسۇلىنى قوللىنىشقا بولىدۇ . ھەر موغا 6kg - 5kg ئۇرۇق كېتىدۇ . كۈزدە تېرىغاندا 8kg - 7kg ئۇرۇق كېتىدۇ . جىراپ تېرىغاندا قۇر ئارىلىقى 12cm - 10cm ، چوڭقۇرلۇقى 1cm ئەتراپىدا بولسا بولىدۇ . تېرىپ بولغاندىن كېيىن دەرھال سۇغىرىپ نەملىكنى ساقلىسا ، ھاۋا تېمپېراتۇرىسى 15 سېلسىي ضرادۇس بولغاندا مايسىلار ئۈنۈشكە باشلايدۇ .
پەرۋىشى
مايسا تەكشى ئۈنۈپ چىققاندىن كېيىن قۇر ئارىلىقىنى 4cm قويۇپ تاقلاش كېرەك . تېمپېراتۇرا 15 - 20 سېلسىي ضرادۇس بولغاندا شومشا ياخشى ئۆسىدۇ . 4 - 5 سېلسىي ضرادۇستىن تۆۋەنلەپ كەتسە ئۈششۈپ قالىدۇ . تېمپېراتۇرا 25 سېلسي ضرادۇسقا يەتكەندە دەرھال شامالدىتىش كېرەك . مايسا ئۈنۈپ 10cm بولغاندا ھەر مونى 15kg ئۇرېيە ئوغۇتى بىلەن ئوغۇتلاپ سۇغىرىش كېرەك .
كېسەل ۋە زىيانداش ھاشاراتلرنىڭ ئالدىنى ئېلىش ، يوقىتىش . شومشىغا ئاساسلىقى سكلېروتىئوم كېسىلى ، ئاق توزاق كېسىلى ، زىيانداش ھاشاراتلاردىن كۆك پىت قاتارلىقلار زىيان سالىدۇ . كېسەلنىڭ ئالدىنى ئېلىش ، يوقىتىشتا %70 مانكوزېپ ( دەيسېنمېڭشىن 代森锰锌) پاراشوكىنى 600 - 700 ھەسسە ئېرىتىپ ياكى %75 لىك داكونىك ( بەيجۈنچىڭ 百菌清) پاراشوكىنى 500 - 600 ھەسسە ئېرىتىپ پۈركۈسە بولىدۇ . كۆك پىتنىڭ ئالدىنى ئېلىش ، يوقىتىشتا %2.5 ( شيۇچىڭجۈجژيوۋ 溴清菊酯乳油) ئېمۇلسىيىسىنىڭ 2000 ھەسسىلىك ئېرىتمىسىنى ئىشلەتسە بولىدۇ .
يىغىۋېلىش
شومشا ئۆسۈپ 30cm - 20cm بولغاندا يىغىۋالسا بولىدۇ . ئەضەر بىر قېتىمدىلا يىغىۋېلىش مەقسەت قىلىنسا يىلتىزى بىلەن قومۇرۇپ يۇلسا بولىدۇ . ئەضەر كۆپ قېتىم ھوسۇل ئېلىش مەقسەت قىلىنسا يەر يۈزىدىن 3cm - 2cm قالدۇرۇپ ئورىۋالسا بولىدۇ . ھەر مودىن 2000kg ھوسۇل ئالغىلى بولىدۇ .
<ئاقيول ئۇيغۇر تور بىكىتى سىزنى قارشى ئالىدۇ>
