(مەسەل)

    ئىمىن ھاشىم

    مېھىر بىر چاياننىڭ سۇغا چۈشۈپ كېتىپ تىپىرلاپ يۈرگىنىنى كۆرۈپ، ئۇنىڭ سۇدىن چىقىۋېلىشىغا ياردەم قىلماقچى بولۇپتۇ. ئەمما چاياننى تۇتاي دېيىشىگە چايان ئۇنىڭ قولىنى چېقىۋاپتۇ. ئۇ نىيىتىمدىن يانماي، دەپ چاياننى سۇدىن سۈزۈۋالماقچى بولغاندا، چايان ئۇنى يەنە چېقىۋاپتۇ. بۇ ئەھۋالنى كۆرگەن غەزەپ مېھىردىن:

    - چايان چاقسىمۇ ئۇنى قۇتقۇزامسەن؟- دەپ سوراپتۇ.

    - چېقىش چاياننىڭ تەبىئىتى، دەپتۇ مېھىر چۈشەندۈرۈپ، قۇتقۇزۇش مېنىڭ تەبىئىتىم. چاياننىڭ چېقىشىنى دەپلا ئۆزۈمدىكى كۆيۈنۈشتىن ئىبارەت خاس خىسلەتتىن كەچسەم قانداق بولىدۇ؟