بوۋاقلار تۇغۇلۇپ ئۇزۇن ئۆتمەي كۈچلۈكىرەك نۇرنى كۆرگەندە كۆزىنى يۇمۇۋېلىشى، چىڭراق ئاۋازنى ئاڭلىغاندا چۆچۈپ كېتىشى ياكى يىغلىشى، ئەمچەك توپچىسى بىلەن ئوچىراشقاندا ئېمىشى بۇلارنىڭ ھەممىسى تۇغما ئىقتىدار ئىنكاسى، تاشقى دۇنيادىكى شەيئىلەرگە نىسپەتەن شەرتسىز رېفلېكىستۇر. ئەزەلدىن بار بولغان شەرتسىز رېفلېكىس ئاساسىدا، ھەرخىل شەيئىلەر بىلەن ئۇچرشىش ئارقىلىق، ھەرخىل ئوخشىمىغان تەسىرلەرنى سېزىپ ھەم ئۈزلۈكسىز تەكرارلىنىش، كۈچەيتىش جەريانىدا شەرتلىك رېفلىكىس شەكىللەندۈرۈش جەريانىنىڭ ئۆزى بىر ئۆگىنش ھەم دوراش جەريانىدۇر؛ تەتقىقاتلاردا كۆرسىتىلىشىچە يېڭى تۇغۇلغان بوۋاقلار ئىككى ھەپتىلىك بولغاندىن تارتىپ ئانىنىڭ چىراي ئىپادىسنى ئۆگىنىدۇ ھەم دورايدۇ. مەسىلەن: تىلىنى چىقىرىش، ئېغىزنى ئېچىش قاتارلىق ھەرىكەتلەر. شۇڭلاشقا ئاتا-ئانىلار بوۋاق يېڭى تۇغۇلغان مەزگىلدىن باشلاپ بوۋاقنىڭ ئۆگىنىش ئىقتىدارىنى يېتىلدۈرۈشكە، ئەڭ دەسلەپكى ئەقلىي ئىقتىدارىنى ئېچىشقا باشلىشى كېرەك.