ھامىلە يېشىدىن چوڭ بوۋاق تۇغۇلغاندىكى ئېغىرلىقى ئوخشاش ھامىلە يېشىدىكلەرنىڭ ئوتتۇرچە بەدەن ئېغىرلىقىنىڭ 90 پىرسەنىت بىرلىكىنىڭ ئۈستىدە ياكى تەخمىنەن بەدەن ئېغىرلىقنىڭ ئىككى ئۆلچەملىك پەرقىدىن چوڭ تۇغۇلغان بوۋاقلارنى كۆرسىتىدۇ. بەدەن ئېغىرلىقى تۆت كىلوگىرامدىن ئېغىر تۇغۇلغان بوۋاقلار يەنە گىگانىت بوۋاقلار دېيىلىدۇ. مەسىلەن: ھامىلە يېشى 38 ھەپتىگە توشقان يېڭى تۇغۇلغان بوۋاقنىڭ بەدەن ئېغىرلىقى تەخمىنەن 3.08 كىەلوگىرام، 90 پىرسەنىت بىرلىكىدىكى ئېغىرلىقى 3.558 كىلوگىرام، ئەگەر ئېغىرلىقى 3.558 كىلوگىرامدىن ئېغىر بولسا بۇ ھامىلە يېشىدىن چوڭ بوۋاق ھېسابلىنىدۇ. ئاتا-ئانىنىڭ بەدىنى چوڭ، ئېگىز بولغانلىقتىن ياكى ئانا ھاملىدار مەزگىلدىكى ئوزۇقلۇق مول بولغانلىقتىن بەزى يېڭى تۇغۇلغان بوۋاقلار چوڭراق بولىدۇ، بۇ نورمال فىزىئولوگىيىلىك ھادىسە. ھامىلە يېشىدىن چوڭ ئەمما ساغلام تۇغۇلمىغانلىرى ئاساسەن باشقا سەۋەبلەردىن مەسلەن ئانىنىڭ دىئابېت كېسىلى ياخشى كونتىرول قىلنمىغان ۋاقىتتا تۇغۇلغان بوۋاق ناھايىتتى چوڭ بولىدۇ.