بەدەن ئېغىرلىقى تۆت كىلوگىرامدىن ئارتۇق تۇغۇلغان بوۋاقلار گىگانىت بوۋاق دېيىلىدۇ. بىر قىسمى ئىرسىيەتتىن ياكى ئانا ئوزۇقلۇقىنىڭ زىيادىلىكىدىن كېلىپ چىقىدۇ. مەسىلەن ئاتا-ئانا بەدىنىنىڭ يوغان بولۇشى، ھامىلدار ئاياللار ئوزۇقلۇقىنىڭ ئارتىشى، ھامىلە ئانا تېنىدىن ئوزۇقلۇقنى ياخشى قوبۇل قىلىش نەتىجىسىدە ئېغىرلىقىنىڭ كۈندىن-كۈنگە ئارتىپ بېرىشىدىن گىگانت بوۋاقلار تۇغۇلىدۇ. ئەمما شۇنىڭغا دىققەت قىلىش كېرەككى، بەزى ئالاھىدە چوڭ بوۋاقلار ئانا ياكى ھامىلە مەلۇم كېسەلگە گىرىپتار بولغانلىقتىن كېلىپ چىقىدۇ، ئۇنىڭ ئۈستىگە چوڭ تۇغۇلغان بوۋاقلار قىيىن تۇغۇت سەۋەبلىك نەپسى ئۈزۈلۈش، باش ئىچى قاناش قاتارلىق كېسەللىكلەر، تۇغۇلغاندىن كېيىن ئاسانلا قاندىكى قەنىت مىقدارى، كالىتسي مىقدارى تۆۋەن، نەپسى قىيىن بولۇش ھەم قىزىل قان ھۈجەيرىسى كۆپىيىپ كېتىش كېسىلى كۆرۈلىدۇ. شۇڭا قارىغۇلارچە يېڭى تۇغۇلغان بوۋاق قانچە سېمىز بولسا شۇنچە ياخشى دېمەسلىك كېرەك.