قەلبىنۇر ئىلياس : نەسرى ئەسەرلىرى

قەلبىنۇر ئېلياس · ۋاقتى: 2012-5-9 11:35:09


	تېشىلىش تېشىلىپ كەت تاۋىغىم ! ئايلاپ-ئايلاپ تاختۇشۇمدىن چۈشمىسەڭ . سۇنۇپ كەتكىن چۆمۈچۈم! مۇھەببەتنى چىنىلەرگە ئۈسمىسەڭ . چوكا قوشۇقلىرىم چىرىدى ، چويلامدا شۇڭا توختىتالمىدىم سېنى ،ئىسسىق پىيالىدە دەملىمىدىم سۆيگۈمنى ... تېشىلىپ كەت تاۋىقىم ! باراۋەرلىك تۇيغۇسىدا ئۇزاتىممۇ ئېشىمنى؟ ئۈزۈمنىڭكى پەرىشتە، ئۆزگىلەرنى يات كۆردۈم. ئەمەلدارنى بۆلەكچە ،ئاددىيلارنى سەت كۆردۈم .سۇنۇپ كەتكەش ئادىمىيلىكىم... تېشىلىپ كەت قازىنىم! دات چىرىتسۇن جىسمىڭنى .ئوت كۆيمىگەش ئوچاقتا ،تۇرخۇنۇمدىن چىقمىدى تۈتۈن .ئەمدى مەختۇمسىلادەك چوغ تىلەپ يۈرەي ،يالماۋۇز كېلىپ، تېشىپ ئىچسۇن قېنىمدىن... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-9 11:37

قەلبىنۇر ئېلياس · ۋاقتى: 2012-5-9 19:43:34


	ئۆزىنى سۆيۈش شەخسىيىتى ئەقىل بۇلىقىنىڭ كۆزلىرى ئەمدىلا ئېچىلۋاتقان بىر ناتىۋان ، قوللىرىدا كۈمۈش كىتاۋىنىڭ بەتلىرىنى ۋاراغلاپ ، ئىلمىي پەرەزلەرنىڭ بىلىيىدە قابىليىتىنى بىلەۋاتقان دادىسىدىن سورىدى: ــــ دادا ئۆزىنى سۆيۈشنىڭ شەخسىيىتى بولامدۇ؟ ــ ئۆزىنى سۆيۈشنىڭ شەخسىيىتى بېمەنە ، ئەمما يەنىلا ئۈزۈمنى سۆيگۈم بار گويا سېنى سۆيگەندەكلا .چۈنكى تەپەككۈرۈم سېنىڭدىن خالى ھالدا دۇنيانى چۆرگۈلەيدۇ . تەسەۋۇر قانىتىم سەنسىز ئىجاىديەتنىڭ مەيدىسىگە خاسلىق گۈلىنى تاقايدۇ . ياشامىمنىڭ ھەر- بىر ئەھمىيەتلىك ھەركىتىدە ئۆزلىكىم بىلەن مەۋجۇتلىقىمنى ئېتراپ قىلىمەن -دىدى ، دادىسى لېرىكلاشقان تۇيغۇلاردا ئوغلىغا جاۋابەن. ــــ ئانداقتا شەخسىيەت ئۆزلۈك ئۈچۈنلا سېلىنغان مەنىۋى دەسمايىمۇ؟ يەنە سوردى ئوغلى. ـــ شەخسىيەتنى مەنىۋى دەسمايىغا ئايلاندۇرۇش ئىنساننىڭ ئۇلۇغلۇقى. بىراق ھەممە ئادەمنىڭ قولىدىن بۇ خىل خىسلەت كەلگەن بولسىدى، دۇنيا ئازارچىلىققا تولمايتى. ــــ ئەمىسە شەخسىيەتنىڭ مەنىسىنى چۈشەندۈرۈڭە؟ – دىدى، ئوغلى گويا تەپەككۈر قۇچاغلاشقا ھېرىسمەن تىلەكلەردەك . ئوغلىنى ئۈمۈتسىزلەندۈرۈشنى خالىمىغان ئاتا ، بېشىنى كۆتۈرۈپ ئاسمانغا بىرھازا تىكىلگەندىن كېيىن ئاستا شىۋىرلاشقا باشلىدى. ــــ شەخسىيەتنىڭ ئىجابىي قىممىتىنى ئىنكار قىلىشمۇ گاھى ئۆزىنى ئىنكار قىلغانلىق بىلەن باراۋەر . «شەخسىيەت – روھىيەت ئاچارچىلىقىدىن خالى تۇرۇپ، بىر گۈزەل مەنە ئېتىكىگە گۈزەللىك ئۆرنەكلىرىنى تېرۋالسا ،روھى مەمنۇنلىق تىترەپ تۇرغان ھاياجانلىرى بىلەن ئۇنۇڭغا تەشەككۈر گۈللىرىنى ئۇزتىدۇ .شەخسىيەتنىڭ ھەۋەسلىرى چاكىنا ، ئەمما ئۇنىڭ قېتىدا بىر يۈكسەك نۇرانىلىق سىغدالغان بولىدۇ . ئۆزىنى سۆيۈش سەخسىيىتى – ھاياتنى سۆيۈش مەنىسىنىڭ ئىستىتىكىلىشىشى. بۇ خىل يارقىن خاسلىق تۈپەيلى ئادەملەر شەخسىيىتىمۇ خاسلىقلاشقان »-دىدى، دادىسى ئوغلىغا يۇلتۇزدەك چاخناپ كەتكەن كۆزلىرىنى تىكىپ تۇرۇپ . ــــ ئانداقتا نىمىشقا بىز ئىنسان شەخسىيىتىنى ئىتراپ قىلىپ تۇرۇپ ، يەنە شەخسىيەتچىلىككە ئۆچمەنلىك قىلىمىز؟ ــــ شەخسىيەت بىلەن شەخسىيەتچىلىكنىڭ دەرىجىسى ئەلۋەتتە ئوخشىمايدۇ . شەخسىيەتچىلىك- شەخسىيەت ھەۋىسىنىڭ ئەسەبىيلىشىپ ، گۈزەللىك ئىمتىيازلىرىنى بىر چەتكە قايرىپ تۇرۇپ ، پەسكەشلىك مېۋىسىگە قول ئۇزۇتۇش ئارقىلىق مەمەجبۇرىي ئېرىشكەن ئىمتىيازى بولۇپ ، ئۇ ئۆزلۈكنى قەدىرلەش شەخسىيىتىدىن يىراغلاشقان چاكىنىلىقتۇر. قەلبى ئالتۇن چەشمىلەرنىڭ ئىبارىلىرىدا يۇيۇلغاندەك تۇيغۇغا كەلگەن ناتىۋان، بىر قىممەتلىك دەرىس ئالغاندەك مەمنۇنلاندى . ئۇ ئۆزىنى سۆيۈش شەخسىيىتىنىڭ بېباھالىقىنى چۈشۈنۈپ يەتكەندە، شەخسىيەتچىلىك قاراڭغۇلىقىنىڭمۇ ئىنسان نەپسى ئۈچۈن قارا سايە تاشلاپ تۇرىدىغانلىقىنى ھەم ھېس قىلىپ يەتتى. ئەنە شۇ چاغدىلا ئالدىدا چىگىش ئورماندەك پايانسىز سوزۇلغان ئادىمىيلىك سەپىرىنىڭ مۈشكۈلىكى، ئۇنى سەگىتتى .ئۇ شەخسىيەتچىلىكتىن سەسكىنىپ تۇرۇپ ، ئۆزىنى سۆيۈش شەخسىيىتىنى قەدىرلەشنىڭ بىر يىڭى ھەقىقىتىنى دۇسلىرىغا چۈشەندۈرۈش ئۈچۈن ، بىلىم قاچىلانغان سومكىسىنى كۆتۈرۈپ دوسلىرىنىڭ قېشىغا يول ئالدى... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-10 10:41

قەلبىنۇر ئېلياس · ۋاقتى: 2012-5-10 11:06:03


	گۈل بەرگىدە ئۇخلاۋاتقان قىز ئەتىرگۈل بەرگى نازىنىن قىزنىڭ ئازاپلىرى ئۈچۈن قۇچىغىنى يايدى . بىر شېرىن پەپىلەش بىلەن قىز لىرىكىسىنى مۈگدەتكەن گۈلنىڭ خۇشبۇي ھىددى، قىزنىڭ رومانتىكىلىق ھېسلىرىنى چۈش ئالىمىگە ئېلىپ كەتتى . قىز چۈشىدە بىر قانرەڭگىگە ئوخشايدىغان گۈلۈستانلىققا كىرىپ قالدى، مانا بۇ ئۇنىڭ ئۈچۈن ھىكىمەت تۈكۈشنى ئىستەپ تۇرغان ئىپپەت ئىسىملىك رىۋايەت ئىدى . قىزلىق– گويا پايانسىزلىقنىڭ باشلىنىش قۇتۇب يۇلتىزىدەك ،گۈل رەڭگىدە جۇلالايتى. ئۇلۇغلۇقنىڭ سېرىنى چۈشەنگەن قىز, ئەتۈرگۈلدەك تېنىدا، بۇ بۈيۈك تەۋەرۈكنى ئاسرايدىغان قەلىب سېپىلىنى ياراتماق بولدى . گۈلنىڭ قات– قات بەرگى ئۇنىڭ ئۈچۈن پاكلىق خىشلىرىغا ئايلانغان ئىدى... گۈل بەرگىدە ئۇخلاۋاتقان قىز مەۋجۇتلىغىنىڭ مەنىسىنى چۈشەنگەندەك ،لېرىكىلىق ئۇيغاندى .. بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-10 11:07

قەلبىنۇر ئېلياس · ۋاقتى: 2012-5-10 19:20:18


	ﺋﻪﻗﯩﺪە ﻣﻪن ﮔﻮﻳﺎ ﺑﺎﮬﺎر ﺳﯧﻐﯩﻨﻐﺎن ﻧﻮﺗﯩلاردەك ﭼﯜﺷﻜﯜن ﻣﻪﻧﯩﯟﯨﻴﯩﺘﯩﯖﻨﯩﯔ ﻗﺎﺧﺸﺎل ﺑﯧﻐﯩﺪا ﻳﯘﻣﺮان ﭘﻮﺗلا ﭼﯩﻘﺎردﯨﻢ. ﺳﻪن ﮔﻮﻳﺎ ﻗﻪﮬﺮﯨﺘﺎن ﻗﯩﺸﺘﻪك ﺳﻮﻏﯘق ﻣﯘﺋﺎﻣﯩﻠﻪ ﺷﯩﯟﯨﺮﻏﺎﻧﻠﯩﺮﯨﯔ ﺑﯩﻠﻪن ﻗﻪﻟﺒﯩﻤﻨﻰ ﺋﯜﺷﯜﺗﯜﺷﻜﻪ ﺋﯘرۇﻧﺪۇڭ. ﺋﻪﻣﻤﺎ ﭼﻪﻛﺴﯩﺰ ﺋﻪﻗﯩﺪﯨﮕﻪ ﺗﻮﻟﻐﺎن ﺋﯩﻠﻠﯩﻖ ﻣﯘﺋﺎﻣﯩﻠﻪﻣﺪﯨﻦ ﭼﯜﺷﻜﯜﻧﻠﯜك ﺋﻪﮔﯩﺰﻟﯩﺮﯨﮕﻪ ﺋﺎﻳلاﻧﻐﺎن ﺗﻪﺷﯟﯨﺸﻠﯩﺮﯨﯔ ﺋﯧﻘﯩﭗ ﻛﻪﺗﺘﻰ. ﺋﯜﻣﯩﺪﺗﻜﻪ ﺗﻮﻟﻐﺎن ﮬﺎﻳﺎﺗﻠﯩﻘﻨﯩﯔ ﻗﺎق ﺳﻪﮬﯩﺮى، ﺗﯘﻧﺠﻰ ﺳﯚﻳﮕﯜ ﻗﻪدﯨﻤﯩﯔ ﺑﯩﻠﻪن ﺋﯚز - ﺋﯚزۈﯕﮕﻪ ﺋﯩﺸﻪﻧﮕﻪن ﮬﺎﻟﺪا ﻛﯚﯕﯜل دەرۋازاﻣﻨﻰ ﺋﺎۋاﻳلاپ ﺗﯘرۇپ ﭼﻪﻛﺘﯩﯔ، ﻣﻪن ﻗﻪﻟﺐ دﯨﯖﯩﺰﯨﯖﻨﯩﯔ ﺋﻪڭ ﭼﻮﯕﻘﯘر ﭼﯜﻛﻤﯩﺴﻰ ﺋﯩﭽﯩﺪە ﺗﻪﻧﮭﺎ ﻳﺎﺷﺎش ﺋﯜﭼﯜن دوﻟﻘﯘﻧلاپ ﺗﯘرﻏﺎن ﮬﯧﺴﺴﯩﻴﺎت ﺋﯚرﻛﻪﺷﻠﯩﺮﯨﮕﻪ ﺋﯜزۈﻣﻨﻰ ﺋﺎﺗﺘﯩﻢ. بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-10 19:20

قەلبىنۇر ئېلياس · ۋاقتى: 2012-5-14 09:58:10


	ئانامنىڭ بېشىدىكى تاتۇق بۈگۈن كۈمۈشتەك چېچىڭىزنى ساداقەتنىڭ تاغاقلىرىدا تاراۋىتىپ، بېشىڭىزدىكى ھىلىقى تاتۇقنى يەنە كۆرۈپ قالدىم ئانا! ئۆتمۈشنى كوچىلاشقا ئامراق ئېغزىم بىلەن كەشمىشىڭىزنى چوخچىلاپ ، قەلبىڭىزدىكى ئۇ تاتۇقنىڭ چوڭقۇرلىقىنى كۆرۈپ باخماقچى ئىدىم، ئەمما يەنىلا سېرلىرىڭىز پېچەتلەنگەن قەلىب ساندۇقىڭىزنى ئاچقىلى ئۇنمىدىڭىز . بىراق ،بىر ئېغىر تىنىق نەپەسلىرىڭىز ئارقىلىق قىيان كەبى باغرىمغا دەۋرەپ كىردى .مەن ئانىلىق قەلبىڭىزنى چۈشەنگۈدەك ماھيىتىم بىلەن دىلىڭىزنىڭ ئەڭ چوڭقۇر يېرىدە ، روھىيىتىڭىزنى يالماپ تۇرغان ئەجدىھانى قىياس قىلىپ باختىم. بىراق، بىردىنلا چۆچۈدۈم. راستىنى ئېيتسام ،بۇ ئەجدىھانىڭ كىملىكىنى ئويلىسام ۋۇجۇدۇمنى تىترەك باساتتى ... مەن بىردىنلا قەلىب يېغرىڭىزغا ئازار قامچىسىنى ئۇرۋاتقىنىمنى ھىس قىپ قالدىم . سىزنىڭ سىرلىرىڭىز — كۆمۈكتە قالغان ئالتۇندەك بىباھا بولسا كېرەك .چۈنكى، ئۇنىڭغا چوڭقۇر ئەقىدە گىرەلەشكەن ئازاپلارنىڭ سىڭىپ كەتكىنىنى قىياس قىلماق تەس ئەمەس . تۇرمۇش پىچىقىدا يارلانغان بېشىڭىزدىكى تاتۇقنى يۇشارغىنىڭىز ، ھەتتا كۆرۈپ قالغاندىمۇ پەيدا بولۇش سەۋەبىنى دېمىگىنىڭىزدىن گويا بىر قالقان بولۇپ قەلبىڭىزدىكى بىر ئوبرازنى قوغدىۋاتقىنىڭىز ،ئەڭ مۇھىمى بالىلىق قەلبىمىزدە ئۇ يۈكسەك ئوبرازنىڭ ئىناۋىتىنى خىرەلەشتۈرۈشنى خالىمايۋاتقىنىڭىز ئىنىقلىغۇ !... سىزنىڭ قەلبىڭىز نىمانچە چەكسىز ؟ ! ئاشۇ پايانسىز باغرىڭىزدا ئۈزۈپ تۇرغان ئارمانلىرىمىز ئۈچۈن، گويا دېڭىز تەكتىدىكى مەرۋايىتدەك سۈكۈتلىرىڭىزنى يۇشۇرۇپ ، خۇشخۇي تەبئېتىڭىز بىلەن بىزگە مېھىر ئاپتىپىنى سېپىپ كەلدىڭىز . سىزنىڭ بېشىڭىزدىكى تارتۇقنى كۆرۈپ ، ئۈزۈمنىڭ تەنتەكلىكىنى ئەيىپلىدىم .زامان نازۇكلىقىدىن يۇقۇملانغان روھىناتىمدا پەيدا بولغان ئۆكتەملىكلىرىم ،ئاياللىق تەلىپىمنىڭ كۆكەمە تۇيغۇلىرى بىلەن مەجبۇرى ئېرىشكەن ئىمتىيازلىرىم ،ۋجۇدۇمغا تىكەندەك سانچىلىشقا باشلىدى . گويا كەشكۈزنىڭ ئاداقى بىر شېخىدا شۈمشۈيۈپ قالغان كۈرۈمسىز گۈلدەك ، تەبېتىمدە يىتىلگەن بۇ بېزەڭ شەخسىيەتنى ئۆز قولۇم بىلەن يۇلۇپ ئېلىپ ،لەنەتلەر زەرەتكانلىقىغا دەپنە قىلغىم كەلدى. سىزنىڭ بېشىڭىزدىكى تاتۇق ماڭا ھايات سەپىرىنىڭ مۇشكۇلىكىنى ، سانسىز بەدەل تۆلەشلەر يۈكسەكلىكىدىلا ئانىلىق ئىناۋەتنىڭ قۇيشاتەك يىلىنجايدىغانلىقىنى ھىس قىلدۇردى . بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-14 09:59

قەلبىنۇر ئېلياس · ۋاقتى: 2012-5-16 09:59:47


	ﻣﻪرﯨﭙﻪﺗﻠﯩﻚ ﻗﻮﻟلار ﺋﯧﭽﯩﻠﻐﺎن ﺋﺎﻟﻪﻣﻨﯩﯔ ﺗﯩﻠﺴﯩﻢ ﻗﯘﻟﯩﭙﻰ، ﺋﯘﺳﺘﺎزﻧﯩﯔ ﺋﻪﺟﺮﯨﺪﯨﻦ ﺗﯚرەﻟﮕﻪن دۇﻧﻴﺎ. ﺋﺎۋﯨﻐﺎن ﺑﺎﻏﺪﯨﻜﻰ ﭼﯧﭽﻪﻛﺘﻪك ﮔﻮﻳﺎ، ﺳﻪﺑﯩﻴﻠﻪر ﻗﻪﻟﺒﯩﺪە ﻣﯧﮭﯩﺮﻟﯩﻚ ﺋﺎﻧﺎ. ﻣﻪرﯨﭙﻪت ﺷﻪرﺑﯩﺘﻰ ﺋﻮﺧﭽﯩﻐﺎن ﺑﺎﻏﺮى، ﮬﺎﻳﺎﺗﻘﺎ ﻧﯩﺠﺎﺗﻠﯩﻖ ﺑﻪرﮔﻪن ﺋﻪي ﻗﻮﻟلار، ﻏﯘرۇردﯨﻦ ﭼﯩﻨﺎردەك ﻳﺎﺷﻨﯩﻐﺎن ﺗﯩﻠﻪك، ﺷﯘ ﺳﻪۋەب ﺳﯩﻠﻪردﯨﻦ ﺳﯚﻳﯜﻧﻪر دﯨﻠلار... 1 ﻣﻪرﯨﭙﻪت ﺗﻪﺷﻨﺎﻟﯩﻘﯩﺪا ﭼﺎﯕﻘﯩﻐﺎن ﮔﯜدەك، ﻳﯧﺘﯩﻤﻠﯩﻚ ﻳﻮﻟﯩﺪا ﻛﯧﻠﻪر ﺗﻪﻣﺘﯩﺮەپ. ﻏﯘﺑﺎرﺳﯩﺰ ﻗﻪﻟﺒﯩﺪە ﻗﺎﺗﻘﺎن ﻗﺎرﯨﻴﯩﭗ، ﺷﻪﭘﻘﻪﺗﺴﯩﺰ ﺗﻪﻏﺪﯨﺮدﯨﻦ ﻗﺎﻟﻐﺎن ﻗﯩﺴﻤﻪﺗﻠﻪر، ﭼﯜﻧﻜﻰ ﻣﯧﮭﯩﺮ ﺋﯘﻧﻰ ﻗﻮﻳﻐﺎن ﺋﯚﮔﻪﻳﻠﻪپ... ﺷﯘﻧﺪﯨﻤﯘ ﺋﺎدﯨﻤﯩﻲ ﺗﯘﻳﻐﯘ ﺑﯩﺨﻠﯩﺮى، ﻗﻪﻟﺒﯩﺪﯨﻦ ﻳﯧﺮﯨﻠﯩﭗ ﭼﯩﻘﻘﺎن ﺟﯘلالاپ، ﻳﯜرﮔﯩﻨﯩﺪە ﺋﺎرزۇ ﺋﯩﺸﯩﻜﯩﺪﯨﻦ ﺳﻪدﯨﻘﻪ ﺗﯩﻠﻪپ، ﻛﯚرۈپ ﻗﺎﻟﺪى ﻣﯧﮭﺮﯨﺒﺎن ﻛﯚزﻟﻪر. ﺋﺎﻟﺪى ﺋﯘﻧﻰ ﻗﻪﻟﺐ ﻛﯚرﭘﯩﺴﯩﮕﻪ ﻳﯚﮔﻪپ. ﺳﯩﻴﻠﯩﺪى ﻣﻪرﯨﭙﻪﺗﻠﯩﻚ ﻗﻮﻟﻠﯩﺮﯨﺪا، ﺋﺎرﻣﯩﻨﯩﻨﻰ ﺋﺎﺳﺘﺎ ﺋﺎۋاﻳلاپ... 2 ﻛﯧﻠﻪر ﮬﻪر ﻛﯜﻧﻰ ﻳﯩﻐلاﻣﺴﯩﺮاپ، ﺑﺎﮬﺎردەك ﭼﯧﮭﺮﯨﺪﯨﻦ ﻏﺎزاڭ ﺗﻮزۇﺗﯘپ، ﺳﯜﻛﯜت ﻗﺎﻳﻨﯩﻤﯩﺪا ﺋﯜزەر ﺧﯩﻴﺎﻟﭽﺎن، ﺋﯚز ﺋﺎﺗﺎ - ﺋﺎﻧﯩﺴﻰ ﺗﯘرۇپ ﺑﻪﺧﺘﯩﻦ ﺋﺎﻳﺮﯨﻠﻐﺎن ﺋﺎﺷﯘ ﻧﺎﺗﯩﯟان... ﻛﯧﻠﻪر ﺋﺎﻟﺪﯨﻐﺎ ﺋﻮﻗﯘﺗﻘﯘﭼﯩﺴﻰ، ﺟﯚﻟﻤﻪرﯨﮕﻪن روﮬﯩﻨﻰ ﻳﺎﻣﯩﻤﺎق ﺑﻮﻟﯘپ، ﺳﻪﻣﯩﻤﯩﻲ ﻳﯜرﯨﻜﯩﻨﻰ ﭘﻪﺗﻨﯘس ﻗﯩﻠﯩﭗ، ﺗﻪﺳﻪﻟﻠﯩﮕﻪ ﺗﻮﻟﻐﺎن ﺳﻪﻣﯩﻤﯩﻴﯩﺘﯩﻨﻰ ﺋﯘﻧﯩﯖﻐﺎ ﺳﯧﻠﯩﭗ. ﺗﻮﻳﯘﻧﺪۇرار ﺋﯘﻧﯩﯔ روﮬﯩﻨﻰ، ﻣﻪرﯨﭙﻪﺗﻠﯩﻚ ﻗﻮﻟﻠﯩﺮﯨﺪا ﻳﯧﺘﯩﻠﯩﮕﻪن ﺋﯘﻧﻰ، ﮔﻮﻳﺎ ﺋﺎﻧﯩﺴﯩﺪەك، ﺋﺎﺗﯩﺴﯩﺪەك... 3 ﮔﻮﻳﺎ ﺑﺎﮬﺎرﻧﯩﯔ ﻳﯘﻟﺘﯘزﻟﯩﺮﯨﺪەك، ﻣﯧﮭﺮﯨﺒﺎن ﻛﯚزﻟﻪردﯨﻦ ﺗﯚﻛﯜﻟﮕﻪن ﺷﻪرﺑﻪت. ﮬﯧﺴﺪاﺷﻠﯩﻖ ﻗﯩﻴﺎﻧﻠﯩﺮﯨﻐﺎ ﺋﺎﻳلاﻧﺪى ﻳﯜرەك، ﮔﻮﻳﺎ ﭼﺎﻳﻘﺎﻟﻐﺎﻧﺪەك ﺳﯚﻳﮕﯜ دﯦﯖﯩﺰى... ﺋﯘ ﺋﯩﺸﻪﻧﭻ ﻛﯧﻤﯩﺴﯩﻨﻰ ﺳﺎﻟﺪى دەرﻳﺎﻏﺎ، ﺋﯩﺮادﯨﺪﯨﻦ ﻳﯧﺮﯨﭗ دوﻟﻘﯘﻧلار. ﻣﻪدەت ﺑﻮﻟﻐﺎچ ﺋﯩﻨﺴﺎﻧﯩﻲ ﺗﯩﻠﻪك، ﻣﻪرﯨﭙﻪﺗﻠﯩﻚ ﺋﺎﺷﯘ ﺟﯜپ ﻗﻮﻟلار... ﻗﯩﺮﻏﺎق ﺗﺎﻣﺎن ﺋﯜزدى ﺷﯘ ﺋﺎرﻣﺎن ﺋﺎﻧﺎ ﺧﻪﻟﻘﻰ ﺑﻮﻟﻐﺎﭼﻘﺎ دەرﻣﺎن... 4 ﻗﯧﭙﻴﺎلاﯕﺎچ ﺑﻮﻟﯘپ ﺑﯩﺮ ﺑﻪﯕﯟاش ﻗﺎﭼﺎر ﻧﺎداﻧﻠﯩﻖ ﻛﻮﭼﯩﺴﯩﻐﺎ، ﻗﻮﻏلاپ ﭼﯩﻘﻘﺎن ﺑﻮۋﯨﺴﻰ ﺋﯘﻧﻰ ﺳﻮﻟﯩﻤﺎق ﺑﻮﻟﯘپ ﻛﻮﻧﺎ ﺋﻪﺧلاق راﻣﻜﯩﺴﯩﻐﺎ ... ﺷﯘ دەﻗﯩﻘﯩﺪە ﮔﻮﻳﺎ ﺧﯩﺰﯨﺮ ﻳﻮﻟﯘﻗﻘﺎﻧﺪەك دوﻗﯘرۇﺷﯘپ ﻗﺎﻟﺪى، ﺳﺎۋاﺗﺴﯩﺰﻧﻰ ﺋﯩﺰدﯨﮕﻪن ﺑﯩﺮ روھ، ﻳﯧﺘﯩﻠﻪپ ﻣﺎﯕﺪى ﺋﯘﻧﻰ ﺋﯧﯖﯩﺪﯨﻦ ﻣﻪرﯨﭙﻪﺗﻠﯩﻚ ﻗﻮﻟﻠﯩﺮﯨﺪا... ﺗﯩﺮەﺟﯩﺴﯩﻤﯘ ﺗﯧﺮﯨﻜﻤﯩﺪى، ﺗﻪرﺑﯩﻴﯩﺪﯨﻦ زﯨﺮﯨﻜﻤﯩﺪى، ﺷﯘ ﺗﻪرﯨﻘﯩﺪە ﺋﯚﺗﺘﻰ ﻛﯜﻧﻠﻪر، ﺑﻪﯕﯟاﺷﻨﯩﯔ ﻳﯜرﯨﻜﯩﺪﯨﻤﯘ ﻳﯧﯖﻰ ﺋﯩﺴﺘﻪك ﻳﯧﻠﯩﻨﺠﯩﺪى. ﺋﯩﺴﺘﯩﻘﺒﺎﻟﻤﯘ ﺋﯘﻧﯩﯖﻐﺎ ﻗﺎراپ ﻛﯜﻟﯜﻣﺴﯩﺮﯨﺪى... 5 ﻳﯘﯕﯘزﻟﯩﻐﺎن ﻳﯘﻣﺮان ﺗﯘﻳﻐﯘﻧﻰ، ﻧﻪﭘﺴﺎﻧﯩﻴﻪت ﻗﯩﺴﺘﯩﻐﺎن ﺋﯘﻧﻰ، ﺷﯘﯕﺎ ﺑﻮﻟﻐﺎن ﮔﺎﮬﻰ ﺗﯩﻠﻪﻣﭽﻰ ۋە ﮔﺎﮬﯩﺪا ﺑﻮﻟﯘپ ﻣﺎﻳلاﻣﭽﻰ... ﺗﯘرۇپ ﻛﯧﺘﻪر ﺑﻪزەن ﮬﺎﯕﯟﯨﻘﯩﭗ، ﻧﺎۋادا ﺋﯚﺗﯜپ ﻗﺎﻟﺴﺎ ﻣﻪﻛﺘﻪپ دەرۋازﯨﺴﯩﺪﯨﻦ. ﻗﯩﺴﻤﻪﺗﻠﻪرﮔﻪ ﻗﻮﻳﯩﺪۇ ﺳﻮﺋﺎل ،ﺋﺎھ ﺑﻮﻏﯘزلاﻧﻐﺎن ﺑﺎﻟﯩﻠﯩﻖ ﺗﯩﻠﻪك؟! ﺷﯘﻧﺪا ﻧﻪﭘﺮەت ﺋﻮﺧﭽﺎر ﻗﻪﻟﺒﯩﺪﯨﻦ ،ﭘﯘل ﺧﯘﻣﺎر ﺋﺎﺗﯩﺴﯩﻐﺎ، ﻣﻮدﯨﻜﻪش ﺋﺎﻧﯩﺴﯩﻐﺎ... ﺋﯘ ﻳﯜرﮔﯩﻨﯩﺪە ﺑﯩﺘﺎﻗﻪت ﺑﻮﻟﯘپ، ﺋﯩﺰدەپ ﻛﻪﻟﺪى ﻣﯘﺋﻪﻟﻠﯩﻢ ﺋﯘﻧﻰ، ﻳﯧﺘﯩﻠﻪپ ﻣﺎﯕﺪى ﻣﻪرﯨﭙﻪﺗﻠﯩﻚ ﻗﻮﻟﻠﯩﺮﯨﺪا، ﻣﻪرﯨﭙﻪت ﻗﯘﻳﺎﺷﻰ ﻛﯜﻟﯜﻣﺴﯩﺮﯨﮕﻪن، ﺋﯘ ﺗﻪﻟﭙﯜﻧﮕﻪن ﺑﯜﻳﯜك ﻣﺎﻛﺎﻧﻐﺎ؛ ﺷﯘﻧﺪا ﮬﯧﺲ ﻗﯩﻠﺪى ﮔﯜدەك ﻧﺎﺗﯩﯟان ﺋﺎﻧﯩﺪﯨﻦ ﮬﯧﺲ ﻗﯩﻠﻤﯩﻐﺎن ﻣﯘﮬﻪﺑﺒﻪﺗﻨﻰ، ﺋﺎﺗﯩﺴﯩﺪﯨﻦ ﺋﯧﺮﯨﺸﻤﯩﮕﻪن ﺳﺎﺋﺎدەﺗﻨﻰ... ﺧﯩﺰﯨﺮ ﺑﻮﻟﯘپ ﺗﯘﻏﯘﻟﻤﯩﻐﺎن ﺋﻪزەﻟﺪﯨﻨلا، ﺧﯩﺰﯨﺮ ﺳﯜﭘﻪت ﻳﻮل ﻛﯚرﺳﯩﺘﻪر ﺋﺎزﻏﺎﻧلارﻏﺎ، ﭘﻪرﯨﺸﺘﯩﻤﯘ ﺋﻪﻣﻪس، ﺋﻪﻣﻤﺎ ﭘﻪرﯨﺸﺘﻪﺧﯘي، ﺑﺎﮬﺎر ﮬﯩﺪى ﺑﯧﺮﯨﭗ ﺗﯘرار ﻣﻪﺟﺮۇﮬلارﻏﺎ... ﻳﯜرﯨﻜﯩﺪﯨﻦ ﺳﯩﺮﻏﯩﭗ ﺗﯘرار ﺳﺎﺧﺎۋﯨﺘﻰ، ﺋﺎﺟﯩﺰلارﻧﯩﯔ ﻣﻪرﯨﭙﻪﺗﻠﯩﻚ دﯨﻠﻠﯩﺮﯨﻐﺎ، ﺗﻪﺷﻪﻛﻜﯘرﻟﻪر ﺗﻪﭘﭽﯩﺮەﻳﺪۇ ﻳﯜرەﻛﻠﻪردﯨﻦ، ﺳﯚﻳﯜﻧﯜﺷﻠﻪر ﻟﻪۋ ﻳﺎﻗﯩﺪۇ ﻗﻮﻟﻠﯩﺮﯨﻐﺎ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-16 10:15

مۇنىرە ئالىم · ۋاقتى: 2012-5-16 11:42:44


	قەلبىنۇر ھەدە، بۇ نەسىرلەرنىڭ ھەربىرىنى خۇددى توپلىمىڭىزنى ئوقۇۋاتقاندەك ئوقۇۋالغىنىمدىن سىزگە رەھمەت. سىزنىڭ ھەربىر تىۋىشلىرىڭىزنى ئاڭلىيالىغانلىقىم ئۈچۈن پەخىرلىنىۋاتىمەن. تېخىمۇ كۆپرەك ئەسەرلەرنى سىزدىن كۈتىمەن. بۇ يازمىنى ئاخىرىدا مۇنىرە ئالىم تەھرىرلىگەن. ۋاقتى 2012-5-16 11:43

قەلبىنۇر ئېلياس · ۋاقتى: 2012-5-16 20:17:27


	ئايال ئايالنىڭ قاياشى دىگەندەك بىر ياخشى تىلەكمۇ دىللارغا ئىلھام شەربىتىنى سېپىدىكەن . كۆپ تەشەككۈر مېھرىگىيا، مۇنىرە سىڭىلىرىم ! بىرلىكتە تىرىشايلى!...

قەلبىنۇر ئېلياس · ۋاقتى: 2012-5-17 19:51:55


	ﺟﻪزﺑﯩﺪار ﻛﯜﻳﻠﻪر 1 زۇﻟﻤﻪت ﺋﯩﻠﻜﯩﺪﯨﻦ ﻗﻪﻟﺐ ﻳﯜﻛﯩﻨﻰ ﺋﯩﺮﻏﯩﺘﯩﭗ ﭼﯜﺷﯜرﮔﻪن ﺳﯧﮭﺮﯨﻲ ﻗﯘدرەت، ﺗﻪﻣﺒﯜرﻧﯩﯔ ﻟﻪرزان ﺳﺎداﺳﻰ. ۋەزﯨﻨﻠﻪر ﻧﺎزاﻛﯩﺘﯩﺪﯨﻦ ﺋﻮﺗﻠﯘق ﻣﯘﮬﻪﺑﺒﻪﺗﻨﯩﯔ ﻳﯜﻛﺴﻪﻛﻠﯩﻜﯩﻨﻰ ﭘﻪرۋﯨﺸﻠﯩﮕﯩﻨﯩﻤﯘ ﻗﻪدﯨﻤﯩﻲ ﻛﯜﻳﻠﻪرﻧﯩﯔ ﻳﺎرﻗﯩﻦ ﻣﻪﻧﺎﺳﻰ. ﻣﻪن ﮬﺎﻳﺎت ﺳﯩﻤﭙﯘﻧﯩﻴﯩﺴﯩﺪﯨﻦ ﺗﯘﻏﯘﻟﻐﺎن ﺋﯜﻣﯩﺪﻟﯩﻚ ﻣﯘﻗﺎم ﺑﺎﻟﯩﭽﯩﻘﻰ، ﺋﯩﺘﯩﻘﺎدﯨﻤﺪا ﭘﻪرۋﯨﺸﻠﻪﻧﮕﯩﻨﻰ ﺋﯜزۈﻟﻤﻪﻳﺪﯨﻐﺎن ﻛﯜﻳﻠﻪر ﭼﯩﻨﻠﯩﻘﻰ. 2 ﻗﻪﻟﺐ ﮬﯧﻜﻤﻪﺗﻠﯩﺮﯨﮕﻪ ﺗﻮﻳﯘﻧﻐﺎن ﺟﻪزﺑﯩﺪار ﻛﯜﻳﻠﻪر، ﺋﯘﻳﻐﯘر روﮬﯩﻴﯩﺘﯩﻨﻰ ﻏﺎﻟﯩﺒﺎﻧﻪ ﻳﯜﻛﺴﻪﻛﻠﯩﻜﻜﻪ ﻛﯚﺗﯜرﮔﻪن ﺟﯘﺷﻘﯘن ﺗﯘﻳﻐﯘلارﻧﯩﯔ ﺋﻪرﻛﻪ ﺗﯩﻨﯩﻘﻰ... ﮬﺎﻳﺎت ﻣﻪﻧﺘﯩﻘﻠﯩﺮﯨﮕﻪ ﻛﯚﻣﯜﻟﮕﻪن ﺑﯩﻐﯘﺑﺎر ﻛﯜﻳﻠﻪر، ﺋﯘﻳﻐﯘر ﻣﻪۋﺟﯘﺗﻠﯘﻗﯩﻨﻰ ﺋﯘﻟﯘﻏﻠﯘق ﭘﻪﻟﯩﺴﯩﮕﻪ ﻳﻪﺗﻜﯜزﮔﻪن ﺗﯩﺮﯨﻚ ﮬﯧﺴﺴﯩﻴﺎﺗﻨﯩﯔ ﺋﯚﭼﻤﻪس ﭼﯩﺮﯨﻘﻰ... 3 ﺋﯘﻟﯘغ ﺋﺎﻧﯩﻨﯩﯔ ﻳﯧﻘﯩﻤﻠﯩﻖ ﺋﻪﻟﻠﯩﻴﻰ، ﻗﯘﻳﺎش ﺋﯘﭘﯘق ﭘﻪردﯨﺴﯩﻨﻰ ﻗﺎﻳﺮﯨﭗ ﻗﺎﻳﯩﻠﻠﯩﻖ ﻗﯘلاﻗﻠﯩﺮﯨﺪا ﺗﯩﯖﺸﺎر ﺋﯘﻧﻰ ﮬﻪر ﺳﻪﮬﯩﺮى. ﭼﯜﻧﻜﻰ ﺋﺎﻧﺎ ﺑﯩﻠﻪن ﻗﯘﻳﺎﺷﻨﯩﯔ ﻣﯧﮭﯩﺮ ﻟﯩﺮﯨﻜﯩﺴﻰ - ﻣﻪۋﺟﯘداﺗﻨﯩﯔ ﺳﯧﮭﯩﺮﻟﯩﻚ ﻛﯜﻳﻰ... ﺋﺎﺗﺎ ﭼﺎﻟﻐﺎن دۇﺗﺎر ﺋﺎۋازى - گوياﻣﯘﮬﻪﺑﺒﻪت ﻳﯩﻠﯩﻨﺠﯩﻐﺎن ﺋﺎي. ﺋﺎﺳﻤﺎن ﮬﯘﺟﯩﺮﯨﺴﯩﺪا ﻣﯘﯕﻠﯩﻨﯩﭗ ﺗﯘرغان ﺳﯧﻐﯩﻨﯩﺶ ﺳﯜﻛﯜﻧﺎﺗﯩﺪﯨﻜﻰ ﺋﺎﻧﯩﻨﯩﯔ ﺋﯚزى. ﭼﯜﻧﻜﻰ ﺋﺎﺗﺎ ﺑﯩﻠﻪن ﺋﺎﻳﻨﯩﯔ ﻣﯧﮭﯩﺮ ﻟﯩﺮﯨﻜﯩﺴﻰ - ﮬﺎﻳﺎﺗﻠﯩﻘﻨﯩﯔ ﺟﻪزﺑﯩﺪار ﺋﯜﻧﻰ ... 4 ﺋﯘﻳﻐﯘرﭼﻪ ﻣﻪﻧﺘﯩﻖ ﺗﺎرازﯨﺴﯩﺪا ﺋﯚﻟﭽﻪﻧﮕﻪن ﻣﯩﻠﻠﯩﻴﭽﻪ ﺋﯘﺳﻠﯘپ، ﻟﯩﯟەن ﻳﯩﮕﯩﺘﻨﯩﯔ ﻗﺎﻟﯘﻧﯩﺪﯨﻦ ﺗﺎراﻟﻐﺎن ﭼﻪﺷﻤﻪ ﻧﺎۋالار، ﺑﻪددﯨﺌﯩﻲ ﻳﺎرﻗﯩﻨﻠﯩﻖ ﺋﯩﺴﺘﯩﺘﯩﻜﯩﺴﯩﻐﺎ ﺋﺎدەﺗﻠﻪﻧﮕﻪن ﮔﯜزەل ﺋﯧﺘﯩﻜﺎ. ﺋﯚزﻟﯜك ﺑﯘلاﻗﻠﯩﺮﯨﺪﯨﻦ ﺑﯘﻟﺪۇﻗﻠﯩﻐﺎن ﺳﺎپ ۋە ﻧﻪﭘﯩﺲ ﻛﯜﻳﻠﻪر، ﭘﯩﺮﭼﻪﯕﮕﻰ ﻳﯜﻛﺴﻪﻛﻠﯩﻜﯩﻨﻰ دورﯨﻐﺎن ﺋﯘدۇم، ﻓﺎراﺑﻰ ﺳﻪﻧﺌﻪت ﺋﯧﯖﯩﻐﺎ ﭼﻮﻗﯘﻧﻐﺎن داﻧﯩﺸﻤﻪن ﺳﻪزﮔﯜ، ﺟﻪزﺑﯩﺪار ﻛﯜﻳﻠﻪرﻧﯩﯔ روﮬﯩﻲ ﻣﻪدﯨﺘﯩﮕﻪ ﺋﯩﺸﯩﻨﯩﭗ ﻛﻪﻟﮕﻪن ﺋﻪۋلاد ﻣﺎﻳﯩﻠﻠﯩﻘﻰ... ﮬﻪﻣﻤﯩﺴﻰ، ﮬﻪﻣﻤﯩﺴﻰ ﺟﻪزﺑﯩﺪار ﻛﯜﻳﻠﻪرﻧﻰ ﻳﯜﻛﺴﻪﻛﻠﯩﻚ دەﺳﺘﯘرﯨﻐﺎ ﻛﯚﺗﻪرﮔﯜﭼﻰ. 5 ﻗﻪﻟﺐ ﻟﯩﺮﯨﻜﺎم ﭼﯧﻠﯩﻨﺪى، ﻣﯘﮬﻪﺑﺒﻪﺗﻠﯩﻚ ﺑﺎرﻣﺎﻗلاردا ﺋﯘرۇﻟﺪى ﺗﺎرﻟﯩﺮﯨﻢ. ﺑﯩﺮ ﻳﯜﻛﺴﻪك ﻣﻪﻧﺎلارﻧﻰ ﺋﯩﺰدەپ ﺷﺎﺋﯩﺮە، ﻣﯘﻗﺎم ﺗﯩﻜﺴﺘﯩﻢ ﺋﯜﭼﯜن ﻳﯜرﯨﻜﻰ ﺳﻪدﭘﺎرە ﮔﻮﻳﺎ ﺋﯜﻧﭽﻪ - ﻣﺎرﺟﺎن ﺗﻪرﮔﻪﻧﺪەك، ﺋﻪﻗﯩﻞ ﺋﯜﻧﭽﯩﻠﯩﺮﯨﺪﯨﻦ ﺋﺎﺧﺘﯘرار رەﯕﺪار ۋەزﯨﻨﻠﻪر... ﺋﯩﮫ! ﺟﻪﻟﯩﭙﻜﺎر ﻛﯜﻳﻠﻪر، ﻣﻪن ﭼﻮﻗﯘﻧﻐﺎن ﺋﯘﻟﯘغ ﺋﻪﻗﯩﺪە... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-17 19:59

قەلبىنۇر ئېلياس · ۋاقتى: 2012-5-21 11:26:35


	پەرۇزان ئەپەندىنىڭ ماڭا ئىلھام - مەدەت بەرگىنىدىن سۆيۈندۈم.

قەلبىنۇر ئېلياس · ۋاقتى: 2012-5-21 11:27:02


	نەي چېلۋاتقان قىز ھاياتلىقنىڭ گىرىمسەن سۈكىناتىدا ،چاچلىرىنى مەيىن شاماللار يەلپۈتكەن قىز ، تىمتاس كۈل بويىدا ، تولۇن ئاينىڭ سېخى نۇرى ئاستىدا ، مۇزىكىلىق مەنىلەرنىڭ ئالىمىگە خىيال كەپتىرىنى ئۇچارماقتا، سېھىرلىك نەينىڭ تۆشۈكچىلىرىدىن بۇلاقنىڭ كۆزىدىن ئېتلىپ چىققاندەك ئىزگۈلەر تۈكۈلمەكتە.پايانى كەڭ تەبئىەتكە گىرەلىشىپ كەتكەن بىغۇبار ۋەزىنلەر، تۇيغۇلارنى قىزىقتۇرماقتا... ئەنە ! بىر شېرى تەبەسۈمدە جۇلالىغان قىزنىڭ چېھرىنى ،تولۇن ئاينىڭ شەيدالىقى تاماشا قىلماقتا .لەرزان نەينىڭ ساداسىدىن سۇدەك ئېرىگەن تاغنىڭ باغرى ، شېرىن مۇڭلارنىڭ رەڭدار رېتىملىرىغا يۇتۇلماقتا .ئەسىرلىك چايقىلىپ تۇرغان ئىنسان ھىسىياتىدەك دەريانىڭ لېرىك دولقۇنلىرى ، قىز قەلبىنىڭ پايانسىز بوشلۇقلىرىغا تىمتاس قۇيۇلماقتا . غۇۋالىق ، گويا پەرىشتە سۈپەت قىزنىڭ پىنھان قەلبىدىكى سېرلىق سۈيگۈ تۇمانىدەك ئەتراپقا يېيىلماقتا ... ئېخ نەي چېلۋاتقان قىز! تەبئىەتنىڭ سۆرۈنلىكىنى، لېرىكىلىك گۈزەللىك قاتلاملىرىدا گارمۇنئىيىلىك ماھيەتكە ئىگە قىلغىنى، سېنىڭ مەۋجۇديەتكە ياراشقان جىسمىڭلا ئەمەس، بەلكى نەي سادارىڭغا تېمىپ ، كېچىنىڭ يالقۇنلىق باغرىغا سېڭىپ كەتكەن روھى قاتلاملىرىڭدىكى سۈكۈتلىرىڭدۇر بەلكى... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-21 11:28

قەلبىنۇر ئېلياس · ۋاقتى: 2012-5-22 11:21:17


	سىلەرنى ئۇنتىمىدۇق ئۇستازلار ( ساۋاغداشلار يىغىلىشىنىڭ 20 يىللىغى مۇناسىۋىتى بىلەن ئىلى پىداگۇگىكا ئىنىستۇتى تىل ئەدەبىيات فاكۇلتىتىدىكى بارلىق ئۇستازلارغا بىغىشلاپ ئوقۇلغان ئەسەر ) * بىز ياشلىقنىڭ بەڭۋاش چاغلىرىدا سىلەرنىڭ تەلىم دەرگاھىڭلارغا كەلگەن .ساددىلىق ئوخچىغان ھىيتىرقاشلاردا، قەلبىمىزگە دەرمان تىلىگەن ھالدا ، مەكتەپ بوسۇغۇسىدا تۇرۇپ ئۈممۈتلىك قوللىرىمىزنى سىلەرگە ئۇزاتقان .ئەنە شۇندىن باشلاپ بىر ئىللىق مىھرىڭلار بىزنى ھاياتلىقنىڭ نۇرانە قوينىغا باشلىغان . تەكشى مۇامىلەڭلارنىڭ خاسيىتىدىن باراۋەر ھىسياتتا بىر– بىرمىزگە كۈلۈمسىرەشنى ئۈگەنگەن . كۈيۈمچانلىق يېلىنجىغان ئادىتىڭلارنى، ئۆزىمىز ئۈچۈن بايراق قىلىپ تىكلىگەن .ساخاۋەت تۆكۈلگەن پەزىلىتىڭلارنى ئۈگۈنىشكە ،تەبىتىمىزنى كۆندۈرگەن ئىدۇق . دەرھەقىقەت : بەش يىللىق ھايات مۇساپىمىزدە بىز ھەقىقەتەن قەلبىمىزنى قەلبىڭلارغا جىپسىلاشتۇرۇپ ، يۈكسەك ئىديەرىڭلارنىڭ ۋارسچىلىرىغا ئايلاندۇق. ئۇ چاغلاردا ئىلىم تەپچىرىگەن مۇھەببىتىڭلا يۇمران چىمەنزاردەك ياشلىق باغرىمىزغا سىرغىغان ؛مەسۇليەت يېلىنجىغان تەنبىھىڭلا، بىزنى يامان يوللاردىن توسىغان ؛ شۇ ۋەجىدىن قەلبىمىزدە ئالەمچە تەشەككۈر ھېسلىرى سىلەر ئۈچۈن ئوخچىغان ئىدى . ئەمما ياشلىق شاشلىق دىگەندەك تەنتەكلىكنىڭ ئېرەنسىزلىكىدە، ھەتتا جۇدالاشقان پەيتلەردىمۇ بۇ يۈرەك سۆزلەرنى سىلەرگە دىيەلمىدۇق. بۇ ئارمان قەلبىمىزگە چۆكمە بولۇپ تىنىپ قالغان ئىدى .كىيىنچە كۆپۈڭلارنى ئۇچرىتالمىدۇق. ئۇچراتقانلىرىڭلارنى بولسا ھۆرمەت كۆرپىسىگە ئولتارغۇزۇپ ،كۆڭۈل دەستىخىنىمىزغا ساخاۋىتىمىزنى تىزىپ ، قەلبىمىزنى ئازراق بولسىمۇ ئىزھار قىلالىدۇق. بىراق ،ھەممىمىز ئەمەس.شۇڭا ئەجرىڭلار ئالدىدا ئۆزىمىزنى قەرىزداردەك ھىس قىلىپ كەلدۇق . بىلىمىز ، سىلەرنىڭ ئادىمىيلىك تەبئېتىڭلار تەماسىز، ئەجرىڭلار مىنەتتسىز، يۈرىكىڭلار زۇمرەت سۇلاردەك سۈزۈك.سىلەرنىڭ بىزگە بولغان مۇھەببىتىڭلار داۋراڭسىز ھەم سەمىمى ، سىلەرنىڭ يۆلەشلىرىڭلار ھىلە مىكىر ۋە غەرەز بىلەن تولمىغان، شۇڭا بىز ئۆزىمىزنى ھاياتلىق چۆلىدىكى يۇلغۇندەك ھىس قىلساق ، سىلەرنىڭ سەمىمى تىلەكلىرىڭلار بىز ئۈچۈن يىلتىز بولغان ،بۇنىسى دەر ھەقىقەت. بىز ئۆزىمىزگە بەخىت شوتىسىنى ياساپ بەرگەن روھى ياش،تەپەككۈرى قېرىمىغان ئەقىل ئىدرىكى جانلىقلىقىنى يۇقاتمىغان، پەزىلەت بابىدا بىز ئۈچۈن پارلاق قوياشنىڭ ئوبرازىدەك تۇيغۇ ئاتا قىلىپ كەلگەن، سىلەرنىڭ مەۋجۇتلىقىڭلاردىن ھەقىقەتەن سۆيىنىمىز . ساۋاغداشلار جەم بولۇشقان دەقىقىلەردە ئەڭ يۈكسەك ئىبارىلەر بىلەن تەرىپىڭلارنى قىلىشىمىز ،ئەڭ گۈزەل مەدھىيەلەر بىلەن تىكىلگەن ھۆرمەت تونلىرىنى خىيالەن ھالدا سىلەرگە كەيگىزىمىز . ئالەمدە يۈكسەك مۇھەببەت بار دىيىلسە –ئۇستازلارنىڭ ئۆز ئوقۇغۇچىلىرىغا بولغان سەمىميىتىدىن ،ئوقۇغۇچىلارنىڭ ئۇستازلىرىغا بولغان ھۆرمەت ئېھتىرامىدىن ئارتۇق تەبى ۋە چىن دىل بىلەن غەرەزسىز باغلىنىدىغان مۇھەببەت يوق ئەلۋەتتە. شۇڭا بىز 20 يىل مۇباينىدە ،ئۆمرىڭلارغا 20 يىللىق باھارنى ،تۇرمۇشۇڭلار ئۈچۈن گويا يازنىڭ قىززىق ئاپتىۋىدەك 20 يىللىق قىزغىنلىقنى،ئىجاديەت ۋە خىزمەت مۇساپەڭلەر ئۈچۈن بەركەتلىك كۈزنىڭ مىۋىلىرىدەك 20 يىللىق مۇۋاپىقيەتنى ،قەلبىڭلار ئۈچۈن قىشنىڭ ئاپپاق قارلىرىدەك 20 يىللىق تىلەكلەرنى ئۈنسىز تىلەپ كەلدۇق چۈنكى سىلەر بىزگە ھاياتنىڭ ئۇلۇغلۇغىنى ، ئادىمىيلىكنىڭ يۈكسەكلىگىنى ،مۇھەببەت ۋە ھۆرمەت سەپىرىنىڭ چەكسىزلىكىنى ئۈگەتىڭلار... سىلەرنى ئۇنتىمىدۇق ئۇستازلار! سىلەرنى ئۇنتۇش پەزىلىتىمىزنىڭ يىمىرىلگىنى ، سىلەرنى ئۇنتۇش روھيىتىمىزنىڭ كۇكۇم تالقان بولغىنى ،سىلەرنى ئۇنتۇش ئەخلىمىزنىڭ قۇرۇتلاپ كەتكىنى، سىلەرنى ئۇنتۇش چۈشكۈنلىك قەۋرىسىگە يىقىلغىنىمىز، سىلەرنى ئۇنتۇش مەۋجۇتلىقىمىزنى يۇقاتقانغا باراۋەر...شۇڭا ھەر دەقىقە ئىللىق سىمايىڭلارنى كۆڭۈل ئىكرانىمىزدىن ئۆچۈرۋەتمىدۇق ، ئۆزگىچە خاراكتىر ۋە مىجەزلىرىڭلارنى قەلبىمىزگە نەقىش قىلىپ ئويۋالدۇق . ئىسمىڭلارنى ئاداشمىغان ھالدا ساداقەتمەن تىللىرىمىزدا تەكرار –تەكرار ئاتاپ تۇردۇق. مانا بۇ، يۈرىكىمىزنىڭ قات– قىتىدىن فۇنتاندەك ئېتىلىپ چىققان راس سۆزلە . مانا بۈگۈن 20 يىللىق قەلبىمىزدە ساخلاپ كەلگەن يۈرەك سۆزىمىزنى ئالدىڭلاردا دىيىش پۈرسىتى بولدى . ناۋادا كىبىردىن گېدىيىپ، ئالدىڭلاردىن توغرا دەسسەپ ئۆتۈپ، ئۈمۈتلىرىڭلارنى مەيۈسلەندۈرگەن چاغلىرىمىز بولسا مانا بۈگۈن پەزىلىتىمىز ئالدىڭلاردا تىزلانسۇن... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-22 11:22

قەلبىنۇر ئېلياس · ۋاقتى: 2012-5-22 16:33:57


	ﭼﯚﻣﯜﺷﻜﻪ ﭼﯩﻘﺴﯘن ﺋﺎدەﻣﮕﻪرﭼﯩﻠﯩﻚ ﻗﯩﺰﯨﻢ! ﺳﯧﻨﯩﯔ ﺗﯩﻠلا ﺗﯚﻛﯜﻟﯩﺪﯨﻐﺎن ﺑﻪﺧﺖ دەرﯨﺨﻰ ﺋﺎﺳﺘﯩﺪا ﺋﺎراﻣﺨﯘدا ﻳﺎﺷﺎۋاﺗﻘﯩﻨﯩﯖﺪﯨﻦ ﺷﻪﻛﻠﻪﻧﻤﻪﻳﻤﻪن. ﭼﯩﻨﺎردەك ﻗﺎﻣﻪت ﺑﯩﻠﻪن ﻣﯘلاﻳﯩﻢ ﺗﻪﺑﯩﺌﻪت ﻣﯘﺟﻪﺳﺴﻪﻣﻠﻪﺷﻜﻪن ﻳﻮﻟﺪﯨﺸﯩﯖﺪﯨﻦ ﺋﯧﺮﯨﺸﻜﻪن ﮬﯚرﻣﻪت ﺷﻪۋﻛﯩﺘﯩﻢ ﻣﯧﻨﻰ ﻗﺎﻧﺎﺋﻪت ﺑﯩﻠﻪن ﺋﻪﻗﻠﯩﯖﻨﯩﯔ ﺋﯚﺗﻜﯜرﻟﯩﻜﯩﺪﯨﻦ ﺳﯚﻳﯜﻧﺪۈرﯨﺪۇ، ﺗﯘرﻣﯘﺷﯘﯕﻨﯩﯔ ﻛﯜﻟﮕﻪﻧﻠﯩﻜﯩﺪﯨﻦ ﻛﯚﯕﻠﯜﻣﻨﻰ ﺧﺎﺗﯩﺮﺟﻪﻣﻠﻪﻧﺪۇرﯨﺪۇ. ﭘﻪرﯨﺸﺘﻪ ﺳﯜﭘﻪت ﻗﯩﻴﻨﺌﺎﻧﺎ - ﻗﯩﻴﻨﺌﺎﺗﺎﯕﻨﯩﯔ ﺋﺎدەﻣﮕﻪرﭼﯩﻠﯩﻜﻰ، ﻧﻪﺳﻠﻰ ﺋﯧﺴﯩﻞ زاﺗلارﻏﺎ ﺧﺎس ﻣﯧﮭﻤﺎﻧﺪوس، ﺳﯧﺨﯩﻴﻠﯩﻜﯩﮕﻪ ﮬﻪﻗﯩﻘﻪﺗﻪن ﻗﯩﻞ ﺳﯩﻐﻤﺎﻳﺪۇ. ﺷﯘﯕﺎ ﻣﻪن ﺋﺎﻧﯩﻠﯩﻖ ﺑﻪﺧﺘﻨﯩﯔ ﮔﯜل ﺗﻪﺧﯩﺘﯩﺪە ﺋﻮﻟﺘﯘرﻏﺎﻧﺪەك ﺋﯚزۈﻣﻨﻰ ﻗﯘرداﺷﻠﯩﺮﯨﻤﻨﯩﯔ ﻳﯜﻛﺴﯩﻜﻰ دەپ ﭘﻪﺧﯩﺮﻟﯩﻨﯩﻤﻪن. ﺑﯩﺮاق، ﺋﻪﭘﺴﯘس ﻗﯩﺰﯨﻢ! ﺗﯚﻧﯜﮔﯜﻧﻜﻰ ﺋﺎدەﻣﮕﻪرﭼﯩﻠﯩﻚ ﺋﯜﭼﯜن ﻳﺎﻳﻐﺎن دەﺳﺘﯘرﺧﯩﻨﯩﯖﻨﯩﯔ ﺋﺎﻟﺪﯨﺪا ﻣﯧﻨﻰ ﺗﻮﻟﯩﻤﯘ ﺗﻪڭ ﻗﯩﺴﻠﯩﻘﺘﺎ ﻗﻮﻳﺪۇڭ. ﺋﺎلا ﻛﯚﯕﯜﻟﻠﯜك ﺑﯩﻠﻪن ﻗﻮﻳﯘﻟﻐﺎن ﺋﺎﺷﻨﯩﯔ ﻗﯩﻴﻤﯩﻠﯩﺮى ﺋﯜﺳﺘﯩﮕﻪ ﺑﯧﺴﯩﻠﻐﺎن ﮔﯚﺷﻨﯩﯔ ﭘﻪرﻗﻠﯩﻘﻠﯩﻜﻰ، ﻣﯘﺋﺎﻣﯩﻠﻪﯕﺪﯨﻜﻰ ﺗﻪﻛﺸﯩﺴﯩﺰﻟﯩﻚ، ﭼﯩﺮاﻳﯩﯖﺪا ﺋﯩﭙﺎدﯨﻠﯩﻨﯩﭗ ﺗﯘرﻏﺎن ﻣﻪﻧﺴﯩﺘﻤﯩﮕﻪﻧﺪەك ﺗﯘﻣﺸﯩﻘﯩﯖﻨﻰ ﺋﯘﺷلاپ ﻗﻮﻳﯘﺷﻠﯩﺮﯨﯔ، ﺑﯩﺮﺗﺎل ﺋﺎﻟﻤﯩﻨﻰ ﺋﺎﺧلاپ ﻳﺎﻟﻐﯘز ﻣﯧﻨﯩﯖلا ﺋﺎﻟﺪﯨﻤﻐﺎ ﻗﻮﻳﯘپ ﻗﻮﻳﯘﺷﻠﯩﺮﯨﯔ ﻣﯧﻨﻰ ﺗﻮﻟﯩﻤﯘ ﺑﯩﺌﺎرام ﻗﯩﻠﯩﯟەﺗﺘﻰ. ﮔﻮﻳﺎ زەﮬﻪر ﺋﯩﭽﻜﻪﻧﺪەك ﻳﯜرﯨﻜﯩﻢ ﺋﯧﭽﯩﺸﯩﭗ ﻛﻪﺗﺘﻰ، ﺗﯜﻣﻪﻧﻤﯩﯔ ﮬﺎﻗﺎرەت ﺷﺎﭘﻠﯩﻘﻰ ﻏﯘرۇرۇﻣﻨﻰ ﺷﺎﭘلاﻗﻠﯩﻐﺎﻧﺪەك ﺗﯩﻠﯩﻢ ﺗﯘﺗﯘﻟﯘپ ﻗﺎﻟﺪى. ﻣﻪن ﺳﯧﻨﯩﯔ ﮬﯚرﻣﻪت ﻛﯚرﭘﻪﯕﺪە ﺋﻮﻟﺘﯘرۇپ ﺋﯩﺰزﯨﺘﯩﻤﻨﻰ ﺗﺎﭘﻘﺎﻧﺪەك ﺋﻪﻣﻪس، ﺑﻪﻟﻜﻰ ﻗﯘدﯨﻠﯩﺮﯨﻢ ﺋﺎﻟﺪﯨﺪا ﺋﯚزۈﻣﻨﻰ ﺟﯩﻨﺎﻳﻪﺗﻜﺎردەك ﮬﯧﺲ ﻗﯩﻠﺪﯨﻢ . ‹‹ﺑﯩﺮ ﺋﺎﭼﭽﯩﻖ ﻗﺎﻣﭽﺎ ﺋﻪﻗﯩﻠﮕﻪ ﺋﯩﺸﺎرەت›› دﯦﮕﻪﻧﺪەك ﻗﯩﺮﺗﺎق ﻧﻪﺳﯩﮭﻪﺗﻠﯩﺮﯨﻢ ﺑﯩﻠﻪن روﮬﯩﯖﻨﻰ ﺋﯘﭼﯘﻏﺪاپ ﻗﻮﻳﻐﯘم ﻛﯧﻠﯩﯟاﺗﯩﺪۇ ﻗﯩﺰﯨﻢ. ﻗﻪﻟﺐ ﻗﺎزﯨﻨﯩﯖﺪا ﭘﯩﺸﻘﺎن ﺋﯧﺸﯩﯖﻨﻰ ﺋﺎدﯨﻠﻠﯩﻖ ﻗﺎﭼﯩﺴﯩﻐﺎ ﺗﻪﯕﺸﻪپ ﻗﯘﻳﺎﻟﻤﯩﺴﺎڭ، ﺋﯩﻠﻠﯩﻖ ﻣﯘﺋﺎﻣﯩﻠﻪڭ ﮬﻪم ﺳﯩﻠﯩﻖ ﮬﻪرﯨﻜﻪﺗﻠﯩﺮﯨﯔ ﺑﯩﻠﻪن ﺋﯘﻧﻰ ﭼﻮﯕلار ﺋﺎﻟﺪﯨﻐﺎ ﻗﻮﻳﺎﻟﻤﯩﺴﺎڭ، ﺋﺎلا ﻛﯚﯕﯜﻟﻠﯜك ﺑﯩﻠﻪن ﻗﯩﻠﯩﻨﻐﺎن ﻣﯧﮭﻤﺎن دوﺳﺘﻠﯘﻗﯘڭ ﻧﺎزۇك دﯨﻠلارﻏﺎ ﺳﺎﻧﭽﯩﻠﯩﺪﯨﻐﺎن ﺗﯩﻜﻪن ﺑﻮﻟﯘپ ﻗﺎﻟﯩﺪۇ. ﻗﯩﺰﻏﺎﻧﭽﯘﻗﻠﯘق ﺑﯩﻠﻪن ﮬﻪﻣﻤﻪ ﻧﻪرﺳﯩﻨﻰ ﺋﯚزۈﯕﮕﯩلا ﺗﻪۋە ﻗﯩلاﻟﻤﺎﻳﺴﻪن. ﺷﻪﺧﺴﯩﻴﻪﺗﭽﯩﻠﯩﻚ ﭘﺎﺗﻘﯩﻘﯩﻐﺎ ﭘﺎﺗﻘﺎﻧﺴﯧﺮى ﺑﻪﺧﺖ ﺳﻪﻧﺪﯨﻦ ﺷﯘﻧﭽﻪ ﻳﯜز ﺋﯚرﯨﻴﺪۇ. ﻣﺎﻧﺎ ﺑﯘ ﺗﯘرﻣﯘش ﭼﯩﻨﻠﯩﻘﻰ ﺧﯘلاﺳﯩﻠﯩﻐﺎن ﻣﻪﻧﺘﯩﻘﻪ ﻗﯩﺰﯨﻢ. ﻳﯘﻣﺸﺎق ﻛﯚرﭘﻪﯕﻨﻰ ﻣﺎﯕﯩلا ﺋﻪﻣﻪس، ﺳﯧﻨﻰ ﺳﯚﻳﮕﯜ دەرﻳﺎﺳﯩﺪا ﺋﯜزدۈرۈپ، ﺑﻪﺧﺖ ﺑﯧﻐﯩﺪا ﺳﻪﻳﻠﻪ ﻗﯩﻠﺪۇرﻏﺎن ﺋﺎدﯨﻤﯩﯖﻨﯩﯔ ئانىسىﺋﺎﺳﺘﯩﻐﯩﻤﯘ ﺳﺎل! ﻗﯩﻤﻤﻪت ﺑﺎﮬﺎﻟﯩﻘﯩﻨﻰ ﺋﯜﺳﺘﯜﻣﮕﻪ ﺋﺎرﺗﯩﭗ ﻗﻮﻳﯘپ، ﺳﺎﺧﺘﯩﺴﻰ ﺑﯩﻠﻪن ﺳﻪﻣﯩﻤﯩﻲ ﻗﻪﻟﺒﻠﻪرﻧﻰ ﺋﺎﻟﺪﯨﺴﺎڭ ﺋﺎﻧﯩﻠﯩﻖ ﻣﻪﺟﺒﯘرﯨﻴﯩﺘﯩﻢ ﮬﺎﻗﺎرەﺗﻠﯩﻨﯩﺪۇ. ﺑﯩﺰ ﻗﯧﺮﯨﻠﯩﻖ ﭼﯚﻟﻠﯩﺮﯨﺪە ﻗﺎﻏﺠﯩﺮاۋاﺗﻘﺎن ﺋﺎﺟﯩﺰ ﺗﻪﻧﻠﻪر، روﮬﯩﻴﯩﺘﯩﻤﯩﺰ ﺷﯘ ﻗﻪدەر ﻧﺎزۇك ﮬﻪم ﻗﯘرﻏﺎق، ﺋﻪﮔﻪر ﺋﻪﻗﯩﺪە ﺑﯘﻟﯘﺗﻠﯩﺮﯨﯖﺪﯨﻦ ﺷﻪرۋەت ﺋﻪﻣﻪس، ﺷﯩﯟﯨﺮﻏﺎن ﻳﺎﻏﺪۇرﺳﺎڭ ﺑﺎلا ﺑﺎﻗﻘﺎن ﺋﻪﺟﯩﺮﻟﯩﺮﯨﻤﯩﺰ ﻳﯩﻐلاﻣﺴﯩﺮاﻳﺪۇ. ﺷﯘﯕﺎ ﺋﯧﻘﯩﭗ ﺗﯘرﻏﺎن دەرﻳﺎ ﺑﻮﻟﻤﺎﻗﭽﻰ ﺑﻮﻟﺴﺎڭ، ﮬﻪر ﺋﯩﻜﻜﯩلا ﻗﯩﺮﻏﺎﻗﻨﻰ ﻣﯧﮭﺮﯨﯔ ﺑﯩﻠﻪن ﺋﻮﺧﺸﺎﺷلا ﺳﯚﻳﯜپ ﺋﺎق. ﺳﺎﺧﺎۋەت ﻗﯘﻳﺎﺷﻰ ﺑﻮﻟﻤﺎﻗﭽﻰ ﺑﻮﻟﺴﺎڭ، ﺋﺎددﯨﻴﻠﯩﻖ ﻧﯘرﻟﯩﺮﯨﯖﻨﻰ ﺗﻪﻛﺸﻰ ﺗﺎرات. ﻣﯘﺑﺎدا ﮬﯚرﻣﯩﺘﯩﻤﯩﺰ ﺋﯜﭼﯜن ﺳﺎﮬﯩﺒﺨﺎن ﺑﻮﻟﻤﺎﻗﭽﻰ ﺑﻮﻟﺴﺎڭ ﭼﯚﻣﯩﭽﯩﯖﮕﻪ ﺗﻪﻛﺸﻰ ﭼﯩﻘﺴﯘن ﺋﺎدەﻣﮕﻪرﭼﯩﻠﯩﻚ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-22 16:40

قەلبىنۇر ئېلياس · ۋاقتى: 2012-5-23 13:27:11


	مارت ئايلىرىدىكى سېغىنىش مارت ئايلىرى ، مەيىن تۇيغۇلارنى يەلپۈندۈرىدىغان ئىززگۈلۈك ئاي . ئۇنىڭغا سانسىز قىزلارنىڭ رومانتىكىلىق تەلپۈنۈشلىرى يىلتىز تارتقان ، ئاياللارنىڭ ئۆزىنى قەدىرلەش تۇيغۇسىدىكى ئارمانلىرى چاخنىغان شۇڭا مارتنىڭ تىنىقلىرى ،قەلبىلەر ھارارىتىدىن ئىللىغان . ئەنە ۋەزمىن قەدەملىرى بىلەن ھاتلىق كۆركەملىگى ئۈچۈن يارالغان پەرىشتە خۇي ئايال ، باھار نەقىشلەنگەن ئېتەكلىرىنى لەرزان پۇلاڭلىتىپ بازار رەستىلىرىدە ئايلانماقتا. ئەتىكى بايرىمى ئۈچۈن يارشىملىق ئېڭىل ئېلىش ئۇنىڭ ئۈچۈن ھاياتلىق تەنتەنىسىدەك خوشاللىق ئىش . ئەلۋەتتە بۇ رىياللىغىمىزدا بىزگە چېلىقىدىغان نورمال ھادىسە ، ئەمما ئايال جۈپ– جۈپى بىلەن بازارنى ئاۋاتلاشتۇرغان ئەر– ئاياللارنى كۆرۈپ مەيۈسلەندى ،رەھمەتلىك يولدىشىنىڭ سېخى ئادىميىتى ئۇنى بۈگۈنكىدەك بويۇن قىستۇرمىغان ئىدى . — ئۆز–ئۆزىگە سوغات ئېلىشنىڭ ئەھمىيىتى بارمۇ؟ دىدى ئۇ ئاستا ئۆز– ئۆزىگە پىچىرلاپ ، بىردىنلا قەلبى غەشلىككە تولغان ئايالنىڭ رايى قايتىدە ئارقىسىغا بۇرۇلدى، سېغىنىش ئۇنىڭ يۈرىكىگە كەلكۈندەك ئېقىپ كېردى ، تۇيغۇلىرىغا بىر شېرىن ئەسلىمىنىڭ قوقاسلىرى تۆكۈلدى .ئۇ بىردىنلا بىرقانچە بايرەملىرىنى مانا مۇشۇنداق سېغىنىش ئىچىدە ئۆتكۈزۋەتكەنلىكىنى ، بۈگۈن بولسا ئاتا–ئانىسى ، قېرىنداشلىرى ۋە دوس بۇرادەرلىرىنىڭ دەۋىتىدە ئۆزىنى تاشلىماسلىق ئۈچۈن غەيرەتكە كېلىپ بازارغا چىققانلىقىنى ئەسكە ئالدى ؟ ئۇنىڭ كاللىسىدا قارمۇ –قارشى بولغان ئىككى خىل خىيال دەۋرەيتتى . —سەن ئەقىدەڭنىڭ ھايا قاچىسىدىكى سۆيگۈڭنى غەپلەت ئېرىقىغا تۆكىۋەتمە !دىدى ئايالنىڭ سەمىمى يۈرىكى نەسىھەت قىلىپ ، يولدىشىڭنىڭ روھى تىلىكى سەن ئۈچۈن بايراملىق .سەن ئۇنى ئەڭ گۈزەل سېغىنىشلىرىڭ بىلەن قوبۇل قىل! بۇ سېنى رەڭدار كىمىاپ بىلەن بېزىگىنىڭدىنمۇ جەزبىدار قىلىدۇ ... — ياق دىدى ئۇنىڭ ئاياللىق تەبئېتى رەت قىلىپ ، سەن ئۈزەڭنى تاشلىۋەتمە ! گۈزەللىكنى سۆيۈش سېنىڭ خىسلىتىڭ . دۇنيا ئېتراپ قىلىدىغان ئەسلى ماھيىتىڭ تۇرسا نىمىشقا ئۈزەڭنىڭ بايرىمىنى قەدىرلەشكە ھەققلىق ئەمەسسەن؟... ئايالنىڭ ئېڭى دەتالاشلا ىئچىدە گاڭگىرىدى شۇڭا ئۇ ئۆزى چوقۇنۇپ كەلگەن مۇھەببەتنىڭ سۆزىنى ئاڭلۇغۇسى بار ئىدى . ئۇنىڭ قەلبىنى چۈشەنگەن ھېسىيات دەررۇ مۇنازىرىگە قاتناشتى — ھەر ئىككىلىسىنىڭ يوللىق تەرىپىنى قوبۇل قىل ! مارت ئايلىرىدىكى سېغىنىشىڭ بىلەن ئاياللىق مەۋجۇتلىقىڭنىڭ تەنتەنىسىنى بېرلەشتۈرسەڭ بۇ تولىمۇ ئەھمىيەتلىك ئىش .شۇڭا ئۈزەڭگە نىمە ئالساڭ بۇ يولدىشىمنىڭ كۆڭلى دەپ قىياس قىل شۇندىلا روھى سىقىلىشتىن خالى بولالايسەن . ئايال ئۇنىڭ سۆزىنى ئورۇنلۇق كۆردىدە قايتىدىن ئۆزى تاللىغان نەرسىنى سېتۋىلىپ ئۆيىگە قايتتى . ئارىدىن بىركۈن ئۆتۈپ ئەھمىيەتلىك سەھەر باشلاندى — ئاپا بايرىمىڭىزغا مۇبارەك بولسۇن ! ئۆزى ياسىۋالغان قەغەز گۈللىرىنى يالتىراق قەغەزدە ئوراپ ،سوغاتلىق تەيارلاپ ئانىسىغا ئۇزاتقان ناتىۋان بالىنىڭ بۇ ئوماق ھەركىتى، ئانىنىنىڭ ۋۇجۇدىنى ھاياجان ئىلكىدە تىترەتتى . ئايال ھارارەت تولغان قەلبى بىلەن ئۆزى ئۈچۈن سۆيگۈ مىراسى بولغان بالىنى مەھكەم باغرىغا ماستى. ئۇنىڭ ئارمىنى كۆلگەندەك،دىل خەستىلىكى يېشىلىپ، بىر يۈكسەك پەخىرلىنىشنىڭ بەخىت قۇشى بېشىغا كېلىپ قونغاندەك تۇيۇلدى مارت ئايلىرىدەك شېرىنلىققا تولغان تەلپۈنىشىنى يوشىرالمىغان ئايال بالىسىنىڭ پىشانىسىنى تەشنالىق ئىلكىدە يېنىش– يېنىشلاپ سۆيگەن ھالدا قەغەز گۈللەرگە سەپ سالدى ، گۈللەرنىڭ بەرگىگە خەتتلەر يېزىلغان ئىدى ، ئايال جاراڭلىق ئاۋازى بىلەن ئوقۇشقا باشلىدى — بايرىمىڭىزغا مۇبارەك بولسۇن !بۇ قەغەز بولسىمۇ ئۈزەم ياسىغان گۈل ،بۇنىڭغا مېنىڭ بالىلىق قەلبىم سىڭگەن. ساداقىتىم سىزگە سوغا بولسۇن ! سىزنى دادامدەك قەدىرلەيمەن ، چوڭ بولغاندا سىزگە چوقۇم ئەھمىيەتلىك سوغىلارنى بېرىمەن ... مارت ئايلىرىنىڭ سېغىنىشى ئايال قەلبىدىن بالقىپ بالىسىنىڭ ئىستەكلىرىگە شۇنداقلا زىمىنغا تارالماقتا ئىدى. .. بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-30 11:41

قەلبىنۇر ئېلياس · ۋاقتى: 2012-5-24 09:42:37


	ﺑﺎﻏﻠﯩﻨﯩﺶ 1 ﺳﻪن ﺋﺎﻟﻪﻣﻨﯩﯔ ﺋﯘ ﮔﯩﺮۋﯨﻜﯩﺪە، ﺗﻪﺳﻪۋۇرۇڭ ﻳﯜﮔﻪﻧﺴﯩﺰ، ﺋﻪرﻛﻪ ﮬﯧﺴﺴﯩﻴﺎﺗﯩﯔ ﺗﯘﻏﺎﻧﺴﯩﺰ ﺳﯘلاردەك ﺷﯧﺌﯩﺮﯨﻴﻪت ﺋﯧﺘﯩﺰﻟﯩﻘﯩﺪا دەۋرەپ ﺗﯘرﯨﺪۇ. ﻗﻪﻟﺐ ﻣﺎﻳﺴﯩﻠﯩﺮﯨﯔ ﺷﻪﺧﺴﯩﻴﻪت ﺑﯧﻐﯩﯖﺪﯨلا ﺋﯜﻧﺴﻪ، ۋەزﯨﻦ ﺑﻪرﮔﯩﯖﻨﯩﯔ ﺟﯘلاﻟﯩﻘﯩﻨﻰ ﮬﯧﺲ ﻗﯩﻠﻐﯘﭼﻰ ﭘﻪرۋﯨﺸﻜﺎرﯨﯔ ﺑﻮﻟﻤﯩﺴﺎ ﻣﯧﮭﻨﯩﺘﯩﯖﻨﯩﯔ ﭼﯩﻨﻠﯩﻘﻰ ﺧﯩﺮەﻟﯩﺸﯩﺪۇ. ﻣﻪن ﺋﺎﻟﻪﻣﻨﯩﯔ ﺑﯘ ﮔﯩﺮۋﯨﻜﯩﺪە، ﺋﻪﻣﻤﺎ ﻗﻪﻟﺐ ﮔﯜزەﻟﻠﯩﻜﯩﯖﻨﻰ ﻛﯚزەﺗﻜﯜدەك ﺋﯩﻘﺘﯩﺪار ۋۇﺟﯘدۇﻣﺪا ﭘﯩﺸﺸﯩﭗ ﻳﯧﺘﯩﻠﮕﻪن، ﺷﯘﯕﺎ ﭘﯩﻨﮭﺎن ﺳﯚﻳﮕﯜ ﮬﻮﺟﺮﯨﺴﯩﺪا ﺗﯘرۇﭘﻤﯘ ﻗﻪﻟﺐ ﻟﯩﺮﯨﻜﺎﯕﻨﻰ ﺋﻮﻗﺎلاﻳﻤﻪن. 2 ﺳﻪن ﺗﻪﺑﻪﺳﺴﯘم ﺗﻪﻣﻪﺳﯩﺪە ﻳﻮﻟﯘﯕﺪﯨﻦ ﺋﺎزدﯨﯔ، ﺋﻪي ﮬﻪﻗﯩﻘﻪت ﺑﺎﻳﺮﯨﻘﻐﯩﻨﻰ ﻛﯚﺗﯜرﮔﻪن ﻳﻮل ﺑﺎﺷﻠﯩﻐﯘﭼﻰ. ﺳﯧﻨﻰ ﺋﺎزدۇرﻏﺎن ﺳﺎﺧﺘﺎ رﯨﻐﺒﻪﺗﻨﯩﯔ ﺋﺎلا ﻛﯚﯕﯜل ﻣﻪدﮬﯩﻴﯩﺴﻰ ﺋﻪﻣﻪس، ﺑﻪﻟﻜﻰ ﻛﯚﯕﯜل ﻛﯚزﯨﺪﯨﻦ ﭼﺎﻗﻨﺎپ ﺗﯘرﻏﺎن ﺳﺎداﻗﻪﺗﻤﻪن ﺋﻪﮔﻪﺷﻜﯜﭼﯩﻨﯩﯔ ﻣﯘﮬﻪﺑﺒﻪﺗﻠﯩﻚ ﺑﯩﻘﯩﺸﻠﯩﺮى... 3 ﺳﻪن ﭘﯩﻨﮭﺎﻧﻠﯩﻖ ﺑﯘﻟﯩﻘﯩﻨﯩﯔ ﻛﯚزﯨﻨﻰ ﺳﻪﻣﯩﻤﯩﻴﻪﺗﻠﯩﺮﯨﯔ ﺑﯩﻠﻪن ﭼﻮﻗﭽﯩلاپ ﺋﺎﭼﻤﺎق ﺑﻮﻟﺪۇڭ، ﻣﻪن ﺷﯘ ﺑﯘلاق ﮔﯩﺮۋﯨﻜﯩﺪە ﺋﻮﻟﺘﯘرۇپ ﺷﻪﻳﺪاﻟﯩﻖ ﭼﯚﻣﯩﭽﯩﻤﮕﻪ ﺳﯧﻨﯩﯔ ﻟﻪﻳﻠﻪپ ﺗﯘرﻏﺎن ﻏﯩﺮﯨﺒﺎﻧﻪ ﺗﯘﻳﻐﯘﻟﯩﺮﯨﯖﻨﻰ ﺳﯜزۈۋﯦﻠﯩﭗ ﻗﻪﻟﺐ ﭼﯧﻠﯩﻜﯩﻤﮕﻪ ﺗﻮﻟﺪارﻣﺎق ﺑﻮﻟﺪۇم، ﺋﻪﻣﻤﺎ ﺑﯩﺰ ﻧﺎﺗﻮﻧﯘﺷﺘﻪك ﺳﯩﺮداﺷﻤﯩﺪۇق، ﺋﯜرﻛﯩﮕﻪن ﻗﯘﺷلاردەك، ﺗﯩﻜﯩﻠﯩﭗ ﻗﺎﻟﯩﺪﯨﻐﺎن ﻛﯚزﻟﯩﺮﯨﻤﯩﺰﻧﻰ ﺋﻪﻧﺪﯨﻜﻜﻪن ﮬﺎﻟﺪا ﻳﯩﺮاﻗلارﻏﺎ ﺋﺎﭘﻘﺎﺷﺘﯘق. ﺑﯩﺰ ﺷﯘ ﺗﻪرﯨﻘﯩﺪە ﺳﯚﮬﺒﻪﺗﻠﻪﺷﻤﻪﻳلا ﺧﻮﺷلاﺷﺘﯘق. 4 ﺳﻪن ﻣﺎﯕﺎ ﻗﻪﻟﺐ ﺋﯩﺘﯩﻜﯩﻢ ﻟﯩﻘﻘﯩﺪە ﺗﻮﻟﻐﯘدەك ﺗﻪﺑﻪﺳﺴﯘم ﺋﺎﺗﺎ ﻗﯩﻠﺪﯨﯔ. ﻣﻪن ﺟﯩﻠﯟﯨﻠﻪر ﻧﺎزاﻛﯩﺘﯩﺪە ﺳﯧﻨﻰ ﺳﯧﮭﯩﺮﻟﻪﺷﻜﻪ ﺋﯘرۇﻧﺪۇم. ﺳﻪن ﻣﻪﻧﯩﻠﻪر ﻗﺎﺗﻠﯩﻤﯩﺪﯨﻦ ﺑﯩﺮ ﺗﯩﺰﯨﻖ ﻣﺎرﺟﺎن ﺗﯩﺰﯨﭗ ﺗﻪﺳﻪۋۇرۇﻣﻨﯩﯔ ﺑﻮﻳﻨﯩﻐﺎ ﺋﯧﺴﯩﭗ ﻗﻮﻳﺪۇڭ. ﻣﻪن ﺷﯧﺮﯨﻦ ﺋﺎزاﭘﻨﯩﯔ ﺟﻪﻳﻨﯩﻤﺎزﯨﻐﺎ ﺑﺎش ﻗﻮﻳﯘش ﺋﯜﭼﯜن ﺋﻪﻗﯩﻞ ﺋﯩﺒﺎدﯨﺘﯩﺪە ﺋﻮﻟﺘﯘردۇم... 5 ﻣﯧﻨﻰ ﺷﻪﻳﺪا ﻗﯩﻠﻐﯩﻨﻰ ﺋﯚزۈڭ ﺋﻪﻣﻪس، ﺷﯧﺌﯩﺮﯨﻴﻪﺗﺘﯩﻜﻰ ﻧﺎدﯨﺮ ﺗﯘﻳﻐﯘﻟﯩﺮﯨﯔ . ﻣﯧﻨﻰ ﺑﯩﻘﺎرارﻟﯩﻖ ﭼﯚﻟﯩﮕﻪ ﺑﺎﺷﻠﯩﻐﯩﻨﻰ ﺋﯚزۈڭ ﺋﻪﻣﻪس، ۋەزﯨﻨﻠﯩﺮﯨﯖﺪە ﺋﯘﻟﯘﻏلاﻧﻐﺎن ﻳﯜﻛﺴﻪك ﺋﯩﻨﺴﺎﻧلارﻧﯩﯔ داﻧﺎﻟﯩﻘﻰ، ﻣﯧﻨﻰ ﻣﯘﮬﻪﺑﺒﻪت دەرﻳﺎﺳﯩﺪا ﺋﯜزدۈرﮔﻪن ﺋﯚزۈڭ ﺋﻪﻣﻪس، ﺑﻪﻟﻜﻰ ﻣﯩﻠﻠﯩﻴﻠﯩﻚ ﻳﺎرﻗﯩﻨﻠﯩﻘﯩﺪا ﭼﺎﻗﻨﺎپ ﺗﯘرﻏﺎن ﺋﯩﺠﺎدﯨﻲ ﺧﺎﺳﻠﯩﻘﯩﯔ. ﻣﻪن ﺷﯧﺌﯩﺮﻟﯩﺮﯨﯖﻐﺎ ﺳﯩﯖﯩﭗ ﻛﯧﺘﯩﺪﯨﻐﺎن ﺳﯜزۈك ﻣﻪرۋاﻳﯩﺖ... 6 ﻣﻪن ﻏﺎﻟﯩﺒﺎﻧﻪ ﭼﯜﺷﻜﯜﻧﻠﯩﻜﯩﯔ ﺋﯩﭽﯩﺪﯨﻦ ﭘﺎرلاپ ﺗﯘرﻏﺎن ﺋﯜﻣﯩﺪﻧﻰ ﻛﯚرەﻟﻪﻳﺪﯨﻐﺎن ﻗﻪﻟﺐ ﻣﯩﻜﺮوﺳﻜﯘﺑﯩﻨﻰ ﺷﺎﺋﯩﺮەﻟﻪرﻧﯩﯔ ﺗﻪﭘﻪﻛﯘر ﮬﻮﺟﺮﯨﺴﯩﺪﯨﻦ ﺗﯧﭙﯩﯟاﻟﻐﺎن. ﻧﺎۋادا ﻣﯧﻨﻰ ﺋﯩﺰدﯨﻤﻪك ﺑﻮﻟﺴﺎڭ، ﺳﻪﻣﯩﻤﯩﻲ ﺋﻮﻗﯘرﻣﻪﻧﻠﯩﺮﯨﯖﮕﻪ ﺑﻮﻟﻐﺎن ﺋﯩﺨلاﺳﯩﯔ ﺋﯜﭼﯜن، ﻛﯩﺒﯩﺮﻟﯩﺮﯨﯖﻨﻰ ﺗﺎﺷلا! 7 ﺑﯩﺰ ﻳﯩﭙﺴﯩﺰ ﺑﺎﻏلاﻧﻐﺎن ﺋﻪﻗﯩﻞ - ﺋﯩﺪراﻛﻨﯩﯔ ﺷﺎﮬﺰادە ﻣﻪﻟﯩﻜﯩﻠﯩﺮى. ﺑﯩﺰﻧﯩﯔ ﭼﺎﮬﺎر ﺑﯧﻐﯩﻤﯩﺰدا ۋەزﯨﻨﻠﻪرﻧﯩﯔ ﺳﯜزۈك ﺷﻪرۋەﺗﻠﯩﺮى ﺋﯧﻘﯩﭗ ﺗﯘرﯨﺪۇ، ﺑﯩﺰ ﺋﻪدەﺑﯩﻴﺎت ﺑﻮﺳﯘﻏﯩﺴﯩﺪا ﺋﯘﭼﺮاﺷﻘﺎن ﺋﺎدەم ﻣﻪرﻛﻪزﭼﯩﻠﯩﻚ ﺗﻪﻟﯩﻤﺎﺗﯩﻨﯩﯔ ﺳﺎﻗﯩﻨﺪﯨﻠﯩﺮى، ﺷﯘﯕﺎ ﻳﺎرﻗﯩﻨﻠﯩﻘﯩﻤﯩﺰدا ۋﯨﺠﺪاﻧﯩﻲ ﺑﯘرﭼﻨﯩﯔ ﺋﯩﺴﺴﯩﻖ ﻗﺎﻧﻠﯩﺮى ﺋﯘرﻏﯘپ ﺗﯘرﯨﺪۇ... 8 ﻣﻪن ﺳﺎﯕﺎ ﻧﺎﺗﻮﻧﯘش، ﺋﻪﻣﻤﺎ ﻟﯩﺮﯨﻜﺎﯕﻐﺎ ﺳﯩﯖﯩﭗ ﻛﻪﺗﻜﯩﻨﻰ ﻣﯧﻨﯩﯔ ﻛﻪﭼﻤﯩﺸﯩﻢ. ﺳﻪن ﻣﺎﯕﺎ ﻧﺎﺗﻮﻧﯘش، ﺋﻪﻣﻤﺎ ﻣﻪﻧﺘﯩﻘﻪﯕﺪە ﺗﺎۋلاﻧﻐﯩﻨﻰ ﻣﯧﻨﯩﯔ ﺋﯩﺪﯨﻴﻪم. ﺑﯩﺰ ﮔﻮﻳﺎ ﺋﯘﭼﺮاﺷﻤﯩﻐﺎن ﺋﺎﺷﯩﻖ - ﻣﻪﺷﯘق، ﺑﺎﻏﺮﯨﻤﯩﺰﻧﻰ ﻳﯩﺮﯨﭗ ﭼﯩﻘﻘﺎن ﺋﻮﺧﺸﺎش ﺑﯩﺮ ﺋﺎرﻣﺎن، ﻗﻪﻟﺒﯩﻤﯩﺰدە ﭼﺎﻳﻘﺎﻟﻐﯩﻨﻰ ﺋﻮﺧﺸﺎش ﮬﺎﻳﺎﺟﺎن. ﺳﻪن ﺑﯩﺮيازارمەن،ﻣﻪن ﺋﯩﻨﺎۋﯨﺘﯩﯔ ﻳﺎرﻗﯩﻨﻠﯩﻘﻰ ﺋﯜﭼﯜن ﻳﺎراﻟﻐﺎن ﺑﯜﻳﯜك ﺋﻮﻗﯘرﻣﻪن... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-5-24 09:45