قەلبىنۇر ئىلياس : نەسرى ئەسەرلىرى

قەلبىنۇر ئېلياس · ۋاقتى: 2013-3-3 21:05:32


	ئائىلىڭزىنىڭ ئىناق بەخىتلىك بولىشىنى چىن قەلبىمدىن ئۈمۈت قىلىمەن ...... سىزگىمۇ ئەمىنلىك ۋە ياخشى تىلەك ھەمرا بولسۇن مەمتىمىن ئەپەندى.

ئە.بۇلاق · ۋاقتى: 2013-3-20 00:47:21


	لېرىك نەسىرلىرىڭىزدىن ئاجايىپ ھوزۇرلاندىم.مېنى تونۇدىڭىزمۇ؟

قەلبىنۇر ئېلياس · ۋاقتى: 2013-3-20 10:31:06


	لېرىك نەسىرلىرىڭىزدىن ئاجايىپ ھوزۇرلاندىم.مېنى تونۇدىڭىزمۇ؟ ۋاقىت چىقىرىپ ئەسىرىمنى ئوقۇغۇنىڭىزدىن سۆيۈندۈم . سىزنى ئەلۋەتتە تونۇيمەندە ساۋاغداش تۇرساق

ماكانىم · ۋاقتى: 2014-5-4 22:24:02


	قەلبىنۇر ھەدە نەسىرلىرىڭىزدىن شۇنچىلىك ھوزۇر ئالدىمكى بۇ يىڭى بىر مەنزىلىم ئۈچۈن چىراق ياققاندەك دىلىمنى يورۇتتى. ھارمىغايسىز . ئەزىز تېنىڭىزگە سالامەتلىك يار بولسۇن.

gheyurani · ۋاقتى: 2014-5-15 06:54:02


	نەسىرلىرىڭىزدە ئۇيغۇ ر ھازىرقى زامان نەسىرچىلىرىدىن ئەندىزە ئېلىش بىلەن بىرگە چەت ئەل نەسىرچىلىرىدىن تۇرگېنىف، نەجۇپ مەھبۇس، جىبران قاتارلىقلارنىڭ نەسىرلىرىنىڭ تەسىرىگىمۇ خېلى ئۇچراپسىز، ئەمدىكى گەپ ھەرقانداق قىيىنچىلىقلارنى يېڭىپ، ئىجادىيىتىڭىزدە تېخىمۇ مۇستەقىل ھالەتتە ئۆزگىچە ئۇسلوپ يارىتىپ، ئوقۇرمەنلەرنى بۇ نەسىر قەلبى نۇرلىڭ نەسىرلىرى ئىكەن دېگەن تۇيغىغا كەلتۈرۈش ئۈچۈن ھۇررا!

uygurya · ۋاقتى: 2014-5-23 19:12:48


	روھتىن بالقىپ چىققان ئۆزلۈك ناخشىللىرىغا،شېئىرى ئاھاڭ تەڭكەش قىلىنغان.ئىنسان بىلەن تەبىئەت،ئىنسان بىلەن جەمىيەت،روھ بىلەن تەن...گۈزەل رەڭدار تىمىلار ئارا ئۆز ئىپادىسىنى تاپقان. يېتىلىۋاتقان ياش نەسىرچى قەلبىنۇر ئىلياس، گەرچە ،نەسىر ژانىرىنىڭ چەكسىزلىك دۇنياسىدا پەرۋاز قىلىۋاتقان بولسىمۇ،لېكىن ،ئۇ،نەسىر ئىجادىيىتىدىكى مەزمۇن بىلەن شەكىلنىڭ دىيالىكتىك بىرلىك مۇناسىۋىتىگە ھۆرمەت قىلغان.شۇڭا،ئۇنۇڭ نەسىرلىرىدە،پۈچەك رەڭۋازلىق يوق،كىشىنى زىرىكتۈرىدىغان سۆز ئويۇنى يوق! ئىچكىرلەپ تەتقىق قىلىدىغان بولساق،بەلگىلىك مەنا،مەۋجۇتلۇق ھەققىدە كىشىنى چوڭقۇر ئويلاندۇرىدۇ. نەسىر يوللىرى خۇددى شائىرلىق يوللىرىغا ئوخشاش تولىمۇ مۈشكىلاتتۇر. مانا مۇشۇ مۈشكىلات يوللىرىدا ئۈزلۈكسىز ئىزدىنىۋاتقان قەلبىنۇر ئىلياسنىڭ بۈگۈنكى ئۇيغۇر نەسىر چىلىگىگە قوشقان تۆھپىسىنى ئېتىراپ قىلماي تۇرالمايمىز! بۇ يازمىنى ئاخىرىدا uygurya تەھرىرلىگەن. ۋاقتى 2014-5-23 22:13

پاشاگۇل · ۋاقتى: 2014-7-31 22:09:19


	ئۇزۇندىن بۇيان نەسىرلىرىڭىزنى سۆيۈپ ئوقۇپ كېلىۋاتاتتىم.بۇ بىر يۈرۈش نەسىرلىرىڭىزنى ئوقۇپ،ئىچىمدە سىزگە ئاپىرىن! گۈزەل غايىلىرىڭىز مەۋج ئۇرسۇن!-دېدىم.ئارزۇ رېئاللىقتىن قۇدرەتلىك، ئارزۇنىڭ ئۆزى ئالى رېئاللىق.غايە پاكىتتىن يۇقۇرى.تەسەۋۋۇر قەلب كۆزىدۇر.سىزگە تېخىمۇ يۈكسەك ئۇتۇغ يار بولسۇن. ئامان بولۇڭ.

ئەليار · ۋاقتى: 2014-9-12 10:09:34


	ھەقىقەتەن ئېسىل يېزىلغان نەسىرلەر ئىكەن! بىر توپلام قىلىپ نەشىر قىلسىڭىز بولغۇدەك.

كاپىتان · ۋاقتى: 2014-10-29 14:17:50


	ئەسسالامۇ ئەلەيكۇم قەلبىنىۇ ر ئىلياس خانىم، قەلەم تۇتقان قوللىرىڭىزغا دەت كەلمىگەي، مەن «ئاسىيا كىندىكى» گېزىتىنىڭ ئەدەبىي بەت مۇھەرىرى جۈمە ئالىم بولىمەن، نەسىرلىرىڭىزنى كۆرۈپ چىقتىم، تولىمۇ ياخشى يېزىلىپتۇ، ناۋادا بىزنىڭ گېزىتىمىزدىمۇ ئەسەرلىرىڭىزنى ئېلان قىلىشقا قىزىقسىڭىز مەن بىلەن ئالاقە قىلغايسىز، مۇڭداشقۇ نۇمۇرۇم:1820717523، ئىشخانا تېلېفۇنى 0991-2316287

قەلبىنۇر ئېلياس · ۋاقتى: 2014-11-18 16:21:54


	ئەتكەن چاي مۇمامنىڭ ئەقىدە كۇمزىكىدە ئېتىلگەن .ئەن- ئەنىنىڭ قاپاق چۆمىچىدە قىيام قىلىپ قايتا-قايتا سورۇلغان.مەڭىز بىلەن مېھىر قايتاملىرى قوشۇلغان.شېرىن نىممەت كەبى كىشمىش سېلىنغان . چەلگىنىپ تۇرغان قايماقلار ئارا، چىلان زىبالىقىنى كۆرسىتىپ كۈلۈمسىرەپ تۇرغان . ئۇيغۇرۇمنىڭ ئەتكەن چايلىرى... مۇمام يۈرىكىنى ئوتۇن قىلىپ قالىغان،چاچلىرىنى تال سەرەڭگە قىلىپ ياندۇرغان ،قەلىب قازىنىدا ۋارتاقلاپ قاينىغان،بىر سەمىمىلىك ئىمان سۈپەت ھالالىق تۇزى بولۇپ ئاۋىغان ،بىر گۈزەل سۆيگۈنىڭ دەرىخىدە كۆكلىگەن ئارزۇ چاي يۇپۇرمىقى بولۇپ ئۈزۈلگەن ، ئېھتىيات سۈزگۈچىدە ياغاچلىرى سۈزۈلگەن ،ئىشتىياق چىنىسىغا ئۇسۇلغان ،مەمنۇنيەت قوشۇقلىرىدا لەۋلىرىمگە تېمىم- تېمىم بولۇپ قۇيۇلغان .ئۇيغۇرۇمنىڭ ئەتكەن چايلىرى... دەستىرخاننى يايىدۇ تارىخ ، ھاياتلىق ئۇنۇڭ ئۈچۈن گويا بىر مېھمان. تەلپۈنگەن دىل تەشنالىقىغا ، رىزىق بولۇپ قويىلار ھامان ،بىر يۈكسەكلىك تونۇرلىرىدا قىزىرىپ پىشقان بۈيۈك ھالال نان. ئەتكەن چايغا چىلانغان چاغدا ،تەمى بۆلەك بولۇپ تۇيلار ئارمان... ئىخ ! ئۇيغۇرۇمنىڭ ئەتكەن چايلىرى ... ئۆزگە ئىخلىم پايانلىرىدا ،ئۇچراتمىدىم سەندەك ئۇسلۇقنى .مېھنەت بىلەن قىممەت قىيام بولغان ، تەكتىگە ماغدۇر خۇرۇچلىرى توپلانغان ،سۈزۈك كۈڭۈللەرنىڭ خاسلىقىدا مۇھەببەتتەك ئۇلغايغان، ئۇدۇم پىيالىسىدە ئەۋلات ئۈچۈن سۇنۇلغان،خاسلىق كورىسىدا ئىسسىق پېتى ساخلانغان، سەندەك چاينى ئىچىپ باخمىدىم، ئىچىپ – ئىچىپ قېنىپ باخمىدىم... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2014-11-24 10:15

قەلبىنۇر ئېلياس · ۋاقتى: 2014-11-18 16:25:49


	ئەسەرلىرىمنى ياختۇرغان ، ياخشى باھالارنى بەرگەن بارلىق دىلكەشلەرگە تەشەككۈر!

marigul · ۋاقتى: 2014-11-26 19:14:14


	سالام قەلبىنۇر ھەدە ! سىزدىن بىسوراق ئوخشىغان «ئەتكەن چېيىڭىز » نى ھۇزۇرلىنىپ ئىچۋالدىم ....

قەلبىنۇر ئېلياس · ۋاقتى: 2014-12-10 17:15:11


	غازاڭلارنىڭ ئارمىنى كەچكۈزىنىڭ سوغۇق ھاۋاسىدىن رايى مۇزلىغان دەرەختىكى سارغايغان يۇپۇرماقلا گويا نېزىقاش قولىدا ئىرغىتىلغان قىسمەتتەك ، ،ئارماننىڭ ئاخىرقى جۇلالىرىنى شاخلاردا قالدۇرۇپ ، سانسىز ئادەملەر ئايىغىدا چىڭدىلىدىغان يوللارغا ، گۈزەلىكنىڭ خىرەلىكىنى چاندۇرۇپ قويۋاتقان چىملىقلارنىڭ بەدرەڭلەشكەن ئۈستىگە ئاستا- ئاستا لەيلەپ چۈشۈشكە باشلىدى . بىراق،ھالاكەتكە چىنپۈتمىگەن ، ۋۇجۇدىدا بىرخىل تىرەجەشنىڭ جەسۇرلىقى ساخلانغان بىرنەچچە تال يۇپۇرماق . كەچكۈزنىڭ غازاڭ پەسلىدىكى ئۆكتەملىكىگە قارشى چىققان ئەسكەردەك شاماللارنىڭ قاتتىق سىلكىشلىرىگە بەرداشلىق بېرىپ گويا مۆجۈزىلەردەك ، يالاڭاش قالغان دەرەخ ئۈستىدە مەردانىلارچە ياشاشنى قارار تاپتى. ئۇلار دەرەخ شېخىدا تۇرۇپ ،ئۆز قېرىنداشلىرىنىڭ ھارسىزلاشقان كېبىرانە تۇيغۇلىرىدىن ئازاپلاندى. يەرگە چاپلىشىپ ياتقان يۇپۇرماقلاردا نە ئۆكۈنۈش، نە ئازاپلىنىش تۇيغۇسى كۈرۈلمەيتتى . گويا تەغدىرنىڭ قىسمىتىگە تېز پۈكۈش ئۇلار ئۈچۈن مۇتلەق ھەقىقەتتەك ، باشقىلارنىڭ چەيلىشىگە كۈنۈكۈپ كەتكەن بۇ غازاڭلار ئۆزىدە تۇغما يېتىلدۈرگەن شۆھرەتپەرەسلىگىنى يەنىلا يۇشىرالمىغان ئىدى. دالا سەيلىسى قىلىپ يۈرگەن بىر توپ ھەۋەسمەن ، بۇ ھاماقەت غازاڭلار يېنىدىن ئۆتۈپ قالدى. قىزىل مەخمەلدەك ياكى خان ئەتلىسىدەك يول- يول سىزىقچىلار بىلەن سېرىقلىق ئارلاشقان ،بەزى سۈيى قاچمىغان يۇپۇرماقلار، ئۇلارنىڭ دىل مايىلىغىنى قوزغىدى-دە، ئەلبۇملىرى ئارسىغا خاتىرە بۇيۇمى قىلىپ قىستىرۋىلىش ئۈچۈن تاللىۋىلىندى .غازاڭ پەسلىگە ئامراق كۆڭۈللەر بۇ غازاڭلار ئارىسىدا سوزۇلۇپ يېتىپ رەسىمگە چۈشۈپمۇ ئۈلگۈردى .بۇ خىل ئېتىبارغا ئېرىشىش غازاڭلار چېھرىدە بىر-خىل خىرامان كۆرەڭلىكنى نامايەن قىلغان بولۇپ ، بۇ خىل مەنىسىز ھوزۇردىن بارلىق غازاڭلار تەماخورلۇق ماھىيىتىنى ئاشكارلاپ قويماقتا ئىدى. سەلكىن شامال غازاڭلارنىڭ تېنىدىكى سۇنى پارلاندۇرۇپ، ئۇنى قاخشال ئۈممۈتنىڭ شاكىلىغا ئايلاندۇردى . تازلىق ئىشچىسىنىڭ سۈپۈرگىسى ئاستىدا بىر يەرگە جەم قىلىنغان غازاڭلارغا رەھىمسىزلىك ئوتى يېقىلدى. گۈرۈلدەپ كۆيگەنلەر يۇقىتىش ئازابىنى تېتىشقىمۇ ئۈلگۈرمىدى. بىراق بىخسىپ كۈيگەنلىرى بولسا بىر چوڭقۇر جۇدالىقنىڭ ھەسرىتىنى ھىس قىلماقتا ئىدى. ئۇلار دەرەخ شاخلىرىنىڭ سۇلتانىدەك، ياپ- يىشىل يايرىغان سۈيۈملىك چاغلىرىنى ئارمان قىلىشىپ، دەرەخ شاخلىرىغا تەلپۈنگىنىچە قاراشتى-دە، بىردىنلا دەرخ شېخىدا رەھىمسىز شاماللارغا بەرداشلىق بېرىپ ،قەيسەرلىك بىلەن مەۋجۇداتەك ياشاپ تۇرغان بىر نەچچە تال يۇپۇرماققا كۆزى چۈشتى. تاشقى گۈزەلىكە ئەھمىيەت بېرىپ، ئۆزلىرىدە ئۇلارغا ئوخشاش چىدامچانلىقىنى يىتىلدۈرمىگىنىگە پۇشايمان قىلىشقان غازاڭلار ، ھاياتلىق مەنتىقىسىدىكى ماسلىشىش ئېڭىدىن يىراغلاشكان ، سارغايغان كەچمىشىگە ئەپسۇسلانغان ھالدا ، ئۆلۈم ئالدىدىكى ھەسرەتلىك نالىسىنى ئوقىماقتا ئىدى . ئۇلار چوڭقۇر تەجىربىنىڭ پۇشايمانلىق باغرىغا ئورالغان ئىلتىجالىرى بىلەن نازۇك شاخلاردا پۇلاڭلاپ تۇرغان مەردانە يۇپۇرماقلارغا قاراپ ئاداقى ئۈممۈدىنى شىۋىرلىدى: ـ ئەي يۇپۇرماق قەۋمىنىڭ قەيسەرلىكىنى تەبىئەتكە جاكارلىغان قېرىنداشلىرىمىز! بىزنىڭ زەئىپ جىسمىمىزدىكى ئۆلگەن روھىمىزنىڭ ئۇدىمى سىلەردە قالمىسۇن . بارلىق كىبىرلەرنى تېنىڭلاردىن ئىرغىتىپ چۈشۈرۈپ، مەۋجۇدىيەت ئۈچۈن مۇستەھكەم ئىرادە بىلەن يۈزلىنەلەيدىغان چىدامچانلىقنى ئۈزۈڭلەردا يىتىلدۈرۈڭلار...! دەرەخ شېىىدىكى يۇپۇرماقلا كۈز ئالدىدىكى ئاچچىق رىيالىقتىن ئىبرەت ئالغاشقا، مەزمۇت بىر روھىناتنىڭ شەبنەملىرى بىلەن ئۆزلىرىگە ھاياتلىق ئوزۇقلۇقى توپلاپ، قىشنىڭ شىۋىرغانلىرىغا بەرداشلىق بېرىپ ، باھار ئايلىرىغا ساخ- سالامەت ئۇلاشتى. باھار يەنە كېلىپ، دەرەخلەر پوتلا چىقىرىشقا باشلىدى . بارا- بارا يېشىلرەڭ دەرەخنىڭ يۇپۇرماق تونىغا چۈشكەن ياماقتەك كۈرۈمسىزلىكىنى ھىس قىلىپ قالغان ھىلىقى سارغىيىپ كەتكەن قەھرىمان غازاڭلار، بىردىنلا ئۆزلىرىنىڭ قېرىغانلىقىنى ، گۈزەللىك ئۈچۈن كۆرۈمسۈزلىك تۇيغۇسى ئاتا قىلىپ قويۋاتقانلىقىنى چۈشەندى. مانا ئەمدى ئۆز رازىلىقى بىلەن بۇ ياش يۇپۇرماقلارغا ئورۇن بېرىپ ،ئۆز ئېتىبارىنى ساخلاشنىڭ زۈرۈرلىكىنى ھىس قىلغان بۇ بىر نەچچە تال غازاڭ،بىردىنلا ئۆزلىرىنىڭ ئەڭ چوڭ كەمچىلىكىنى تونۇپ يەتتى-دە، ئۆزلىرىنىڭ ئۈممۈدلىرى سۈپىتىدە تەبىەتكە كۆز ئاشقان بۇ يۇپۇرماقلار دۇنياغا يارىلىشتىن ئاۋال، ئۇلارغا پەسىللەردىمۇ يېشىللىقىنى يۇقاتمايدىغان ، تۆت پەسىلنىڭ ھەمىسىدە باھاردەك ياشنىيالايدىغان مەڭگۈلىك ھاياتى كۈچكە ئىگە بولغان خىسلەتنى يېتىلدۈرۈشنىڭ زۈرۈرلىكىنى تەكىتلىمىگىنىگە پۇشايمان قىلدى ، نە ئىلاج ! غازاڭلارنىڭ ئارمىنى، ئۆز پۇشتىلىرى ئۈچۈن كىچىكىپ يەتكەشكە ،بۇ يېڭى يۇپۇرماقلار قىسمىتىگىمۇ غازاڭ بولۇپ تۆكىلىش ھەقىقىتى پۈتۈلدى. يەنە كەشكۈز كەلدى. غازاڭلار تۈمەن ئارمانلارغا غەرىق بولغان ھالدا شاخلاردىن ئەھمىيەتسىز لەيلەپ چۈشۈپ، زىمىن باغرىنى دەسسەپ تۇرۇپ ھەركەتلىنىدىغان مەۋجۇداتلار ئايىغىدا يەنە خارلىنىشقا باشلىدى . بىراق بۇ غازاڭلارنىڭ شۇنداق بىر خوشاللىقى بار ئىدىكى ئۇلار بۇ نۆۋەت دەرەخنىڭ جىسمىدىكى بارلىق ھۆجەيرىلەرگە ئۆز قىسمەت لىرىنى پۈتۈپ قويغان ، پەسىللەردىمۇ ئۆزگۈرمەيدىغان ماھيەتلىك ھاياتى كۈچىنى كىلەركى دەرەخ پوتلىلىرىنىڭ تۈگۈشلىرىگە ھىكىمەت قىلىپ تۈگۈپ قويغان ئىدى . دەرەخ ئۆزىدە ئىلگىرى ئارمان قىلغان ئەمما ئېرشەلمىگەن ئاجايىپ بىر سېھرى قۇدرەتنى بايقىد-ىدە ،زىمىنغا چاپلىنىپ ياتقان غازاڭلارغا قاراپ : دىل كۈيىنى تۆكتى. بەلكىم بىر يۇقۇتۇش بىر ئېرشىشنىڭ دەسمايىسىدۇر .سىلەر ئارمانسىز قالمايسىلەر غازاڭلىرىم! سىلەرنىڭ كىلەركى ئەۋلادلىرىڭلار پەسىللەردىمۇ ئۆزگەرمەيدىغان ، مەڭگۈلىك ھاياتى گۈزەلىكى بىلەن مەۋجۇديەت ئۈچۈن سايە بېرەلەيدىغان بولىدۇ . غازاڭلار ئاداقى كۈلۈمسىرىشىنى شاخلارنىڭ ماھىيىتىگە ئارمان چېچىكى قىلىپ قويالىغىنىدىن سۆيۈندى-دە ئانا تۇپراقنىڭ باغرىغا خاتىرجەم باش قويدى. بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2014-12-10 17:17

شۇكرى · ۋاقتى: 2014-12-20 15:52:36


	يانغىن يوللىغان ۋاقتى 2012-5-2 12:45 قەلبىنۇر ھەدەمنىڭ كۆڭۈل ناملىق نەسىرىنى تور بېتىمنىڭ ... بۇرادەر ئەۋەتكەن مۇنۇ نەسىرنىڭ MP3نۇسقىسىنى چۇشۇرگىلى بولارمۇ

دۇلانىم · ۋاقتى: 2014-12-20 16:15:53


	ئىنكاسىم ئارقىلىق ساقلىۋلىپ ئالدىرماي ئۇقاي ھە بۇ نەسىرلەرنى .