قەلبىنۇر ئىلياس : نەسرى ئەسەرلىرى

قەلبىنۇر ئېلياس · ۋاقتى: 2012-6-1 11:17:08


	دەردىمنى ساڭا ئېيتمايمەن. قىلىچ دەسسىگەندەك ،تىتىلغان غۇرۇرۇمنى سالپايتىپ، ئالدىڭدا يەنە پەيدا بولدۇم ئانا ! ئارمىنىمنى چوقىلىغان قۇزغۇنلار ئۈستۈدىن شىكايەت قىلىشنى ئويلىساممۇ ،سېنىڭ شېرىن شەرۋەتتەك تەسەللىلىرىڭ بىلەن روھڭمغا ماغدۇر تېپىشنى تىلىسەممۇ، دەردىمنى ساڭا ئېيتالمايمەن . كۈمۈشتەك چاچلىرىڭغا چىگىكلىپ كەتكەن كەچمىشلىرىڭ ئازمۇ ؟ دەرت چىڭدالغان باغرىڭغا ،قەلىب يۈكۈمنى تاشلاشقا ئەمدى يۈزۈم چىدىمايدۇ. خىرەلەشكەن كۆزلىرىڭدە ئىلگىركىدەك چىرايىمنىڭ زەپرانلىقىغا سەنمۇ زەڭ سالالمايسەن، چوڭقۇر تىنىشلىرىمدىن دىلىمدىكى ھەسرەت قىيانلىرىمنىڭ شىددەتلىك دولقۇنىنى ئاڭلۇغىدەك قۇلاقلىرىڭ ئەمدى گاس بولۇپ قالدى .بۇقۇلداپ يىغلىشىم ئۈچۈن، تۇزغاقتەك توزۇپ تۇرۇپ ، يامغۇردەك تەڭ تۆكۈلىشىپ بېردىغان كۆز ياشلىرىڭ ئەمدى سوغلۇپ كەتتى . چۈنكى قېرلىقنىڭ قاخشال ئوتۇنى ئۈستىدە ئولتۇرۇپ، گۈلخاندەك كۆيىۋەرگەچكە تەنلىرىڭ كۈلدەك توزىدى ئانا!... ساڭا قانداقمۇ دەردىمنى ئىيتاي ! بىراق بېر تاماخۇر تىلەك بىلەن باغرىڭغا يىپىشقىم كەلدى ،بىر بۈيۈك تېۋىنىش بىلەن نىگاھىڭغا تەلپۈنگۈم كەلدى ،بىر شېرىن ئىزگۈ بىلەن قۇچۇغۇڭغا بۇلۇتتەك يېيىلغىم كەلدى . چۈنكى پەقەت سەنلا سەمىمى سۆيگۈڭ بىلەن مېھىر ئاپتىۋىنى بېرەلەيسەن ، پەقەت سەنلا غەرەزسىز ھېماتىڭ بىلەن قۇچىقىڭنى كېرەلەيسەن ،پەقەت سەنلا ئاراملىقىم ئۈچۈن خۇدادىن شەپقەت تىلەپ، ئەقىدە تەسبىسىنى سېرەلەيسەن . مېنى باغرىڭغا باسقىنىڭدا ، يۇرۇكۇمنىڭ چوڭقۇرجايلىرىدىن ئېتلىپ چىققان ئىككى تامچە ياش قۇچۇقۇڭغا دۇملاپ كەتتى . مەن ئۈركىگەن قۇشلاردەك ۋەيرانە روھىمنىڭ شەلۋەرىگەن ھالىتىنى ساڭا كۈرسەتمەسلىككە تىرىشىپ ، كۈلكىنىڭ ساختىلىق تونىنى دەرھاللا ئۇستۈمگە يېپىندىم .چۈنكى قاخشال دەرەخ ئۈستىدە پۇلاڭلاپ تۇرغاندەك ئاجىز تېنىڭگە شەخسىيەتچىلىك تېشىنى ئاتسام ، ئادىمىيلىكىم قان قۇسمامدۇ ، پەزىلىتىم قانىتى كېسىلگەن قۇشنۇڭ نالىسىدەك ئازاپلانمامدۇ؟!... ئەمدى دەردىمنى ساڭا ئېيتمايمەن ئانا ! تۇرمۇشنىڭ قامچىسىغا بەرداشلىق بەرگىدەك ئىرادە مەندە يېتىلدى، رىياللىقنىڭ ئاچچىق شاپلاقلىرىغا چىدىغىدەك قەيسەرلىكنى سېنىڭدىن ئۈگەندىم ،ئالداشلارغا پىسەنت قىلمايدىغان ،جاسارەتكە ھەۋەسلىنىدىغان ،ھاياتنىڭ رەڭۋازلىقىنى مەنسىتمەيدىغان ، كەمسىتىشلەر ئۈچۈن كىبىر كۈلكىسى بىلەن رەديە بېردىغان ، ماختاشلار ئالدىدا سالماق تەبەسۈم قىلىدىغان ،ئامەت ئالدىدا قۇللارچە شاپاشلىمايدىغان ،پەس كۆرۈشلەر ئالدىدا چۆكۈپ كەتمەيدىغان خىسلەت مەندە يېتىلدى . شۇڭا دەردىمنىڭ دەرمانلىقى ئۈچۈن سېنىڭ ئاراملىقىڭنى قۇربان قىلمايمەن . مەن ئېسەدىگەن تۇيغۇلىرىمنى ئادىمىيلىكىمگە يۆگەپ ، سېنى قاناەتلەندۈرىدىغان شاتلىق ئىبارىلىرى بىلەن روھىڭنىڭ قۇرغاقلاشقان جايلىرىغا تەسەللى شەربىتىنى سېپىەي ، مۈشكۈلاتلىرىم ئۈچۈن خاتىرجەملىك دەرىخىڭنى ئىرغىتىپ ، ھېسداشلىق مېۋەڭنى چۈشۈرۈپ يېيىشكە ئادەتلەنگەن روھى ئاجىزلىقىمنى ئەمدى ئاخىرلاشتۇراي ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-1 11:18

مۇنەۋۋەر ئابدۇق · ۋاقتى: 2012-6-2 13:46:09

قەلبىنۇر ئېلياس · ۋاقتى: 2012-6-3 11:26:01


	سالامىڭىزدىن نۇسرەت تۆكۈلدى. قەلبىم بايانىدا ئۈندى دوستلۇق گۈللىرى ... ئىلھامىڭىزغا تەشەككۈر مېھرىبان !

زۆھرەگۈل ھامۇت · ۋاقتى: 2012-6-4 02:38:48


	ئەجرىڭىزدىن خۇشپۇراق گۈللەر ئۈنسۈن ئەزىزىم... بۇ يازمىنى ئاخىرىدا زۆھرەگۈل ھامۇت تەھرىرلىگەن. ۋاقتى 2012-6-4 02:39

قەلبىنۇر ئېلياس · ۋاقتى: 2012-6-4 12:04:59


	ئەجرىڭىزدىن خۇشپۇراق گۈللەر ئۈنسۈن ئەزىزىم... كۆپ تەشەككۈر!

قەلبىنۇر ئېلياس · ۋاقتى: 2012-6-4 12:17:33


	ﺋﺎﻟﺘﯘن ﺑﯚﺷﯜك ﺑﺎﻟﯩلارﭼﻪ ﮔﯜدەك ﮬﯧﺴﺴﯩﻴﺎﺗﯩﻤﺪﯨﻦ ﺗﯘﻏﯘﻟﻐﺎن ﺋﻮﻣﺎق ﻗﻮﻧﭽﯘﻗﯘم. ﻣﻪن ﺋﯘﻧﯩﯖﻐﺎ ﭼﯩﯟەرﻟﯩﻜﯩﻤﻨﻰ ﮬﻪدﯨﻴﻪ ﻗﯩﻠﯩﭗ، ﻣﯧﮭﯩﺮ - ﻣﯘﮬﻪﺑﺒﻪت ﻳﯩﭙﻠﯩﺮﯨﺪا ﻛﻪﺷﺘﯩﻠﻪپ، ﻳﺎرﯨﺸﯩﻤﻠﯩﻖ ﺋﯧﯖﯩﻨﻠﻪرﻧﻰ ﺗﯩﻜﺘﯩﻢ. ﺋﻪڭ ﺋﯩﭙﺘﯩﺪاﺋﯩﻲ ﺋﻪﭘﺴﺎﻧﯩﻠﯩﺮﯨﻤﻨﯩﯔ ﻗﻮۋزاﻗﻠﯩﺮﯨﻨﻰ ﺳﻮﻳﯩﯟﯦﻠﯩﭗ ﺋﺎددﯨﻲ، ﺋﻪﻣﻤﺎ ﻣﻪزﻣﯘت ﺳﻪﮔﯜﻧﭽﯜك ﻳﺎﺳﯩﺪﯨﻤﺪە، ﺗﯘﻧﺠﻰ، ﺳﺎددا، ﺋﺎﻧﯩﻠﯩﻖ ﮬﯧﺴﺴﯩﻴﺎﺗﯩﻤﻨﯩﯔ روﻣﺎﻧﺘﯩﻚ ﺗﯘﻳﻐﯘﻟﯩﺮى ﺋﯩﭽﯩﺪە ﻳﯧﻘﯩﻤﻠﯩﻖ ﺋﻪﻟﻠﻪي ﻧﺎﺧﺸﯩﺴﯩﻨﻰ ﺋﯧﻴﺘﯩﭗ ﺋﯘﻧﻰ ﺗﺎﺗﻠﯩﻖ ﺋﯘﺧلاﺗﺘﯩﻢ. ﻳﯩﻠلار ﻗﯩﺰﻟﯩﻖ ﺳﺎلاﮬﯩﻴﯩﺘﯩﻤﻨﻰ ﺋﺎﻧﯩﻠﯩﻖ ﻣﻪﺟﺒﯘرﯨﻴﯩﺘﯩﮕﻪ ﺋﺎﻟﻤﺎﺷﺘﯘردى. ﺳﺎپ ﺋﻪﻗﯩﺪەﻣﺪﯨﻦ ﺗﯚرەﻟﮕﻪن ﻣﯘﮬﻪﺑﺒﻪت ﻣﯧﯟﯨﻠﯩﺮﯨﻢ ﺋﯜﭼﯜن ﻗﻪﻟﺒﯩﻢ ۋەﺗﻪن، ﻣﯧﮭﺮﯨﻢ ﺋﺎﻟﺘﯘن ﺑﯚﺷﯜك ﺑﻮﻟﺪى. ﮔﻮﻳﺎ ﺋﺎﻧﯩلاردﯨﻦ ﻗﺎﻟﻐﺎن ﺋﯘدۇم ﻛﻪﺑﯩﻲ ﭼﻪﻛﺴﯩﺰ ﻗﯘﭼﯘﻗﯘﻣﻐﺎ ﺑﯚﻟﻪﻧﮕﻪن ﺋﯜﻣﯩﺪ ﻳﯘﻟﺘﯘزﻟﯩﺮﯨﻢ ﺳﯚﻳﮕﯜ زەﻣﺰەﻣﻠﯩﺮﯨﻤﺪﯨﻦ ﻗﯧﻨﯩﭗ - ﻗﯧﻨﯩﭗ ﺳﯘ ﺋﯩﭽﺘﻰ. ﺋﻪﻣﻤﺎ، ﻣﻪن ﺋﯘلارﻧﯩﯔ ﺋﯧﺘﯩﻘﺎدﯨﻨﻰ ﺋﯚز ﻗﻪﻟﺒﯩﻢ ﺋﯜﭼﯜن ﺋﻪﻣﻪس، ﺋﯚز ﻗﻪۋﻣﯩﻢ، ﻗﯩﺴﻘﯩﺴﻰ، ﺑﯩﺰﻧﻰ ﺑﺎﻏﺮﯨﺪا ﺋﯚﺳﺘﯜرﮔﻪن ﺋﺎﻧﺎ زﯦﻤﯩﻨﻐﺎ ﺑﺎﻏلاﺷﻨﻰ دەۋەت ﻗﯩﻠﺪﯨﻢ. ﮬﺎﻳﺎت ﺋﯧﻘﯩﻨﯩﺪا ﺋﯧﻘﯩﯟاﺗﻘﺎن ﺋﯚﻣﯜر ﻳﺎﭘﺮاﻗﻠﯩﺮﯨﻢ ﺋﺎﻟﺘﯘﻧﺪەك ﺗﯜﺳﻜﻪ ﻛﯩﺮﯨﭗ، ﻗﯘﻧﺪۇزدەك ﭼﺎﭼﻠﯩﺮﯨﻤﺪا ﻛﯚﻣﯜﺷﺘﻪك ﻳﺎﻟﺘﯩﺮﯨﻐﺎن ﺗﯘرﻣﯘش ﺗﻪﺟﯩﺮﯨﺒﯩﻠﯩﺮى ﺟﯩﻠﯟﯨﻠﻪﻧﺪى. ﭼﯚﭼﻪﻛﻠﻪر دۇﻧﻴﺎﺳﯩﻨﯩﯔ ﺗﯩﻠﺴﯩﻤﻠﯩﺮﯨﺪا ﺋﯜزۈۋاﺗﻘﺎن ﻧﻪۋرﯨﻠﯩﺮﯨﻢ ﺋﯜﭼﯜن ﭼﻪﻛﺴﯩﺰ ﻣﯧﮭﯩﺮ - ﻣﯘﮬﻪﺑﺒﻪﺗﻜﻪ ﺗﻮﻟﻐﺎن ﻗﻪﻟﺒﯩﻢ ﺋﯘلارﻧﯩﯔ ﺋﻮﺗﻠﯘق ﺗﯩﻠﻪﻛﻠﯩﺮﯨﻨﻰ ﺑﯚﻟﻪﻳﺪﯨﻐﺎن ﺑﯚﺷﯜﻛﻜﻪ ﺋﺎﻳلاﻧﺪى. ﮔﻮﻳﺎ ﺋﯘﻟﯘغ ﻣﻮﻣﯩلارﻧﯩﯔ ﮬﯧﻜﻤﻪت ﺗﯚﻛﯜﻟﯜپ ﺗﯘرﯨﺪﯨﻐﺎن ﺷﯧﺮﯨﻦ ﺗﻪﻧﺒﯩﮭﻠﯩﺮى ﺋﯩﻨﺴﺎن روﮬﻰ ﺋﯜﭼﯜن ﺳﺎﻏلاﻣﻠﯩﻖ ۋاﻛﺴﯩﻨﯩﺴﯩﻨﻰ ﺋﺎﺗﺎ ﻗﯩﻠﻐﯩﻨﯩﺪەك، ﮔﯜزەل ﺋﻪﺧلاق دەرﯨﺨﯩﺪەك ﺗﯚﻛﯜﻟﯜپ ﺗﯘرﻏﺎن ﺑﯜﻳﯜك ﺋﯩﺒﺎرﯨﻠﯩﺮﯨﻤﻨﯩﯔ ﭼﻮﯕﻘﯘر ۋەزﻧﻰ ﺋﯩﭽﯩﺪە، ﺋﯚزۈم ﺋﯩﺘﯩﻘﺎد ﻗﯩﻠﻐﺎن ‹‹ﺋﺎﻟﺘﯘن ﺑﯚﺷﯜك››ﻧﯩﯔ ﺧﯩﺴﻠﯩﺘﻰ ﺗﻪﭘﻪﻛﻜﯜرۈﻣﺪﯨﻦ ﺳﺎﻗﯩﭗ، ﺋﻪۋلادﻟﯩﺮﯨﻤﻨﯩﯔ روﮬﯩﻐﺎ ﺳﯩﯖﯩﭗ ﻛﯩﺮدى. ﺷﯘﯕﺎ، ﺋﯘلار ﻣﻪﻧﺪﯨﻦ ﺋﯘدۇم ﻗﺎﻟﻐﺎن ﺑﯜﻳﯜك ﺗﯘﻳﻐﯘلاردا، ﭼﯚﭼﻪﻛﻠﻪرﻧﯩﯔ ﺗﯩﺮەن ﻣﻪﻧﺎﺳﯩﺪﯨﻦ ﺋﻪڭ ﺋﺎﻟﺪى ﺑﯩﻠﻪن ﺑﯩﺰﻧﻰ ﺑﺎﻏﺮﯨﺪا ﺋﻪﻟﻠﻪﻳﻠﯩﮕﻪن ﻣﯘﻗﻪدەس ﺗﯘﭘﺮاﻗﻨﯩﯔ ﺋﯘﻟﯘﻏﻠﯩﻘﯩﻨﻰ ﺋﯩﺰدەﻳﺪﯨﻐﺎن ﺑﻮﻟﺪى. ﻣﻪن ﮔﻮﻳﺎ ﺟﻪﻧﻪﺗﺘﯩﻦ ﻛﯚﻛﺴﻰ - ﻗﺎرﻧﻰ ﺗﻮﻳﯘﻧﻐﺎن ﺋﺎرﻣﺎﻧﺴﯩﺰ ﭘﻪرﯨﺸﺘﯩﻠﻪردەك، ﺋﻪﺟﺪادلار روﮬﻰ ﺟﻪﻣﻠﻪﻧﮕﻪن ﻏﺎﻳﯩﯟى ﻣﺎﻛﺎﻧﻐﺎ ﺋﺎزاﭘﺴﯩﺰ ﮬﺎﻟﺪا ﺧﺎﺗﯩﺮﺟﻪم ﺋﯘﭼﯘپ ﻛﻪﺗﺘﯩﻢ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-4 16:20

مۇنەۋۋەر ئابدۇق · ۋاقتى: 2012-6-4 18:56:26

قەلبىنۇر ئېلياس · ۋاقتى: 2012-6-5 10:27:30


	ئىزچىل تۈردە دوسلۇق ھىممىتىڭىزنى ئايىمىدىڭىز مىنەۋۋەر ! سىزگىمۇ ئۇتۇق يار بولغاي!

قەلبىنۇر ئېلياس · ۋاقتى: 2012-6-5 10:27:43


	ﺗﯘﻳﻐﯘلارﻏﺎ ﻳﯚﻟﻪﻧﮕﻪن ﺗﻮﻟﯘن ﺋﺎي 1 ﮔﯜزەﻟﻠﯩﻜﺘﯩﻦ ﺗﻪۋەﻟﻠﯘت ﺑﻮﻟﻐﺎن ﺳﯩﺮﻟﯩﻖ ﻛﯧﭽﻪ ﻳﺎرﻗﯩﻨﻠﯩﻘﯩﻐﺎﭼﯩﻦ ﺋﯩﺴﺘﯧﺘﯩﻜﺎ ﺋﺎﺗﺎ ﻗﯩﻠﻐﺎن ﺗﻮﻟﯘن ﺋﺎي ﻧﯘرﻟﯘق ﭼﯧﮭﺮﯨﺪﯨﻦ ﻛﯜﻟﻜﻪ ﻳﺎﻏﺪۇرۇپ، ﺋﯩﻨﺴﺎﻧﯩﻴﻪﺗﻨﯩﯔ ﻣﻪﻳﯩﻦ ﺗﯘﻳﻐﯘﺳﯩﻐﺎ ﺋﺎﺳﺘﺎ ﻳﯚﻟﻪﻧﺪى. ﻗﯘﭼﺎق - ﻗﯘﭼﺎق ﮬﺎﻳﺎﺟﺎن ﮔﯜل دەﺳﺘﯩﻠﯩﺮﯨﻨﻰ ﻛﯚﺗﯜرۈۋاﻟﻐﺎن ۋاﻗﯩﺖ ﭼﯩﻨﻠﯩﻘﻰ ﺳﯧﻐﯩﻨﯩﺶ ﻟﯩﺮﯨﻜﯩﻠﯩﺮﯨﻨﯩﯔ ﻣﻪﻧﺎﻟﯩﺮﯨﻨﻰ ﺋﻮﺧﺸﯩﻤﯩﻐﺎن ۋەزﯨﻨﻠﻪردە ﻳﯧﯖﯩلاپ ﺗﯘردى. ﺑﯩﺮ ﻧﺎدﯨﺮ ﺋﯩﺰﮔﯜ ﺗﯩﻠﻪك ﺗﻮﻟﯘن ﺋﺎي ﺋﯚﭘﭽﯚرﯨﺴﯩﺪە ﺳﺎﻧﺴﯩﺰ ﺳﯚﻳﮕﯜ ﭼﻪﻣﺒﯩﺮﯨﻜﻰ ﮬﺎﺳﯩﻞﻗﯩﻠﯩﭗ، زۇﻣﺮەت ﺋﺎﺳﻤﺎن ﺑﻮﺷﻠﯘﻗﯩﺪا ﺗﻮﻟﯘن ﺋﺎﻳﻨﻰ ﻗﻮرﺷﺎپ ﺗﯘراﺗﺘﻰ. ﺑﯘ ﺑﻪﺋﻪﻳﻨﻰﻣﯘﮬﻪﺑﯩﺰەﺗﭽﻰ ﺋﻪﺳﻜﻪرﻧﻰ ﺋﻪﺳﻠﯩﺘﻪﺗﻰ... 2 ﺋﻪي ﻗﻪﻟﺒﻠﻪرﻧﯩﯔ ﮬﻪﺳﺮەﺗﻠﯩﻚ ﻗﺎراﯕﻐﯘﻟﯘﻗﯩﻐﺎ ﻳﯚﻟﻪﻧﮕﻪن ﺗﻮﻟﯘن ﺋﺎي، ﻧﻪﭘﯩﺲ ﺗﻪﺑﯩﺌﻪﺗﻨﻰ ﺋﺎدەم ﻣﺎﮬﯩﻴﯩﺘﯩﮕﻪ ﻗﻮﻧﺪۇرﻏﺎن ﻟﯩﺮﯨﻜﯩﻠﯩﻖ ﺧﯩﻴﺎل، ﺳﯧﻨﯩﯔﺗﯩﻤﺘﺎﺳﻠﯩﻖ ﺋﯩﻠﻜﯩﺪە ﻧﯘر ﺗﻪﯕﮕﯩﻠﯩﺮﯨﻨﻰ ﺗﺎﺷﻠﯩﺸﯩﯔ ﺋﻪﻗﯩﻞ ﺳﺎﯕﺎ ﺋﺎﺗﺎ ﻗﯩﻠﻐﺎن ﮔﯜزەﻟﻠﯩﻚﺋﯩﻤﺘﯩﻴﺎزى، ﺋﯩﻨﺴﺎﻧﻨﯩﯔ ﭘﺎراﺳﯩﺘﻰ ﺑﻮﻟﻐﺎﺷﻘﺎ ﺳﻪن ﺗﯜن ﭘﻪرﯨﺴﯩﻨﯩﯔ زﯦﻤﯩﻨﮕﻪ ﻗﺎراپ ﺗﻪﻟﭙﯜﻧﮕﻪن ﻧﯘرﻟﯘق ﺟﺎﻣﺎﻟﯩﺪەك ﻛﯚرۈﻧﮕﻪن. ﻣﺎﻧﺎ ﺑﯘ ﻗﯩﻞ ﺳﯩﻐﻤﺎﻳﺪﯨﻐﺎن ﮬﻪﻗﯩﻘﻪت... 3 ﺋﯘ ﺳﯧﻨﻰ ﺗﻮﻟﯘن ﺋﺎي ﺳﯜﭘﯩﺘﯩﺪە ﺗﻪرﯨﭙﻠﯩﺪى. ﺳﻪن ﮔﻮﻳﺎ ﻣﻪدﮬﯩﻴﯩﮕﻪ ﺋﺎﻟﺪاﻧﻐﺎن ﺳﻪﺑﯩﻲ ﻧﺎﺗﯩﯟاﻧﺪەك ﭘﯩﺴﯩﯖﯖﯩﺪە ﻛﯜﻟﺪۈڭ، ﺋﻪﻣﻤﺎ ﺋﯚﻣﭽﻪرﯨﮕﻪن ﻟﯧﯟﯨﯖﺪﯨﻦ ﻗﻪﻟﺒﯩﯖﺪﯨﻜﻰ ﮬﻪﺳﺮەﺗﻠﯩﺮﯨﯖﻨﯩﯔ ﺋﻪﻛﺴﻰﺑﯩﻠﯩﻨﯩﭗ ﺗﯘراﺗﺘﻰ. ﺳﻪن ﺋﺎﺳﺘﺎ ﺋﻪﻳﻨﻪك ﺋﺎﻟﺪﯨﻐﺎ ﻛﻪﻟﺪﯨﯖﺪە ﻛﯚرۈﻣﺴﯩﺰﭼﯩﺮاﻳﯩﯖﺪﯨﻦ ﺗﻪﺋﻪ ﺟﯜﭘﻠﻪﻧﺪﯨﯔ. − ﺳﯧﻨﯩﯔ ﺳﯧﮭﺮﯨﻲ ﻛﯜﭼﯜڭ ﻗﻪﻟﺒﯩﯖﮕﻪ ﭘﯩﭽﻪﺗﻠﻪﻧﮕﻪن، − دﯦﺪى ﺋﻪﻳﻨﻪك زۇۋاﻧﻐﺎ ﻛﯧﻠﯩﭗ، − ﻣﻪﺟﻨﯘنى ﺑﯩﻘﺎرارﻟﯩﻖ ﺋﻮﺗﯩﻐﺎﺗﺎﺷﻠﯩﻐﺎن ﻟﻪﻳﻠﯩﻨﯩﯔ ﮬﯚﺳﻨﻰ ﺋﻪﻣﻪس، ﻗﯩﺰﻟﯩﻖ ﻣﺎﮬﯩﻴﻪﺗﺘﯩﻜﻰ ﻳﯜﻛﺴﻪﻛﻠﯩﻜﻰ − دﯦﺪى ﻳﻪﻧﻪ ﺗﻪﻛﯩﺘﻠﻪپ. ﺳﻪن ﺋﺎﺳﺘﺎ ﺋﺎﺳﻤﺎﻧﻐﺎ ﺗﯩﻜﯩﻠﺪﯨﯔ. ﺗﻮﻟﯘن ﺋﺎﻳﻨﯩﯔﻳﯜزﯨﺪﯨﻜﻰ ﺳﺎﻧﺴﯩﺰ داﻏلار ﻛﯚز ﺋﺎﻟﺪﯨﯖﺪا ﻧﺎﻣﺎﻳﺎن ﺑﻮﻟﺪى. ﺋﻪﻣﻤﺎ ﺋﺎي ﻳﻪﻧﯩلا ﺋﯩﻨﺴﺎن ﺗﻪﺳﻪۋۋۇرﯨﻨﯩﯔ ﮔﯜزەﻟﻠﯩﻚ ﻗﺎﺗلاﻣﻠﯩﺮﯨﻐﺎ ﻳﻮرۇﻗﻠﯩﻘﯩﻨﻰ ﺗﯜﮔﻪل ﭼﯧﭽﯩﭗ ﺗﯘراﺗﺘﻰ. ﺳﻪن ﺷﯘﻧﺪﯨلا ﺗﯘﻳﻐﯘ ﭘﻪردازﻟﯩﺮﯨﻨﯩﯔ ﺋﺎدەﻣﻠﻪرﻧﻰ ﻛﯚرﻛﻪﻣﻠﻪﺷﺘﯜرۈپ ﻛﯚرﺳﯩﺘﯩﺪﯨﻐﺎﻧﻠﯩﻘﯩﻨﻰ ﺋﯧﺘﺮاپ ﻗﯩﻠﺪﯨﯔ. 4 ﺳﻪن ﺋﯘﻧﻰ ﺑﺎر ﺋﯩلاﺟﯩﯔﺑﯩﻠﻪن ﻗﻪﻟﺐ ﻗﻪﺳﺮەﯕﺪﯨﻦ ﻗﻮﻏﻠﯩﺪﯨﯔ، ﺋﻪﻣﻤﺎ ﺋﯘ ﮬﯩﻴﻠﻪ ﺑﯩﻠﻪن ﺳﯧﻨﻰ ﻏﻪﭘﻠﻪﺗﺘﻪ ﻗﺎﻟﺪۇرۇپ ﻳﯜرﯨﻜﯩﯖﻨﯩﯔ ﻗﺎت - ﻗﺎﺗﻠﯩﺮﯨﻐﺎ ﻣﯜﻛﯜﻧﯜۋاﻟﺪى ﺳﻪن ﺋﯘﻧﺘﯘش ﺋﯜﻣﯩﺪﯨﺪە دوﻟﻘﯘﻧلاپ ﺗﯘرﻏﺎن ﮬﯧﺴﻠﯩﺮﯨﯖﻐﺎ ﺗﻮر ﺗﺎﺷﻠﯩﺪﯨﯔ، ﺋﻪﻣﻤﺎ روﮬﯩﯖﻐﺎ ﭼﺎﭘﻠﯩﺸﯩﯟاﻟﻐﺎن ﺳﯚﻳﮕﯜ زەررﯨﭽﯩﻠﯩﺮﯨﮕﻪ ﭘﻪﻗﻪﺗلا ﺋﯩلاج ﻗﯩلاﻟﻤﯩﺪﯨﯔ. ﺳﻪن ﺋﯚزۈﯕﻨﻰ ﺋﻪﻗﯩﻠﺴﯩﺰﻟﻪر ﺳﯜﭘﯩﺘﯩﺪە ﺳﺎﻧﯩﺪﯨﯖﺪە ﺋﻪﺧلاق ﺳﯧﭙﯩﻠﯩﻨﻰﺋﯧﮕﯩﺰ ﺳﻮﻗﯘپ، ﻗﻮرﻏﺎن ﺋﯩﭽﯩﮕﻪ ﺑﯧﻜﯩﻨﯩﭗ ﻳﺎﺷﯩﻤﺎق ﺑﻮﻟﺪۇڭ، ﺋﻪﻣﻤﺎ ﺗﯘﻳﻐﯘﻟﯩﺮﯨﯔ ﺷﺎﻣﺎﻟلاردەك ﻳﯩﺮاﻗلارﻏﺎ ﺋﯘﭼﯘپ ﻛﻪﺗﺘﻰ. ﺳﻪن ﺷﯘﻧﺪﯨلا ﺋﯩﻨﺴﺎﻧﻨﯩﯔﭼﯩﻨﻠﯩﻖ ﺑﯩﻠﻪن روﻣﺎﻧﺘﯩﻜﯩﻠﯩﻖ ﺋﺎرﯨﺴﯩﺪا ﺗﺎﺳﻘﯩﻠﯩﭗ ﻳﺎﺷﺎﻳﺪﯨﻐﺎﻧﻠﯩﻘﯩﻨﻰ ﭼﯜﺷﻪﻧﺪﯨﯔ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-5 10:32

قەلبىنۇر ئېلياس · ۋاقتى: 2012-6-6 15:46:20


	بىزنىڭ يۇلتۇزىمىز ئوماق قىزىمنىڭ چۈچۈك شىۋىرلاشلىرى بىلەن ئۇيقۇلۇق كۆزىمنى قىيا ئاشقان ھالدا چەكسىز ئاسمانغا تىكىلدىم . — ئاپا قارىغىنە يۇلتۇزلارغا ،ئاشۇ يۇلتۇزلار ئارىسىدا ھەر بىر ئادەمنىڭ يۇلتىزى بولىدىكەن ، سەن بىلەمسەن مېنىڭ يۇلتۇزۇم قايسىدۇ؟ قىزىمنىڭ سەبىلىك چىقىپ تۇرغان چىرايىغا تىكىلگىنىمچە پىسىڭىدە كۈلدۈم.كىم سېنىڭ يۇلتۇزۇڭنى ئاسماندا دەيدۇ؟ — ئەمىسە چۆچەكلەردە ئەقىللىق بالىلار ئاسمانغا قاراپ يۇلتۇزىنى ئىزدەيدىكەنغۇ؟ — ئۇ بىر خىيالى تەسەۋۇر ،ئۇلار ئۆزىنىڭ بەختىنى ئاشۇ يۇلتۇزلارغا ئوخشاتقان گەپ. — ئەمىسە سېنىڭ يۇلتۇزۇڭ ئاسماندا ئەمەسمۇ؟ يەنە سورىدى قىزىم . — ياق ئۇ مېنىڭ قەلىب ئاسمىنىمنىڭ پىنھان جايلىرىدا تەنھا چاخناپ تۇرىدۇ.مەن چوڭقۇر ئازاپ دۇربۇنلىرىدا ھەر كۈنى ئۇنى كۈزتىپ تۇرىمەن. — ئانداختا سەن يۇلتۇزۇڭنى ھەر كۈنى كۆرەلەيدىكەنسەن شۇنداقمۇ؟ دىدى قىزىم خوشال بولۇپ. — ياقەي تۇيغۇلىرىم كۆرەلەيدۇ دىدىمەن قەتئىلىك بىلەن . — مەن چۈشىنەلمىدىمغۇ سېنىڭ يۇلتۇزۇڭ نىمانداق مۇرەكەپ دىدى قىزىم تەئەجۈپلەنگەن ھالدا — ئەمەليەتتە بىزنىڭ مەۋجۇتلىقىمىز،ئارزۇ– ئارمان رومانتىكىسىغا يانداشقان رىيال قەدەملىرىمىز،ئاچچىق ئازاب ئىلكىگە يوشۇرۇنغان تاتلىق بەخىت سەزگۈلىرىمىز،كۆز يېشىغا چىلىنىپ تۇرغان تەبەسۈملىرىمىز ، شېرىن كۈتۈشلەرگە تولغان ئۈممۈتلىرىمىز ، بىزنىڭ يۇلتۇزلىرىمىز ... سەن ئاسماندىكى ئاشۇ يۇلتۇزلارغا قاراپ باق ئۇلارنىڭ ھەممىسىلا تەبى نۇر چىقىرالمايدۇ بەلكى قوياش نۇرىنى قايتۇرغان چاغدىكى نۇرلۇق شولىلاردۇر. دىمەك ئېتقات، ئەقىدە ، ئەجىر،ئىشەنچە، ئىزدىنىش دىگەنلەر ئىنسانلارنىڭ يۇلتۇزىنى شەكىلەندۈرىدىغان ئامىللار، بۇلاردىن مەھرۇم بولغان دىللارنىڭ يۇلتۇزى مەڭگۈلىك ئۆچكەن بولىدۇ ...دىدىم قىزىمغا چۈشەندۈرۈپ. كىچىكىمدە يۇلتۇزۇمنى ئىزدەيتىم ھەر ئاخشىمى تەلمۈرۈپ مەن ئاسمانغا تاپالمىدىم تۆۋە دەيمەن ئۈزەمگە نىمە قىلسۇن مېنىڭ بەختىم ئاسماندا... دىگەن ناخشىنىڭ مەنىسىنى چۈشەندىم، ئەمىليەتتە بىزنىڭ يۇلتۇزىمىز روھيەت دۇنيارىمىزدا چاخنىغان ئۈممۈت مەشىلىمىز،ئۇنى تېخىمۇ پارلاقلاشتۇرغان بىزنىڭ ئادىمىلىك پەزىلىتىمىز ئىكەن شۇنداقمۇ ئاپاـ دىدى، قىزىم ماڭا تىكىلىپ تۇرۇپ : — شۇنداق، دىدىمەن مەمنۇن بولغان ھالدا. بىز يۇلتۇزىمىزنى ئاسماندىن ئىزدىمەي ئۆزىمىزنىڭ قەلبىدىن،ھايات يولىدىكى گۈزەل قەدەملىرىمىزدىن ئىزدەيلى... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-6 16:05

مۇنەۋۋەر ئابدۇق · ۋاقتى: 2012-6-6 19:15:26


	ئوقۇتقۇچى ئۇ،دۇنيانى يورۇتقۇچى! بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2012-6-8 14:27

قەلبىنۇر ئېلياس · ۋاقتى: 2012-6-6 19:43:01


	ئۇنىڭ كۇتۋاتقىنى كىم دېڭىز تۈرگۈن-تۈرگۈن دولقۇنلىرىنى يېنىك چاچرىتىپ ،قىز ئولتۇرغان گىرۋەك لېۋىنى يەڭگىل سۆيدى .مەيىن شامالنىڭ رايىغا مەيلىنى ئۇزاتقان يىپەكتەك چاچلا لەرزان يەلپۈنەتتى. چوڭقۇر سېغىنىش ، قىز ئۆپكىسىدىن دەۋرەپ چىققان ھاۋا ئىقىمىدەك پايانسىز ساھىللارنىڭ كەڭلىكىگە تارىماقتا ئىدى . يۇمۇلمىغان قاراقلا، دېڭىزلا چەكسىزلىكىگە تەلپۈنەتتى. يۈرەكلەر سۈكۈت تەكتىدە پارلىغان غايىۋى سىما ئۈچۈن تەلمۈرەتتى. مېنىڭ كۈتكىنىم كىم؟ قىز قوللىرىدا قاماللاپ تۇرۇپ يۇرىكىنى تۇتۇپ باختى . سۆيگۈ ساھىلىغا پالانغان كىچىككىنە قۇشتەك تىپىرلاپ تۇرغا تۇيغۇلىرى، دېڭىز دولقۇنلىرىنىڭ ئالدىغا بىر تال سۆيگۈ ئالمىسىنى لەيلىتىپ ئېقىتىپ كېلىشىنى ئىستەيتى . بىراق ئۇ ئىنسان نەزىرىدىن يىراقلاشقان ، كىبىر زەھىرىگە چىلانغان ،ھىلىگەرنىڭ سېھىر ئالمىسى بولسىچۇ؟ ! بىراق ئۇ ئىمتىياز شېخىدىن ئۈزۈلۈپ ، ھەسەت لېيىغا مىلەنگەن ، ئاندىن نادان تەنتەكنىڭ قولىدا دېڭىزغا تاشلىۋىتىلگەن ھاماقەتلىك ئالمىسى بولسىچۇ؟! بىراق بىراق ... قانداقدۇ دەرگۇمانلىق تەشۋىشلە قىز قىزىقىشىنى تەمتىرتىپ قويدى. ئۇ بىردىنلا ئەندىكىپ كەتتى . ئۇنىڭ ئالدىدا جۇلالىقى بىلەن قەلىب رايىنى ئوغۇرلايدىغان نەيرەڭ ياكى چىنلىقى بىلەن ئۇنىڭ شەيدالىقىنى دەۋرەتكىدەك بېجىرىم ئالمىلارمۇ كۆرۈنمىدى . ئەمما قىز يەنىلا كۈتەتى. بەلكىم تىمتاسلىق ئىچىدە كۈتۈشكە روھنى كۆندۈرۈش قىزلارنىڭ سەۋرىچانلىققا مېلىكلەشكەن ئادىتىدۇر . بۇ خىل روھى تىمتاسلىق ئىچىدە ياشاپ تۇرۇپ، ئۈممۈت زىقى بىلەن ئەقىدىنىڭ تونىنى توقىيدىغان ئادەت ئۇنىڭدىن بۆلەك كىمدە بار؟ كىم سەبىر بوسۇغىسىدايۈكۈنۈپ ئولتۇرۇپ ، ۋاقىتنىڭ ئالتۇن ئاچقۇچىدا ئىزگۈ ئىشىكىنى ئۇنىڭدەك ئاچالايدۇ؟... قىز يىراق- يىراقلارغا تىكىلدى . ئۇنىڭ نەزىرى ئۆز ئەتراپىدىكى بۇژغۇنلارنىڭ تۇترۇقسىزلىقىدىن ۋايىم يېگەن ئىدى. قىز ھېسياتىنىڭ چوڭقۇرلىقىغا لېرىكىلىق پىچىرلىغان دېڭىز بىردىنلا دەرتلىك شىۋىرلاپ ، سۆيگۈ ئىزھارىنى دولقۇنلۇق ئۆرگەشلەرنىڭ باغرىغا تاڭغىنىچە قىز قۇچاقلىرىغا چاچراتتى. بىراق قىز يەنىلا يىراق- يىراقلارغا تىكىلگىنىچە ئولتۇراتتى. ئۇنىڭ كۈتكىنى كىمدۇ؟ دېڭىز شۇندىلا قىز قەلبىدىكى دولقۇنلۇق دېڭىز ئالدىدا ئۆزىنىڭ ئۇنچە تېرەن ۋە چەكسىز ئەمەسلىكىنى ھىس قىلدى. ـــ سىزنىڭ كۈڭۈل پايانىڭىزغا يېتىپ بولالمىدىم قىزچاق ،ئۈنچە - مەرۋائىتلىرىم بىلەنمۇ سىزنى قىزىقتۇرالمىدىم . زۇمرەتتەك كەڭلىكىمدىن نىمە ئىستىگەن بولغىيدىڭىز؟! قىز گويا تىمتاس يىلتىزدىن شۇڭ تارتىپ ،جىممىدە ئېچىلغان بىر تال گۈلدەك ، ھىمزىر- ھىم ئېتىلگەن لەۋلىرىنى ئاچمىدى. نازىنىن خۇلۇق ئۈچۈن شەيدا بولغان ، ساما چەكسىزلىكىدە ئۈزۈپ يۈرگەن ئاپپاق بۇلۇتمۇ كۆڭۈل خىرىدارلىقى قىلىپ ، دېڭىز يۈزىگە يېيىلغان تىلەكلەردەك يۈرۈكىدىكى مەپتۇنكارلىق تۇيغۇلىرىنى قىز نازاكىتىنىڭ مايىللىق ئېتىكىگە تاشلىدى. ئەمما قىزنىڭ كۈتكىنى ئۇمۇ ئەمەستى. پەقەت غايىۋى بىر تىنىقنىڭ روھىنى ئۇچۇرۇپ كەلگەن شاماللارلا قىزنىڭ كۆڭۈل سىرىنى بىلەتتى. دېڭىز بىلەن دېڭىز ئۈستىدە ئاق يەلكەندەك چايقىلىپ تۇرغان بۇلۇت سايىلىرى شاماللاردىن تەڭلا سوراشتى: ئۇنىڭ كۈتۋاتقىنى زادى كىم؟ ــــ ئەركەكلىك دېڭىزىدا ئۈزىۋاتقان ،قەلبى ۋىجدان بىلەن قۇراشتۇرۇلغان ، چوڭقۇر مەسئىۇليەت خۇمدانىدا تاۋلىنىپ،سەمىميەت خىشلىرىدەك ھاياتلىق بېناسى ئۈچۈن بارلىقىنى بېغىشلايدىغان نەۋقىران بىر سېما ــ ،دىدى شامال قىزنىڭ مەخپىيەتلىكىنى ئاشكارلاپ. قىز قەلبىدىكى بۇ غايىبى سېمانىڭ رىيالىشىشىنى ئىستىگەن دېڭىز بىلەن بۇلۇت ھەسەتسىز ھالدا ، شېرىن تىلاۋەتلىرىنى تەڭرىنىڭ دەرگاھىغا قۇش قىلىپ ئۇچاردى. ئىزگۈلىكنىڭ نەمخۇش ھاۋاسىدىن ھوزۇر ئالغان قىز يەنىلا سۈكۈت بىلەن دېڭىزغا قاراپ ئولتىراتتى. ئۇنىڭ كۈتكىنى كىم؟ ئۇ ئەسىرلىك كۈتۈش يولىدا مۈگدەپ قالمايدىغان سانسىز قىزلارنىڭ ئۈمۈدىدەك شۇ قەدەر تەمكىن ۋە شۇ قەدەر جەزبىدار ئىدى... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-11 18:38

قەلبىنۇر ئېلياس · ۋاقتى: 2012-6-7 10:41:52


	چېكىلىش ھايات ئالتۇن بارمىقىدا ئىنسان پىشانىسىگە چېكىپ باقىدۇ .ۋاقىت تارىخ غەلۋىرىدە قەدرى -قىمەتنىڭ جىڭ ساختىسىنى ئايرىيدۇ . چۈشكۈنلىك غالجىر قوشۇنى بىلەن ئىرادىنى مۇھاسىرگە ئېلىپ ،مۇۋاپىقيەتلەرنى چۈشكۈنلۈك تۈرمىسىگە تاشلايدۇ .تەنتەكلىك ئالدۇراڭغۇلۇق تۇيغۇسىغا ئەقىلنى غەرىق قىلىش يولى بىلەن پەزىلەتنىڭ روھىغا پەشۋا ئاتىدۇ. ماھىيەتتە بۇلارنىڭ ھەممىسى ئىنسانىڭ مەنىۋىي پىشانىسىگە چېكىلگەن سىناقنىڭ تەجىربە تاياقچىسى . چېكىلىش ـ بىر-خىل ياشاش سىنىقى. چېكىلىش- بىرخىل رىقابەت ئېڭى. چېكىلىش ـ ھاياتلىق مۇساپىسى ئۈچۈن يېيىلغان پايانداز. چېكىلىش- مۇھەببەت قەدىمىنىڭ باشلىنىشى. ھاياتلىق گاھى ئامەت سۈپىتىدە، گاھى ئاپەت سۈپىتىدە كۆز ئالدىمىزدا جىلۋە قىلىدۇ . تەڭرىنىڭ مېھىر يوشۇرۇنغان بالايى قازالىرىمۇ ماھىيەتتە چىن ئىنسانىڭ سەبرى تاقىتىنى سىناش ئۈچۈن بېرىلگەن پۇرسەت. دىمەك يارالمىشىمىزنىڭ ئۆزى بىر چېكىلىش بوشلۇقىغا تۇتاشقان . چېكىلىش ــ ئالتۇننى ئوتتا ئايرىيدىغان ئۆلچەمدەك بىباھا. چېكىلىش ــ ئىپپەت ئۇلۇغلىقى ئۈچۈن قىممەتلىك تارازا. چېكىلىش ــ ئىشەنچە بېغىنىڭ دەسلەپكى مېۋىسى. چېكىلىش ــ ئىنسان تەبەسۈم بىلەن قوبۇل قىلىش زۈرۈر بولغان ئىشەنچىنىڭ دەسلەپكى ئىنتاھامى ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-7 10:47

ayqeqak · ۋاقتى: 2012-6-7 17:51:55


	قەلبىنۇر نەسىرلىرىڭىزدىن بەھىرلىنىپ كىلىۋاتىمەن . پەلسەپىۋى پىكىرلەر بىلەن يۇغۇرۇلغان نەسىرلىرىڭىز ھەقىقەتەن ياخشى چىقىۋاتىدۇ . نەسىر دىگەن ئوتتا كۈيىۋاتىمىز . ئۇ مانا مۇشۇنداق تەپەككۇرلار بىلەن بىرلەشكەندە بىزنى كۆيدۈرۈپ بىر ئوچۇم كۈلگە ئەمەس ،قېقنۇسقا ئايلاندۇرشى مۈمكىن . ھارمىغايسىز .

مۇنەۋۋەر ئابدۇق · ۋاقتى: 2012-6-8 15:11:26