قەلبىنۇر ئىلياس : نەسرى ئەسەرلىرى

ئا.ھاشىم · ۋاقتى: 2012-6-9 08:37:55


	ئېسىل نەسىرلەركەن

قەلبىنۇر ئېلياس · ۋاقتى: 2012-6-11 11:50:17


	ﺷﺎم ﻛﯩﭽﯩﻚ ﭼﺎﻏﻠﯩﺮﯨﻤﺪا ﻣﻮﻣﺎم ﺋﻪرۋاﮬلارﻏﺎ ﺋﺎﺗﺎپ ﺷﺎﻣلارﻧﻰ ﻳﺎﺳﺎپ، ﭼﺎرﺷﻪﻧﺒﻪ ﻛﯜﻧﻠﯩﺮى ﺋﯚﻳﻨﯩﯔ ﺑﯘﻟﯘڭ - ﭘﯘﺷﻘﺎﻗﻠﯩﺮﯨﻐﺎ ﻳﺎﻧﺪۇرۇپ ﻗﻮﻳﺎﺗﺘﻰ. ﺋﯘ ﭼﺎﻏلاردا ﻣﻮﻣﺎﻣﻨﯩﯔ ﺋﯧﺘﯩﻘﺎد ۋە ﺋﻪﻗﯩﺪﯨﺴﯩﻨﯩﯔ ﻧﻪﻗﻪدەر ﭼﻮﯕﻘﯘرﻟﯩﻘﯩﻨﻰ ﭼﯜﺷﻪﻧﻤﻪﻳﺘﺘﯩﻢ. ﻣﺎﻧﺎ ﮬﺎزﯨﺮ ﻧﻪۋﻗﯩﺮان ﻳﯩﮕﯩﺘﻜﻪ ﺋﺎﻳلاﻧﺪﯨﻢ. ﻣﻮﻣﺎﻣﻨﯩﯔ ﺋﻪرۋاﮬلاردﯨﻦ ﻣﻪدەت ﺗﯩﻠﻪﻳﺪﯨﻐﺎن ﺋﺎﺟﯩﺰﻟﯩﻘﻰ ﻣﺎﯕﺎ ﻳﺎرﯨﻤﺎﻳﺪﯨﻐﺎن ﺑﻮﻟﯘپ ﻗﺎﻟﺪى. ﭼﯜﻧﻜﻰ ﻣﻪن ﺋﯚزۈﻣﮕﻪ ﺋﯩﺸﯩﻨﻪﺗﺘﯩﻢ، ﺋﻪﻗﯩﻞ - ﭘﺎراﺳﯩﺘﯩﻤﮕﻪ ﺋﯧﺘﯩﻘﺎد ﻗﯩلاﺗﺘﯩﻢ. ﻛﯧﻴﯩﻨﭽﻪ ﻣﯘﮬﻪﺑﺒﻪت ﻣﯧﻨﻰ ﺳﯧﮭﯩﺮﻟﯩﺪى. ﻣﻪن ﻗﻪﻟﺒﯩﻤﺪە ﻳﯧﻨﯩﭗ ﺗﯘرﻏﺎن ﺋﯘ ﺷﺎﻣﻨﻰ دﯨﻠﺒﯩﺮﯨﻤﻨﯩﯔ ﻳﯜرﯨﻜﯩﮕﻪ ﻛﯚﭼﯜردﯨﻢ. ﺑﯩﺮاق ﺋﻪﺟﻪل ﺑﻮرﯨﻨﻰ رەﮬﯩﻤﺴﯩﺰﻟﯩﻚ ﺑﯩﻠﻪن ﺷﺎﻣﯩﻤﻨﻰ ﺋﯚﭼﯜرۈپ، ﺋﯘﻧﻰ ﺋﻪرۋاﮬلار دۇﻧﻴﺎﺳﯩﻐﺎ ﺋﯧﻠﯩﭗ ﻛﻪﺗﺘﻰ. ﻣﻪن ﺷﯘ ﭼﺎﻏﺪﯨلا ﻣﻮﻣﺎﻣﻨﯩﯔ ﻗﻪدرﯨﮕﻪ ﻳﻪﺗﺘﯩﻢ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-11 11:51

قەلبىنۇر ئېلياس · ۋاقتى: 2012-6-12 13:14:51


	ئۆرۈك قېقىغا تامغان مېھىر تومۇزنۇڭ ھارارەت يېلىنجاپ تۇرىدىغان ئاپتىۋىدا ، راھەتنى تىلىگەن تەنلەر دەرەخلەر سايىسىدىن ماكان تاپقاندا ،سەن گويا مۇشاققەت ئارشىڭىدىن چىققاندەك چىلىق– چىلىق تەرلىگەن ھالدا باغچاڭنىڭ قاشاسىدىن ئارتىلغىنىڭچە ، ئالتۇن رەڭلىك ئۆرۈكلەر لىپمۇ–لىق تولغان كىچىك چېلىكىڭنى كۆتۈرۈپ چىقىپ كەلدىڭ... شۇنچە تىمەن ھەركەتلىرىڭ بىلەن كۆزۈمنى قاماشتۇرغان مۇلايىم تەبەسسۈملىرىڭ ئالدىدا ،ئادىمىلىكىمنىڭ شېرىن سالام سائەتلىرى شۈررىدە ئېرىپ، ئالدىڭغا ئېگىلىپ چۈشتى .مەي باغلىغان قەلبىمنىڭ سۆيگۈ دەرىخىدىن ئۈزۈلۈپ چۈشكەن تاتلىققىناڭ سۆزۈم بىلەن سېنىڭ ئارزۇلىرىنى چوقچىلىغىم كەلدى. —چارچىمىدىڭمۇ مۇما ؟ سەندەك مۇمايلا ئورنىدىن قوپالمايدۇ .سەن تېخى ئۆرۈك تېرىپ يۈرۈپسەن — "مېنى تىمەنلەشتۈرگەن ھەركەت بالام ھەركەت،شۇڭا ئىشلىرىمدا بەركەت يېغىپ تۇرىدۇ "– دېدىڭسەن گويا تەجىربىلەر دەستۇرىنى يادلاۋاتقاندەك... — ھەقىچان مۇمام قېرغاندا ئارام ئالماي ، جاپاغا يۈگرەيدۇ دېگەن رەنجىشلەر قەلبىڭدە دولقۇنلىسا كېرەك ، بۇمۇ سېنىڭ كۆيۈمچانلىقىڭ شۇنداق ئەمەسمۇ قوزام؟ ئەمما مېنىڭ تېرىكچىلىك ھەققىدىكى قاراشلىرىمغا قۇلاق سال ! تۇرمۇش ئەقىلنىلا ئەمەس ئىنسان جىسمىنىمۇ تاۋلايدىغان جەڭگاھ ،بىز ئۇنىڭ مۇۋاپىقيىتىگە تىنىمسىز ھەركىتىمىز بىلەن ئېرشەلەيمىز . قېرلىق– ئىنسان خوراشلىرىنىڭ ئاخىرقى چېكى بىراق ئۆلۈمنى ۋەھىمە بىلەن كۈتۈپ ئولتۇرساڭ تەشۋىشلەرنىڭ قارا تۈنلىرى ساڭا ئۇزاق بىلىنىپ كېتىدۇ شۇڭا ھەركەتكە روھىڭنى زورلىساڭ ، ھەربىر خىيالىڭدا ئازغىناڭ بولسىمۇ باشقىلارغا بىرەر ئىش قىلىپ بېرىش تىلىكىدە يانساڭ ، ئۈزۈڭنى كۈندۈن كۈنگە ياشىرۋاتقاندەك ھىس قىلىسەن ... مۇمامنىڭ دۇردانىدەك ئىبارىلىرى بىردىنلا سېلىشتۇرما تەسەۋۇرۇمنىڭ ئىشىكىنى ئاشتى . مەن جەميەت قاتلىمىدىكى بىر قىسىم كىشىلەرنىڭ روھى دۇنياسىدىكى زەئىپلىك ، پۈچەكلىك ۋە مىشچانلىق بىلەن مۇمام ئېڭىدىكى ئىلغارلىقلارنى پەرىقلەندۈرۈپ باختىم . بىردىنلا مۇمام ئاددى ئاياللىق نىقابى بىلەن كۆز ئالدىمدا زاھىر بولغان ،تەسەۋۇرۇمدىكى سۆيۈملىك پەيلاسۇپقا ئايلانغان ئىدى.مەن مەمنۇنيەت قورشىۋالغان قارچۇقلىرىمنى مۇمامغا تىككىنىمچە ئۇنىڭ ھەركەتلىرىنى داۋاملىق كۈزەتمەكتىمەن ... ئەنە مۇمام ھۈرەك باسقان قوللىرى بىلەن ئۆرۈكلەرنى ئاۋايلاپ يېرىپ ئالدىدىكى تاختاي پارچىسىغا قاق يېيىپ ئولتىرىدۇ. بۇ قوللاردا ئاياللىق خىسلىتى يۇقالمىغان مەزلۇملارنىڭ سىپايلىغى،مېلىكىلەشكەن چېچەنلىكنىڭ چەبدەسلىكى،ئىنسانغا رىزىق ئاتا قىلىپ بەرگەن تەڭرىگە ئوقۇلىدىغان ئىبادەت تەسۋىسىنى سېرىغاندەك رىتىملىق ھەركەت داۋاملاشماقتا... مەن مۇمام يىنىدا ئولتۇرۇپ ياردەملەشكەش مۇمامنى يەنە گەپكە سالدىم . — ئۈرۈك قېقىنى نىمىشقا ئاپتاپتا قۇرتىمىز مۇما؟ — قوياشتەك ئۇلۇغ نەرسە يوق ،ئۇنىڭ ھەربىر زەرىچىلىرىدىن شىپا تارايدۇ ،ئاپتاپتا قۇرىغان قاقنىڭ دورلىق قىممىتى يۇقۇرى بولىدۇ ئەڭ مۇھىمى بۇ قاقلارغا مۇماڭنىڭ قەلىب قوياشىدىكى مىھىر تامغان بۇنىڭغا ئىشىنەمسەن قوزام؟ مەن بۇ قاقلارنىڭ بىر قىسمىنى سېتىپ ئۇكىلىرىڭغا دەپتەر قەلەم ئېلىپ بېرەي دەيمەن، قالغىنىنى ساخلاپ قويىمەن .دىدىڭسەن پىلانىڭنى يوشۇرماي . — ساخلىغاننى ئۈزۈڭ يېمەيسەن ھەقىچان؟ سېنىڭ قاق چىشلىگىدەك چىشلىرىڭ بولمىسا بۇمۇ نەۋىرلىرىڭگىدۇ ؟ —ئۆرۈك سالدىم ئاپتاپقا قۇرۇپ قالسۇن قاقلىرىم كېلىپ يەڭلار كۆڭلۈمنى گۈللىرىم ،ساياقلىرىم دىمەيمەنمۇ بالام . ھەر بىر كېلىشىڭلاردا بىر سىقىمدىن قاق شورىساڭلار مۇماڭنىڭ ھاردۇقى چىقىدۇ ھاردۇقى ... شۇ تاپ لېۋىڭدىن بىر مۇنچە سۆز مەرۋائىتلىرىنىڭ ئېتىلىپ چىقىشلىرىغا ھەيران قالدىم . ئەڭ ئاددى قوشاق شەكلىگە سىڭىپ كەتكەن سۆيگۈڭنىڭ تېرەنلىكىگە ئالەم دېڭىزلىرىنىڭ چوڭقۇرلىقى تەڭ بولالمايدىغانلىقىغا ئىشەندىم . قەلبىمنىڭ قات– قېتىدىن ئۇرغۇپ چىققان ھاياجان تىترەكلىرى بىلەن سېنى مەھكەم قۇچاغلىۋالدىم . —مۇما قوشاقلىرىڭنىمۇ مىراس قالدۇرۇشنى ئۇنتىما ، مەنىۋى كۆچىتىمىزنىڭ غوللىرى ئۇنىڭ بىلەن تومملاشسۇن دىدىممەن ئىلتىجالىق تىلەكلىرىم بىلەن مۇمامغا تىكىلىپ. — شېكەر دەملەنگەن گەپلىرىڭدىن ئايلىناي بالام ! ئېتەكلىرىم قوشاقلارغا تولغان، مۇھەببەتلىك قوللىرىمدا سىقىمداپ ئېلىپ باشلىرىڭلاردىن چاشقا قىلىپ چاچىمەن خۇددى ئۆرۈك قاقلىرىدەك دېدىڭسەن كۈلۈمسىرەپ ... مەن چەكسىز بىر ناتىقلىق تاختىيىغا يېيىلۋاتقان ،مەنىۋى بېغىڭدا ، پەزىلەت قوياشىڭنىڭ تەپتىدە بېجىرىم پىشىپ ، ساپ– سېرىق جىلۋىلەر بىلەن جىلۋىلەنگەن ئۆرۈك قاقلىرىغا ھەۋەسلىنىپ قارىدىم ، ئۇنىڭ چۈچىمەل تەملىرىگە سېنىڭ ھېكىمەت پۇرايدىغان قوشاقلىرىنىڭ شېرىن تەملىرى جەزمەن سىڭىپ كەتكەن ، شۇڭا يامغۇردا قارىداپ قالغانلىرى بولسىمۇ زايە قىلماي ھەۋەس بىلەن تامشىپ تۇرۇپ يەيمەن... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-12 13:23

مۇنەۋۋەر ئابدۇق · ۋاقتى: 2012-6-12 13:43:52

مەلىكە مۇھەممەت · ۋاقتى: 2012-6-13 08:35:05


	نەسىرىڭىزنىڭ ھەممىسى يىقىشلىق.ھەر بىر نەسىردىكى ھىسلار تەبىئىي،كەيپىيات ئۇقۇرمەنگە يىقىن ،تىلى ئاددىي ،سۈيۈملۈك .گۈزەللىككە يىتىلەپ كىتىشى مېھرلىك بوپتۇ. بۇ يازمىنى ئاخىرىدا ئايزىت تەھرىرلىگەن. ۋاقتى 2012-6-13 08:36

ئابدۇخېلىل · ۋاقتى: 2012-6-13 09:24:29


	قەلبىنۇرنىڭ نەسىرلىرىنى ئىلگىرى كۆپ كۆرگەن بولساممۇ ، يېقىندىن بېرى كۆرەلمەپتىمەن . يۇقىرىقى نەسىرلەر قەلبىنۇرنىڭ نەسىر ئىجادىيىتىدىكى ئىلگىرلىشىنىڭ نەمۇنىسى بولالايدىكەن . قەلبىنۇرنىڭ نەسىرچىلىكىمىزدە ئۆزىگە خاس پەللە يارىتالايدىغان قەلەم ساھىبەلىكىگە ئىشىنىمەن . قەلبىنۇرغا ساقلىق ، خاتىرجەملىك ۋە كۆڭۈل ئازادىلىكى مەڭگۈ يار بولسۇن .

قەلبىنۇر ئېلياس · ۋاقتى: 2012-6-13 11:43:40


	دوستلۇق رىشتى ( مۇنەۋۋەر ئابدىقادىرغا بېغىشلاپ) قەلىب رامكىڭىزدىكى نۇرانە قىياپىتىمگە قاراپ تاڭ قالدىم . ئىستېتىك پەردەزگە تولغان تۇيغۇلىرىڭىزنىڭ نۇرانىلىقى ئەقلىمنى ئازدۇردى . بىر مېھرىبان تىلەكنىڭ قانىتىغا ئۇچۇپ قونغاندەك پەرۋازلانغان مەدھىيەلىرىم، بىر بۈيۈك مۇنەۋەرلىك ئالدىدا مەپتۇنلۇق يىپىغا باغلاندى. دوسلۇق شۇنداق بېباھا دەپ، شېۋىرلىدى ۋىسال تەشنالىقىنى ئۇچۇرۇشقا ئامراق شاماللار. دوسلۇق ئەقىل قوللىرىدا تۇتاشقان نىشان گۈلدەستىسىنى سىقىمدىغان ئەقېدە،ـ دېدى ئورمانلار . دوسلۇق كۈيىنى چالدى ،پىكىر باياۋانىدا گىرەلەشكەن ئارمانلا . دوسلۇك پايانىدا مەن قۇياش ،سىز ئاي بولۇڭ ،مېرىمىزدىن ئورتاق نۇرغا تولسۇن ئاسمانلار... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-13 14:04

قەلبىنۇر ئېلياس · ۋاقتى: 2012-6-13 11:50:34


	ئەسەرلىرىمنى ياختۇرغان ۋە ياخشى تىلەكلىرىنى ھەدىيە قىلغان زۆھرەگۈل، ئايچېچەك، ئا ھاشىم، ئايزىت ۋە ئابدىخېلىل قاتارلىق دوسلارغا تەشەككۈر!

قەلبىنۇر ئېلياس · ۋاقتى: 2012-6-14 16:17:04


	ﭼﯩﻦ ﺳﯚﻳﮕﯜﻧﯩﯔ ﻛﯚزى ﻗﺎرﯨﻐﯘﻣﯘ؟ ﻛﯧﻠﻪرﻛﻪن دۈﻣﭽﻪك ﻳﯧﮕﯩﺖ، ﺷﯩﺮﯨﻦ ﺋﺎرزۇﺳﯩﻨﻰ ﻳﯜدۈپ، ﭘﺎﻳﺎﻧﺴﯩﺰ ﺋﺎزاﭘﻨﯩﯔ ﭼﯩﻐﯩﺮ ﻳﻮﻟﯩﺪا. ﺋﺎﺳﻘﯩﻐﺎن ﭘﯘﺗﯩﻨﻰ ﺋﺎۋاﻳلاپ ﻳﯚﺗﻜﻪپ ﻛﯧﺘﯩﭗ ﺑﺎرارﻛﻪن، ﮬﺎﻳﺎﺗﻠﯩﻘﻨﯩﯔ ﺋﻪﮔﺮى - ﺗﻮﻗﺎي داۋاﻧﻠﯩﺮﯨﺪا. ﺳﯩﺮداﺷﻜﻪن ﺋﺎﯕﺎ ﺗﻪﻧﮭﺎ ﺧﯩﻴﺎﻟلار، ﻟﻪۋﻟﯩﺮﯨﮕﻪ ﻟﻪۋ ﻳﺎﻗﺎر ﺋﯩﻜﻪن ﭼﻪﻛﺴﯩﺰ ﻏﯧﺮﯨﭙﻠﯩﻖ. روﮬﯩﻨﺎت ﺳﯜﻛﯜﻧﺎﺗﯩﺪا دۈﻣﻠﻪﻧﮕﻪن ﺋﯩﺸﯩﻖ، ﮔﺎﮬﻰ ﭼﺎﻳﻘﯩﻠﯩﭙﺘﯘ دﯦﯖﯩﺰدەك ﮔﻮﻳﺎ، ﺋﯘﻧﯩﯖﺪﯨﻦ ﭼﺎﭼﺮاﻳﺪﯨﻜﻪن ﺋﺎﻟﻪﻣﭽﻪ ﭘﻪرﻳﺎت. ﭼﯜﻧﻜﻰ ﻧﺎﻛﺎر ﺑﻮﻟﺴﯩﻤﯘ ﺋﯩﻨﺴﺎن ﻗﻪۋﻣﯩﺪﯨﻦ ﺗﺎﻣﻐﺎن ﺑﯩﺮ ﺋﯘرۇغ، ﻣﯘﮬﻪﺑﺒﻪﺗﺘﯩﻦ ﺗﯚرەﻟﮕﻪن ۋۇﺟﯘد، ﺋﯘﻧﯩﯖﺪﯨﻤﯘ ﺋﯩﻨﺴﺎﻧﯩﻲ ﺗﯘﻳﻐﯘ، ﮬﯧﺴﺴﯩﻴﺎت ﺋﯚرﻛﻪﺷﻠﯩﺮى ﺑﺎر ﺋﯩﻜﻪن ﺗﻮﻟﯘق. ﺷﯘﯕﺎ ﻛﯚﻳﯜپ ﻗﺎﭘﺘﯘ ﺑﯩﺮ ﺋﻮﻣﺎق ﻗﯩﺰﻏﺎ ﮔﻮﻳﺎ ﻛﯚﻳﮕﻪﻧﺪەك ﺷﯧﺮﯨﻨﻐﺎ ﭘﻪرﮬﺎت. ﺷﯘﯕﺎ ﺋﻮﻗﺎرﻛﻪن ﺋﯩﺸﺸﯩﻖ ﺗﯚﻛﯜﻟﮕﻪن ﻟﻪۋﻟﯩﺮﯨﺪﯨﻦ، ﺋﯩﭻ - ﺋﯩﭽﯩﺪﯨﻦ ﺋﯚرﺗﯩﻨﯩﭗ ﻣﯘﻧﺪاق ﻣﯘﻧﺎﺟﻪت: ﺳﺎﻣﺎۋى ﺧﯩﻴﺎﻟلار ﻳﻪﻟﭙﯜﻧﻪر ﮔﻮﻳﺎ، پەرىزات ﭼﯧﭽﯩﺪەك ﺋﻮرﻣﺎﻧﺰار ﺋﺎرا. ﻧﺎزﻏﯩﻐﺎن ﺑﯩﺮ ﺋﺎرﻣﺎن ﺋﺎﺷﯘ ﻣﺎﻛﺎﻧﺪا، ﻗﯩﻠﯩﺪۇ ﺋﯩﺒﺎدەت ﺳﯚﻳﮕﯜﮔﻪ ﺗﻪﻧﮭﺎ. ﻣﯧﻴﯩﭗ ﺑﺎﻟﯩﻨﯩﯔ ﺋﯩﺸﻘﻰ ﭘﯩﺮاﻗﻰ، ﺑﻮﻟﯘﭘﺘﯘ ﺋﺎﺷﻜﺎرا ﺗﻪﯕﺘﯘﺷﻠﻪر ﺋﺎرا. ﻛﯚﻟﻪﯕﮕﻪ ﺗﺎﺷلاﭘﺘﯘ ﻛﯩﺒﯩﺮ ﺗﯘﻳﻐﯘﺳﻰ، ﺳﻪﻣﯩﻤﯩﻲ ﻳﯜرەﻛﻜﻪ ﺧﯩﺮاﻣﺎن ﺷﻮلا. ﺗﻪﻛﻪﺑﺒﯘر ﻛﯜﻟﯜﺷﻠﻪر ﻣﻪﻧﺴﯩﺘﻤﯩﮕﻪﻧﺪەك، ﺷﯩﯟﯨﺮلاپ ﻗﯘلاﻗﺘﯩﻦ - ﻗﯘلاﻗلار ﺋﺎرا، «ﭼﯩﻤﻪﻧﮕﻪ ﺋﺎﺷﯩﻘﻤﯩﺶ›› دﯦﮕﻪن ﺑﯩﺮ ﺳﺎدا، ﻗﯩﻠﯩﭙﺘﯘ ﻳﯩﮕﯩﺘﻨﯩﯔ ﺑﺎﻏﺮﯨﻨﻰ ﻳﺎرا... ﻳﯧﺘﯩﭙﺘﯘ ﺑﯘ ﺧﻪۋەر ﭼﯩﻤﻪن ﻗﯩﺰﻏﯩﻤﯘ، ﺗﻪﺋﻪﺟﯘپ ﺋﯩﻠﻜﯩﺪە ﺗﯩﯖﯩﺮﻗﺎپ ﻗﺎﭘﺘﯘ. «ﺑﯩﺮ ﻣﯧﻴﯩﭗ ﺋﺎﺷﯩﻘﻜﻪن ››دﯦﮕﻪن ﺳﺎدالار ﭼﯩﻤﻪﻧﻨﯩﯔ ﺋﻪﻗﻠﯩﻨﻰ ﻟﻪرزﯨﮕﻪ ﺳﺎﭘﺘﯘ. ﺷﯘﯕﺎ ﺋﯘ داﻧﺎﻟﯩﻖ ﺋﺎﻟﺒﻮﻣﯩﻨﻰ ۋاراﻗلاپ، ﻗﻪدﯨﺮدان ﺋﯘﺳﺘﺎزﯨﻨﯩﯔ ﻣﻮﻧﯘ ﻛﻪﻟﯩﻤﯩﺴﯩﻨﻰ ﺋﻪﺳﻜﻪ ﺋﺎﭘﺘﯘ: ﺗﻪن ﻧﺎﻛﺎﺳﻰ ﺋﺎدﯨﻤﯩﻴﻠﯩﻚ ﺋﯩﻠﻠﯩﺘﯩﻨﯩﯔ ﺋﯚزى ﺋﻪﻣﻪس، ﺋﯩﻜﻜﯩﻠﻪﻧﻤﻪي ﺳﯘﻳﮕﯩﻦ ﺋﯘﻧﻰ ﻗﻪﻟﺒﻰ ﺑﻮﻟﺴﺎ ﺑﻰ ﻧﺎﻛﺎ. ﭼﯩﻤﻪن ﺗﯩﺘﺮﯨﮕﻪن ﻗﻮﻟﻠﯩﺮﯨﺪا ﻳﯜرﯨﻜﯩﻨﻰ ﺳﯩﻘﯩﻤﺪاﭘﺘﯘ، ﻣﯘﮬﯩﻤﻰ ﻳﯩﮕﯩﺘﻨﯩﯔ ﺋﯩﻨﺴﺎﻧﯩﻲ ﺧﯩﺴﻠﯩﺘﻰ دﯦﮕﻪن ﺧﯩﻴﺎل ﺋﯘﻧﯩﯔ ﻛﺎﻟﻠﯩﺴﯩﻨﻰ ﭼﯘﻟﻐﯘۋاﭘﺘﯘ. ﺷﯘﯕﺎ ﻣﻪرداﻧﯩﻠﯩﻖ ﺑﯩﻠﻪن ﻳﯩﮕﯩﺖ ﻛﻪﺗﻜﻪن ﺗﻪﻧﮭﺎﻟﯩﻖ ﺋﻮرﻣﺎﻧﺰارﻟﯩﻘﯩﻐﺎ ﺑﯧﺮﯨﭗ، ﭼﻮﯕﻘﯘر ﻣﯘﻧﺎﺳﯩﯟەت ﻗﺎﻳﻨﯩﻤﯩﺪا ﺋﯘﻧﯩﯔ ﭘﻪزﯨﻠﯩﺘﯩﻨﻰ ﺋﻪﻗﯩﻞ ﺗﺎرازﯨﺴﯩﻐﺎ ﺳﺎﭘﺘﯘ. ﻳﯩﻠﯩﻨﺠﺎپ ﺗﯘرﻏﺎن ﺳﻪﻣﯩﻤﯩﻴﻪت، ﻣﻪرۋاﻳﯩﺘﺘﻪك ﺳﺎپ ﺋﻪﻗﯩﺪە، ﺳﺎﻟﻤﺎق ﻗﯩﻴﺎﭘﻪﺗﻜﻪ ﺳﯩﯖﮕﻪن ﮔﯜزەل ﺧﯘﻟﯘق، ﻛﻪڭ ﻗﻮرﺳﺎﻗﻠﯩﻖ ۋۇﺟﯘدﯨﺪا ﭘﯩﺸﯩﭗ ﻳﯧﺘﯩﻠﮕﻪن ﺋﺎدﯨﻤﯩﮕﻪرﭼﯩﻠﯩﻚ ﻗﯩﻤﻤﯩﺘﻰ، ﻣﯘﺳﺘﻪﮬﻜﻪم ﺋﯩﺮادﯨﺪﯨﻦ ﺋﺎداﺷﻤﯩﻐﺎن ﻗﻪﻳﺴﻪر روھ، ﭼﯩﻤﻪﻧﻨﯩﯔ ﺳﯚﻳﮕﯜ ﺑﯘلاﻗﻠﯩﺮﯨﻨﻰ ﺋﻮﺧﭽﯩﺘﯩﭗ، ﺋﯘﻧﯩﯔ ﻛﯚﯕﯜل ﺗﯘﭘﺮﯨﻘﯩﺪا ﻣﯘﮬﻪﺑﺒﻪﺗﻨﯩﯔ ﻳﯘﻣﺮان ﭼﯩﻤﻪﻧﻠﯩﺮﯨﻨﻰ ﺋﯜﻧﺪۈرۈﭘﺘﯘ. ﮔﯩﺮەﻟﻪﺷﻜﻪن ﺋﻮرﺗﺎق ﺋﯩﺪﯨﻴﯩﯟى ﮬﯧﺴﺴﯩﻴﺎت ﺋﯘلارﻧﯩﯔ ۋﯨﺴﺎل ﻛﯜﻧﻠﯩﺮﯨﻨﻰ ﻛﯜﻟﺪۈرۈﭘﺘﯘ، ﺑﻪﺧﺖ ﮬﻮﺟﺮﯨﺴﯩﺪا ﭼﯩﻦ ﻣﯘﮬﻪﺑﺒﻪﺗﻨﯩﯔ ﺧﯘﺷﺒﯘي ﮔﯜﻟﻠﯩﺮﯨﻨﻰ ﺋﯧﭽﯩﻠﺪۇرۇﭘﺘﯘ... «ﻣﯘﮬﻪﺑﻪﺗﻨﯩﯔ ﻛﯚزى ﻗﺎرﯨﻐﯘﻛﻪن›› دﯦﻴﯩﺸﯩﭙﺘﯘ ﭼﯩﻤﻪﻧﻨﻰ دەپ ﺋﯘﺳﺴﯩﻐﺎن ﻟﻪۋﻟﻪر ﺳﯘﺳﯩﺰ ﻗﺎﻟﻐﺎن ﭼﯚﻟﺪەك ﻗﺎﻏﺠﯩﺮاپ. «ﻣﺎس ﻛﻪﻟﻤﻪﭘﺘﯘ، ﮬﻪي ﺋﯧﺴﺖ، ﺳﯘﻣﺒﺎﺗﯩﯖﻐﺎ ﮔﯜل ﭼﯩﻤﻪن، ﺳﺎﯕﺎ ﺋﻪﺳﻠﯩﻲ ﺧﺎس ﺋﯩﺪى ﻧﺎﻛﺎر ﺋﻪﻣﻪس ﺑﯩﺮ ﺗﯩﻤﻪن›› دﯦﻴﯩﺸﯩﭙﺘﯘ ﺋﯘلارﻧﯩﯔ ﻛﻪﻳﻨﯩﺪﯨﻦ ﺗﯩﻜﯩﻠﮕﻪن ﻛﯚزﻟﻪر ﮬﻪﻳﺮەت ۋە ﮬﻪﺳﺮەت ﺋﯩﻠﻜﯩﺪە ﭘﯘﭼﯘﻟﯩﻨﯩﭗ . ﺋﻪﻣﻤﺎ ﭼﯩﻤﻪﻧﯩﯔ ﻏﯘﺑﺎرﺳﯩﺰ ﻗﻪﻟﺒﯩﺪە ﻳﯧﺘﯩﻠﮕﻪن ﺑﺎراۋەرﻟﯩﻚ ﺗﯘﻳﻐﯘﺳﻰ، ﭘﻪرﻗﺴﯩﺰ ﻣﯘﺋﺎﻣﯩﻠﯩﺴﻰ ﻧﺎﻛﺎر ﺗﻪﻧﻨﯩﯔ ﺧﯘدۈﻛﺴﯩﺮەش ﺗﯘﻳﻐﯘﻟﯩﺮﯨﻨﻰ ﮔﯘﻣﺮان ﻗﯩﻠﯩﭗ، ﺋﯘﻧﯩﯔ ﭘﻪزﯨﻠﯩﺘﯩﺪە ﻳﯩﻤﯩﺮﯨﻠﻤﻪس ﻣﯘﮬﻪﺑﺒﻪت ﻗﻮرﻏﺎﻧﯩﻨﻰ ﺑﻪرﭘﺎ ﻗﯩﭙﺘﯘ. ﺋﯚزﯨﻨﯩﯔ ﺋﺎدﯨﻤﯩﻴﻠﯩﻚ ﻗﻪدﯨﺮ - ﻗﯩﻤﻤﯩﺘﻰ ۋە ﺳﻪﻣﯩﻤﯩﻲ ﺳﯚﻳﮕﯜﺳﯩﻨﯩﯔ ﻗﻪدﯨﺮﻟﻪﻧﮕﻪﻧﻠﯩﻜﯩﺪﯨﻦ ﺳﯚﻳﯜﻧﮕﻪن ﻳﯩﮕﯩﺖ ﺋﯩﺸﻪﻧﭻ ﻛﻪﻣﯩﺮﯨﻨﻰ ﺑﯧﻠﯩﮕﻪ ﺑﺎﻏلاپ، ﺋﯩﺠﺎد ﺑﯧﻐﯩﻨﯩﯔ ﭘﺎﺳﯩﺒﺎن ﺑﺎﻏﯟﯨﻨﻰ ﺑﻮﻟﯘش ﺋﯜﭼﯜن ﺋﻪﻗﯩﻞ ﺋﯘرﯨﻘﯩﻨﻰ ﻣﻪدەﻧﯩﻴﻪت ﺗﯘﭘﺮﯨﻘﯩﻨﯩﯔ ﺑﺎﻏﺮﯨﻐﺎ ﻛﯚﻣﯜﭘﺘﯘ. ﺋﯘﻧﯩﯖﺪﯨﻦ ﺋﺎﺟﺎﻳﯩﭗ ﺧﯩﺴﻠﻪﺗﻠﯩﻚ ﺑﯩﺮ ﺑﯩﺦ ﻳﯧﺸﯩﻠﻠﯩﻖ ﺋﺎﻟﯩﻤﯩﮕﻪ ﻛﯚز ﺋﯧﭽﯩﭙﺘﯘ... ﻣﯘۋاﭘﭙﻪﻗﯩﻴﻪﺗﻨﯩﯔ ﺋﺎﻟﺘﯘﻧﺮەڭ ﺷﯘﯕﻠﯩﺮى ﺋﻪﺗﺮاﭘﻘﺎ ﻳﯧﻴﯩﻠﯩﭗ، ﺳﻪﻣﯩﻤﯩﻴﻪت ﺳﺎﻳﯩﺴﻰ ﺑﯩﻠﻪن ﺗﻮﻟﻐﺎن ﺑﺎراﻗﺴﺎن ﻳﺎﭘﺮاﻗلار ﻛﯜﻧﺴﺎﻧﺎپ ﻳﻮﻏﯩﻨﺎﭘﺘﯘ. ﺑﯘ ﭼﺎﻏﺪا ﺋﯩﻨﺴﺎﻧﯩﻴﻪت ﺗﻮﭘﯩﻨﯩﯔ ﺳﻪرﺧﯩﻠﻠﯩﺮى ﮬﯧﺴﺪاﺷﻠﯩﻖ ۋە رﯨﻐﺒﻪﺗﻠﻪﻧﺪۈرۈﺷﻜﻪ ﺗﻮﻟﻐﺎن ﮔﯜل دەﺳﺘﯩﻠﻪرﻧﻰ ﺑﻪس - ﺑﻪس ﺑﯩﻠﻪن ﺋﯘﻧﯩﯖﻐﺎ ﺳﯘﻧﯘﺷﯘﭘﺘﯘ، ﺋﻪﻣﻤﺎ ﻳﯩﮕﯩﺖ ﺑﯘ ﮔﯜﻟﺪەﺳﺘﯩﻠﻪرﻧﯩﯔ ﮬﻪﻣﻤﯩﺴﯩﻨﻰ ﺳﯚﻳﮕﯜ ﻳﯩﭙﻠﯩﺮﯨﺪا ﺑﯘزۇﻟﻤﺎس ﮔﯜل ﭼﻪﻣﺒﯩﺮەك ﻗﯩﻠﯩﭗ ﻳﺎﺳﺎپ ﭼﯩﻤﻪﻧﻨﯩﯔ ﺑﻮﻳﻨﯩﻐﺎ ﺋﯧﺴﯩﭗ ﻗﻮﻳﯘﭘﺘﯘ. ﺳﯚﻳﮕﯜ ﭼﯩﻤﻪﻧﻠﯩﺮﯨﺪە ﺋﻮﺗلاۋاﺗﻘﺎن ﻛﯩﻴﯩﻚ ﻛﻪﺑﻰ ﺷﻮخ ﮬﯧﺴﺴﯩﻴﺎت ﭼﯩﻤﻪﻧﻨﯩﯔ ﻳﺎﻗﯘﺗﺘﻪك ﻟﻪۋﻟﯩﺮﯨﺪﯨﻦ ﭼﺎﭼﺮاپ، ﻣﯧﻴﯩﭗ ﻳﯩﮕﯩﺘﻨﯩﯔ ﻟﻪۋﻟﯩﺮى ﺋﺎرﻗﯩﻠﯩﻖ ۋۇﺟﯘدﯨﻐﺎ ﺗﺎراﭘﺘﯘ. − ﭼﯩﻦ ﺳﯚﻳﮕﯜﻧﯩﯔ ﻛﯚزى ﻗﺎرﯨﻐﯘ ﺋﻪﻣﻪس، ﺋﻪﮔﻪر ﺳﻪن ﺋﯚز ﭘﻪزﯨﻠﯩﺘﯩﯖﻨﯩﯔ ﺑﺎزﻏﯩﻨﯩﺪا ﺳﻮﻗﯘﻟﻐﺎن ﻳﯜرﯨﻜﯩﯖﻨﯩﯔ ﺋﻪﻛﺴﯩﻨﻰ، ﺋﯚزۈﯕﻨﻰ ﺋﯧﺘﯩﺮاپ ﻗﯩلالاﻳﺪﯨﻐﺎن ﺳﻪﻣﯩﻤﯩﻲ ﻛﯚزﻟﻪرﻧﯩﯔ ﻗﺎرﭼﯘﻗﯩﺪﯨﻦ ﻛﯚرەﻟﯩﺴﻪڭ، − دەپ ﺷﯩﯟﯨﺮلاﭘﺘﯘ ﻳﯩﮕﯩﺖ ﻣﻪﻣﻨﯘﻧﯩﻴﻪت ﺑﯩﻠﻪن. ﭼﯩﻤﻪن ﮔﻮﻳﺎ روﮬﯩﻴﻪت ﻏﺎﻟﯩﭙﻠﯩﻘﯩﺪا ﻗﯘﻟﯘﭘلاﻧﻐﺎن ﺋﻪﻗﯩﺪﯨﺴﯩﻨﻰ ﺗﻮﻟﯘق ﺋﯧﭽﯩﯟەﺗﻜﻪن ﮬﺎﻟﺪا ﻳﯩﮕﯩﺘﻨﯩﯔ ﺋﯜﻣﯩﺪ ۋە ﺋﯩﺸﻪﻧﭽﻜﻪ ﺗﻮﻟﻐﺎن ﻳﯜرﯨﻜﯩﻨﻰ ﺋﯚز روﮬﯩﻴﯩﺘﯩﻨﯩﯔ ﭼﯩﻤﻪﻧﺰارﻟﯩﻘﯩﻐﺎ ﺗﻮﻟﯘق ﺑﺎﺷلاپ ﻛﯩﺮﯨﭙﺘﯘ. ﺋﻪﻧﻪ ﺷﯘﻧﯩﯖﺪﯨﻦ ﺋﯩﺘﯩﺒﺎرەن ﺑﺎﺷﻘﯩلارﻧﯩﯔ ﻣﯧﻴﯩﭗ ﻳﯩﮕﯩﺖ ﺑﯩﻠﻪن ﭼﯩﻤﻪن ﮬﻪﻗﻘﯩﺪﯨﻜﻰ ﻣﯘﻧﺎزﯨﺮﻟﯩﺮى ﺋﺎﺧﯩﺮﻟﯩﺸﯩﭗ، ﺋﯘلارﻧﯩﯔ ﺑﯜﻳﯜك ﺋﻮﺑﺮازى ﻣﯘﮬﻪﺑﺒﻪت پەرىشتىسىنىڭ ﮔﯜزەل ﮬﻪﻳﻜﯩﻠﯩﺪەك، ﻛﯚﯕﯜل ﺧﺎﺗﯩﺮﯨﻠﯩﺮﯨﺪە ﮔﻮﻳﺎ ﺋﺎﺑﯩﺪﯨﺪەك ﺗﯩﻜﻠﯩﻨﯩﭙﺘﯘ... دوﺳﺘﯘم ! ﺑﯘ، ﻣﯘﮬﻪﺑﺒﻪت دەﺳﺘﯘرﻟﯩﺮﯨﺪا ﺧﺎﺗﯩﺮﯨﻠﻪﻧﮕﻪن ﭼﯚﭼﻪك ۋە ﻳﺎﻛﻰ ﺗﺎرﯨﺦ ﺋﯧﻘﯩﻨﻠﯩﺮﯨﺪا ﺋﯧﻘﯩﭗ ﻛﻪﻟﮕﻪن ﺳﯚﻳﮕﯜ رﯨﯟاﻳﻪﺗﻠﯩﺮى ﺋﻪﻣﻪس. ﺑﯘ ﺑﻪﻟﻜﻰ ﻣﯘﻗﻪددەس ﺑﯩﺮ ﻳﯧﺰﯨﻨﯩﯔ ﻗﯘﭼﯩﻘﯩﺪا ﭘﻪرۋﯨﺸﻠﻪﻧﮕﻪن، رﯨﺌﺎﻟﻠﯩﻖ ﺑﯧﻐﯩﺪا، ۋﯨﺴﺎل ﺷﯧﺨﯩﻨﯩﯔ ﺋﺎﺳﺘﯩﺪا ﺟﯜﭘﻠﻪﺷﻜﻪن ﺳﻪﻣﯩﻤﯩﻲ ﻗﻪﻟﺒﻠﻪردﯨﻦ ﺑﺎﻟﻘﯩﻐﺎن دوﻟﻘﯘﻧﻠﯘق ﻣﯘﮬﻪﺑﺒﻪت. ﺋﯩﻨﺴﺎﻧﯩﻴﻪت ﺋﯚﻟﻤﻪﻳﺪﯨﻜﻪن، ﮬﺎﻳﺎﺗﻠﯩﻖ ﺑﯘﻟﯩﻘﯩﻨﯩﯔ ﺋﺎﻳﯩﻐﻰ ﻗﯘرﯨﻤﺎﻳﺪﯨﻜﻪن، ﺳﻪﻣﯩﻤﯩﻴﻪﺗﻠﯩﻚ ﮬﺎﻣﯩﻨﻰ دﯨﻠلار ﺗﯚرﯨﺪە ﻗﻪدﯨﺮﻟﯩﻨﯩﺪﯨﻐﺎن ﺑﯜﻳﯜﻛﻠﯩﻚ دەﺳﺘﯘرى ﺑﻮﻟﯘۋﯦﺮﯨﺪۇ. ﻣﻪﻳﻠﻰ ﻣﯘﮬﻪﺑﻪﺗﻨﯩﯔ ﻛﯚزﯨﻨﻰ ﻗﺎرﯨﻐﯘ دەڭ ۋە ﻳﺎﻛﻰ ﻗﺎرﯨﻐﯘ دﯦﻤﻪڭ، ﺑﯘ ﺑﻪرﯨﺒﯩﺮ. ﺋﻪﮔﻪر ﻗﻪﻟﺐ ﻣﯧﻴﯩﭙﻠﯩﻜﻰ ﺑﻮﻟﻤﯩﺴﯩلا، ﺋﯩﻨﺴﺎﻧﯩﻴﻪت ﺋﯜﭼﯜن ﻣﯧﮭﯩﺮ - ﻣﯘﮬﻪﺑﺒﻪﺗﻨﯩﯔ ﻣﯘﺋﺎﻣﯩﻠﯩﺴﻰ ﮬﺎﻣﺎن ﭘﻪرﻗﺴﯩﺰدۇر... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-14 16:33

زۆھرەگۈل ھامۇت · ۋاقتى: 2012-6-14 16:27:15


	قەلبىنۇر ئېلياس،سىز نەسىر تىلىغا ھەقىقەتەن باي ئىكەنسىز.سىزدىكى بۇ ئارتۇقچىلىق ھەممە كىشىدە بولۇۋەرمەيدۇ.قەلىمىڭىزگە بەركەتلەر يار بولغاي!

قەلبىنۇر ئېلياس · ۋاقتى: 2012-6-15 16:21:24


	كۆز يېشىغا چىلانغان ئايال 1 كۆز يېشى دەۋرەيدۇ، گويا تارىخنىڭ ئۇنتۇلۇپ كەتكەن توپان سۈيىدەك . لاتقا بولۇپ تىنىپ كەتكەن قوڭۇررەڭ ئازاپ . ئۇنىڭدا ئۈزۈپ يۈرەر خىرامان ئەركەكلىك ھەۋەس . ئايال ئىڭرايدۇ، چىداشلىقى خوراپ، تىتما– تىتما بولۇپ توزىغان تاغلاردەك... توپان سۈيىدە، ۋىجدان قولۋىقىغا سىلىۋالغان جانىۋارلارنى، قۇتقۇزۇش يولىدا ئاۋارە نوھمۇ ، بىراق ئۇنتۇپ قالغان مەھبۇبىسىنى .... 2 قان رەڭگىدە بۇلدۇقلىدى كۆز ياش، ئەمما مىھىر ئېرىقلىرىنىڭ گىرۋەكلىرىدىن تاشقىنلىمىدى . مۇھەبەتنىڭ چىملىقلىرىغا ،سىڭدىرۋەتتى ئۇلۇغ پەزىلەت. ئايال ! كۆز يىشىدا يۇيۇنغان ئارمانلىرى ، سۈكۈت دۇنياسىغا غەرىق بولغان تۇيغۇلىرى ... 3 ئۇ قەلبىنى سۆيگۈنىگە ئامانەت قىلماقچى ئىدى ، ئەمما شەھۋەت ئالىدا ئۇنىڭ سەمىميىتى خورلاندى. ئۇ ئىبادەت تەسۋىسىدە ئېتىقادىنىڭ مەركىزىنى سۆيگۈنىنىڭ ئامانلىقىغا جىپسىلاشتۇرماقچى ئىدى، ئەمما تەۋرەنگەن كۆڭۈل كۆلچىگىدە چايقىلىپ تۇرغان مەۋھۇم ئاينىڭ شولىسى ، ئەرلىك ئەقىلنى ئىسكەنجىگە ئالدى . مۇتەھەم بىر قوپاللىق بىلەن ئۇرۇلغان ئازاپ تەستىكى، ئايالىق تىلەكنىڭ نازۇك خىىرىستالدەك سەمىميەتلىرىنى پاچاقلىۋەتتى... مۇقەددەس مەجبۇريەتنى ئۇنتىمىغان ئايالنىڭ غورۇرى ، بالا ئۈچۈن ،گىدەيگەن كىبىر ئالدىدا تىزلاندى .ئەمما بۇنىڭ بەدىلىگە ئۇ ئۆزىنىڭ روھيەت مەۋجۇتلىقىنى يۇقاتتى ... ئەنە شۇندىن باشلاپ كۆز ياش يۈرىكىدىن ئېتىلىپ چىقىپ ، قان رەڭگىدە تومۇرلىرىغا تارالدى ... 4 ئايال ئۇ، تۇرمۇش قازىنىدا قايناپ پىشقان باش ، ئۇنى غاجىلايدۇ ئېچىرقاش . سۆڭەكلىرى تورۇكلايدۇ ئاقىۋەت ، بىراق يىيىلىشكە رازى ئۇ ، ئەگەر كىبىردە بولمىسىلا نىزىقاش ... ئايال ئۇ،غەپلەت بىسىپ قارايغان قەلىب، زەربىسىدىن ئۇيۇپ قالغان تاش . ئۈمۈدىدە مەۋھۇم تىڭىرقاش ... ئايال ئۇ ،نەرە تارتقان ۋىجدان باتۇرى ، ئازاپلارغا پالانغان مەھبۇس، ئەمما يۈرىكىدە ئۈزۈلمەس ھامان ، سۆيگۈ ئۈچۈن ئۈنسىز دىقىلداش... 5 يۇمۇلاپ چۈشتى گۈزەل ئەپسانە. يۇلۇپ تاشلاندى سۆيگۈنىڭ گۈلى . ئەمما بىخەۋەر ئۇندىن مەيخانىدا يۇرگەن مەس– ئەلەس ، نىمىلەرگىدۇ قىلىدۇ ھەۋەس؟... تۈگلىنىپ ياتىدۇ بىر ئارمان.خىياللارنى تەنھا قۇچاقلاپ .قايغۇسىنى كۆلچەك قىلىپ، چۆمىلىدۇ باللىرى غەمسىز ... 6 بوغۇلۇپ قالغان سۈپۈرگىدەك ،تىپىرلايدۇ گۈزەل بىر تۇيغۇ.لىكىن پىچەتلىگەن ئۇنى مەسۇليەت. ئارمان دەرىخىنىڭ ئاستىدا، شېرىن مىۋلەرنىڭ مەي باغلىشىنى كۆتۈپ تۇرار بىر رومانتىكا... ئەمما ئايال ئۇ ، يىيەلمەيدۇ سۆيگۈ مېۋىنى ،سۆيۈپ قالار يەنىلا ھىجران لېۋىنى ... 7 قىرتاق– قىرتاق تۇرمۇش تەمىدىن، ئاچچىق– ئاچچىق چالۋاقار ئايال .بۈدۈر–چوقۇر بولغان ئارمانلار ، تىلىم – تىلىم بولۇپ كېسىلەر . ئاندا– ساندا ئەرلىك تەسەلى ، خىرە – شىرە ياندۇرىدۇ ئوت .گۈر– گۈرى يوق سۆيگۈ ئوتىدا، ۋىل– ۋىل قىلىپ ئىللامدۇ تۇيغۇ . پات– پاراق بوپ يۈرسە ئەقىدە ،ۋىلىق– ۋىلىق كۈلەمدۇ كۆڭۈل؟!... 8 مۇققەدەس قورغان سەن ئېتىقات قىلغان شۇ ماكان ، ئەرلىك دەرگاھىغا يۆلەنگەن ئارمان. بىراق شىجائىتى يىمىرىلگەن تەن بېرەلمىدى روھىڭغا دەرمان ، شۇندىن بېرى قەلبىڭنى يالمىدى قىيان. سۆيگۈڭ تىلەمچىگە ئايلاندى ، رومانتىكاڭ دوخمۇشلاردا تەلمۈردى، بىراق بەختىڭگە ئۈندى يەنىلا شۇم بۇيا، يۇلۇپ تاشلاندى ئۈممۈت دەرىخىڭ .ئەمما تۆھمەت كەلكۈنىدە يەنىلا سەن ئاقتىڭ ، ئىپپەت چىۋىقىدا ئۇچۇغدالدى مەۋجۇتلىقىڭ ، شۇندىن بىرى كۈز يىشىغا چىلاندى روھىڭ ... 9 تۇرمۇش ئارىلىغا پالانغان مەھبۇس، چۈشىۋالدى چۈشكۈن قولۋاققا .ھايات خاددىسىغا سوقۇلدى يەلكەن . ئىڭرىدى ئايال ، قىيالمىغان تىۋىنىشلاردا ... ئەرلىك غەيرەت پىشاڭ بولۇپ چۈشمىدى سۇغا ، ئايال قەلبى غەرىق بولدى يۇقۇتۇشلارغا... 10 ئەرلىك ۋىجدان ،ساڭا نىمە ھۆكۈمران ؟! قەلبىڭدە چايقالمامدۇ ئادىمى قىيان ؟! سەندىكى بىمەنە ھەۋەس، ئاياللارنى يوللىرىدىن ئازدۇرغان. ھەۋەسلەردە تىكىلمىسەڭ رەڭلىك جۇلاغا ، ئاياللار ئايلىنامدۇ شۇلارغا... كۆڭۈل دىڭىزىغا تۆكۈلسە ئەخلەت ،مەسۇليەت سۈزگۈچىدە سۈزەلەمسەن ؟ !ئايال چۆككەن كۆزنىڭ يېشىدا، سەنمۇ ئۆلمەي ھايات يۈرەلەمسەن؟!... 11 سۆيگۈڭ — بالاغەتكە يەتكەن بىر بالا ، ئاياللىق قەلبڭىنىڭ تېپىرلىشىدا ، شۇڭا قېرىمايدۇ ئىزگۈ تەلپۈنىش ،ئاياللار كۆڭلىنىڭ ھارارەتلىك يىلىنجكىشىدا ... ئەمما بېخىلنىڭ كىسىلگەن قولىدەك ، سۇنۇلمايدۇ گۈل دەستە بوپ ئاڭا تۇيغۇلار ... ئايال ئىستىكى بوغۇزلىنار، گويا رەزىل قاسساپنىڭ قولىدا، بوينى قايرىلغان قويلاردەك .ئۇرغۇپ چىقار ھەۋەسلەر تاشقىنلاپ ، ھەسرەت دەرياسىدا شاۋقۇنلىغان زوراۋان زۇۋاندەك ... ئىخ ئايال! سۆيگۈ مەنتىقەڭنى چۈشەنمەيدۇ باشقىلا ، قەلىب تىرەنلىكىڭدە داۋالغۇيدۇ مۇڭلۇق ناخشىلار... 12 كۆز يىشىغا چىلانغان ئايال! گويا ياش دىڭىزىدا تۇنجۇققان ئارزۇ ، تىرەنلىكىڭگە چۆككەن بىر بۈيۈك تارىخنىڭ كەلگۈسى. قەۋىملەرنىڭ قانلىق پاجئىەسى ... كۆز يىشىغا چىلانغان ئايال— سوزۇلغان قوللىرىڭ بۈيۈكلىكنىڭ ئىللىق قولىغا . كەل تارتىۋالغىن ئۇلۇغ ئىنسانيەت ! ئۇنى مەنىۋيەتنىڭ گىرۋەكلىرىگە ، جانان چىنىدەك جىرىڭلاپ تۇرغان لىرىكىسىنى يەملىگىن مۇھەببەتلەردە . سۇنغان روھىغا تىرەك ياسىغىن ئادىميەتلەردە... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-6-15 16:33

مۇنەۋۋەر ئابدۇق · ۋاقتى: 2012-6-16 01:53:43


	دوستلۇق رىشتى «قەلبىنۇر ئىلياسقا بېغىشلاپ» تەنھا ئىزلىرىمنى بويلاپ مەن تامان كېلىۋاتقان نۇردىن قۇياشنى كۆرگەندەك بولدۇم-دە،« قۇياش ،ئەنە قۇياش!» دەپ سەكرىگىنىمچە قوياشنىڭ كۆكسىگە باش قويدۇم،قەلىبلەر خېلىدىن تونۇش بولسا كېرەك،شىۋىرلاشماقتا!... سېنى شۇنچە ئۇزۇن كۈتكەن ئىدىم ،ئەمدى كەلگىنىڭ نىمىسى؟ مەن ھەر كۈنى كېلىپ تۇرىمەن،ئىزلىرىمدىن ئۈنگەن چىمەنلەرنى سەن ماھىرلىقىڭ بىلەن چىچەكلىتىپ، چاھار باغ ياساپ كەلدىڭ، مەن قەلبىمدىكى «نۇر» تەپتىم بىلەن ھاياتلىق ئاتا قىلىپ كەلدىم...مېنىڭ سېنى يوقىتىپ قويغۇم يوق، مەن نۇرسىز ياشىيالمايمەن... يۈرۈكۈڭنى بەرگىنە، قەلبىمنى كۆرسۈتۈپ كېتەي..ئاھ! مەن كۆردۈم.مەن كۆردۈم...چاڭقىغان قەلىبلەرنى ئابىھايات قەلەم سىياھى بىلەن سۇغارغۇچى، ۋەتەننىڭ كەلگۈسىدىكى ئىزباسارلىرىغا يورۇقلۇق ئاتا قىلغۇچى ۋە توغرا يول كۆرسەتكۈچى قەلبى دېڭىز دولقۇنلىرىدەك كۈۋەجەپ ئېقىۋاتقان بىر سىما- قەلبى نۇرنى كۆردۈم ... بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2012-6-16 01:54

قەلبىنۇر ئېلياس · ۋاقتى: 2013-2-12 15:45:25


	ئىزدەش 1 مەن سېنى ئىزدەيمەن ، ئەمما نەدىلىكىڭنى بىلمەيمەن. قۇلۇمدا بىر سېقىم سەنسىز ياشىغان چۆللەرنىڭ باغرىدىكى يۇلغۇننىڭ چېچەكلىرى . ئۇنى سۆيگۈدە قىيام قىلىپ قاينىتىپ، خۇش- بۇي ھىدلىرىدا قەلبىڭنى يۇيسام دەيمەن . ئارمان ئارماننى ئۆلتۈرگەندەك ، ئازاپ ئازاپنىڭ كەلگۈنىگە توسما ياسايدۇ. يىغا يىغىنى بەزلىگەندەك ، كۈلكە كۈلكىلەرگە قەبرە قازىدۇ . چۈشلەر چۈشلەردىن ئۆزىنىڭ سايىسىنى كۆرگەندەك رىياللىق رىيالىقتىن تەجىربە توپلاملىرىنى پۈتۈپ چىقىدۇ . ئەمما مېنىڭ پۈتۈپ چىققىنىم ئاخىرلاشمايدىغان سېغىنىش داستانىنىڭ مۇقەددىمىسى... 2 سەن يۇلتۇزلار ئارىسىدا ئەمەس چۈنكى جىسمىڭ تېخى روھقا ئايلىنىپ ئاسمانغا چىقىپ كەتمىدى . سەن ھېجران بۇلۇتىنى ئاپقاشقان شامالمۇ ئەمەس ، چۈنكى سەن ئۈچۈن ۋىسال تېخى چىراي ئاچمىدى. سەن دېڭىزلار قېتىغا يۇشۇرۇنغان مەرۋائىت ئەمەس چۈنكى پايانسىزلىقىڭ ئۈچۈن دېڭىز سەندىن يىراق جايدا سەن تېخىى ياشاۋاتقان ئارمىنىم ئۈچۈن يېڭىلا تۆرەلگەن ھامىلە ،چۈنكى بۇ ئالەمدە سېنى ئۇچرىتىپ باخمىدىم. سەن بەلكىم مەن ئۈچۈن ئۈزۈڭنى نىقابلىغان سۆيۈنۈش ،چۈنكى مەن پەقەتلا سەندىن مەرىمنى ئۈزۈپ باخمىدىم... 3 سەن ئۈچۈن دەستە تەيارلاپ، بىر مۇنچە گۈلنىڭ قاتىلى بولالمايمەن. گۈللەر شېخىدا قەدىرلىك. سەن ئۈچۈن ئەما كۆزۈڭنى ئاچىدىغان سېھىر ئالمىسىنى سۇنالمايمەن ، مەختۇمسىلانىڭ ئالمىسى رىۋايەتكە ئايلانغان. يۇنۇس بىلىقى بولۇپ قورسىقىمدا سېنى ساخلىغىدەك خىسلەت مەندە يۇق شۇڭا پەيغەمبەرلىك سالاھيەت سەندىمۇ يوق مەن پەقەت ئاددىيلىغىڭ ئۈچۈن كۆڭۈل بەرگۈچى... 4 ۋاقىتنىڭ قىسمىقىدا قىسىلدىم .سىرغىپ كەتتى ھاياجانلىرىم ... باھار كەينىدىن ئۇلىشىپ ماڭدىم ، كېسىلدى تالاي ئۆمۈرنىڭ شېخى . غەپلەت چۈشلىرىگە ئالداندىم، ئۆكسۈپ قالدى رىيالىغىمنىڭ غازاڭ باغلىرى . ئارمان تۇلپارىغا مىنىپمۇ باختىم ، ئاداقى بىر پەللەمدە سېنى ئۇچراتتىم . ئەمما گۈزەل قاناەت بىلەن رىغبەت تىلىكىنى ساڭا قالدۇرۇپ، تىۋىشسىزلا ئارقامغا ياندىم ئەمما قەلبىمدە قېتىپ قالغىنى پەقەت ئىزدەشنىڭ مەڭگۈلۈك ۋەسۋەسىسى. بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2013-2-12 15:46

قەلبىنۇر ئېلياس · ۋاقتى: 2013-2-26 11:09:14


	سىناق مەنىۋى دەريارىمغا چۆمۈلمەك بولۇپ، بىر تال ئېھتىيات بەلۋىغى ئارىسىغا ئۈزۈڭنى ئېلىپ، تىمتاس قىرغاقلىرىمنى بويلاپ كەلگىنىڭدە ، بىر تال قىيىق تاش بىلەن يۇمران تاپىنىڭنى تىلىپ تۇرۇپ، ئىرادەڭنى سىناپ باختىم گۈزۈلۈم. سېنىڭ چىدامسىزلىقىڭنى ،بىلىقلىرىم مازاقلىدى، بىر سىقىم مەرۋايىتنى سىقىمدىغان قۇلىلىرىم ،ساڭا ھەدىيە قىلىش ئۈچۈن تەيارلىغان سوغاتىن يالتايدى . چەكسىز پايانىمغا چۆكۈپ تۇرغان ئەقىدە ، بىر تال قاشتېشىدەك سېنىڭ سۈزۋىلىشىڭنى ئىستىگەن شېرىن چۈشلىرىدىن ئۇيالدى .چۈنكى سەن قىرغاق بويىدا ئولتۇرۇپ، تاپىنىڭدىن ئاققان قانغا قارىغىنىڭچە ھۇ تارتىپ يىغلىدىڭ-دە ، سۆيگۈ مۇشاقىتى بىلەن سىنىغان دولقۇنلىرىمغا ھۇمايغىنىڭچە كېتىپ قالدىڭ. بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2013-2-26 11:11

mamtimintursunn · ۋاقتى: 2013-3-3 00:27:59


	«ئىشىك ئېچۋىتىلدى تۆگىگە، راۋانلاشتى ئېشەككە . ئېشەك خۇيلۇق ئادەملەر يالماپ كەتتى قەلىبلەرنى ، بۇ ھەقىقەتتىن ئېرىشمىدۇق ئىبرەتكە. يۈرەكلەرگە ۋېرۇس تارالدى ، ھىچكىم ئېرەڭشىمەس بولدى ئىپپەتكە ... » دەر ھەقىيقەت.......! دىمەك ھازىرقى جەمىيىتىمىزنى قالدۇرماي ئاپراتسىيە قىلىشقائۈلگۈرۈپسىز سىزگە ھەقىيقەتەن قايىل بولدۇم.سىزنىڭ ئىجادىيەت گۈللىرىڭىزنىڭ تېخىمۇ پۇرەكلەپ ئېچىلىشىنى،شۇنىڭ بىلەن بىللە ئائىلىڭزىنىڭ ئىناق بەخىتلىك بولىشىنى چىن قەلبىمدىن ئۈمۈت قىلىمەن .